ທ່ານ Sarkozyປະທານປະເທດ ແທນທ່ານ Chirac

ໄຊຊະນະຂອງຜູ່ອອກຫາສຽງ ເປັນຕົວແທນຂອງ ພັກຂວາແທ້ໆ

ໂດຍ  ພອນແກ້ວ

ບົດຄວາມນີ້ເຜີຍແຜ່ເມື່ອວັນທີ 07/05/2007 ແກ້ໄຂໃຫມ່ຫລ້າສຸດເມື່ອວັນທີ 07/05/2007 à 14:41 TU

ທ່ານນິໂກລາສາກໂກຊີ ປະທານາທິບໍດີຄົນໃໝ່
ຮູບ: DR

ດວ້ຍຄວາມຮັກຊາດອັນສຸງສົ່ງນີ້ເອງ
ທີ່ໄດ້ພາໃຫ້ທ່ານຊາໂກສີໄດ້ເວົ້າວ່າ:
"ປະເທດຝຣັ່ງໄດ້ກາຍມາເປັນຄືກັນ
ກັບຄົນຜຸ່ນື່ງແລ້ວສຳລັບຂ້າພະເຈົ້າ
ແລະຖ້າຫາກຊາວຕ່າງຊາດຜູ່ໃດ
ບໍ່ຮັກປະເທດຝຣັ່ງແລ້ວ ກໍຂໍເຊີນໝີ
ອອກໄປໂລດ"

ທ່ານສາກໂກຊີສເນີທິສດີແລະແນວຄິດຂວາ ໂດຍເອົາການນັບຖືກົດໝາຍ
ນັບຖືກົດລະບຽບແລະຂນົບທັມນຽມຕ່າງໆຂອງຝລັ່ງພ້ອມທັງການເຮັດວຽກ
ງານອັນແທ້ຈິງເປັນຫຼັກໃຫຍ່ຄ້ຳປະກັນ

ຫຼັງຈາກຖືກເລືອກຢ່າງສະງ່າງາມແລ້ວ ທ່ານຊາໂກສີກໍໄດ້
ກ່າວຢ້ຳຕື່ມອີກວ່າ: "ແມ່ນໄຊຊະນະຂອງປະຊາທິປະໄຕ ໄຊຊະນະຂອງປະເທດຝຣັ່ງ ແລະຂ້າພະເຈົ້າກໍຈະເຮັດໝົດທຸກວິທີທາງ ເພື່ອໃຫ້ໝົດທຸກໆຄົນມີພາລະໜ້າທີ່ໃນ
ສັງຄົມ ໃພ້ຊາວຝຣັ່ງຢາກເວົ້າຈາແລະເຮັດວຽກງານຮວ່ມກັນຕລອດໄປ ເພື່ອໃພ້ພວກເຂົົາເຈົ້າມີຄວາມພູມໃຈໃນການເປັນຄົນຝຣັ່ງ"

ຜູ້ກ້າເວົ້າຄວາມຈີງ
ໄຊຊະນະແບບຂາດຮອນ ຂອງອະດີດຣັຖມົນຕຣີພາຍໃນແລະເສຖກິດໃນເທື່ອນີ້ ກໍແມ່ນໄຊຊະນະຂອງທິດສະດີຕັດຂາດກັບຄວາມຫຼັງ ຕັດຂາດກັບຄວາມຢ້ານກົວບໍ່ຢາກແຈ້ງບອກວ່າແມ່ນຄົນຝ່າຍຂວາ ແມ່ນໄຊຊະນະຂອງຜຸ່ທີໄດ້ກ້າເວົ້າຄວາມຈິງກ່ຽວກັບບັນຫາສຳຄັນຕ່າງໆ ຄືການເຂົ້າເມືອງແບບຜິດກົດໝາຍ ການຂາດຄວາມສງົບສຸກໃນເຂດຊານເມືອງ ການຮອ້ງພວກໂຈນຮ້າຍອ້າຍຄະໂມຍ ວ່າແມ່ນພວກທີ່ບໍ່ເພີ່ງປາຖໜາ

ດວ້ຍເຫດນີ້ເອງ ທ່ານຊາໂກສີກໍໄດ້ສາມາດໄປຢາດເອົາສຽງຈາກພັກຂວາຈັດ
ຊາດນິຍົມ ໄດ້ເຖີງນື່ງລ້ານສຽງໃນຮອບທີ່ນື່ງ ກອ່ນຈະໄດ້ໄປແກ່ດືງເອົາບັນດາພວກທີ່ໄດ້ປອ່ນບັດເອົາທ່ານ Jean-Marie
Le Pen ເຖີງສອງສ່ວນສາມໃນຮອບທີ່ສອງ

ແມ່ນຜົນງານອັນດີເດັ່ນອີກດາ້ນນື່ງ ຂອງປະທານປະເທດຄົນໄໝ່ ທີ່ໄດ້ສາມາດເຮັດໃຫ້ຄແນນສຽງຂອງບັນດາພັກຊາ້ຍຈັດແລະຂວາຈັດ ຕອ້ງໄດ້ລຸດລົງໄປຢ່າງຫຼວງຫຼາຍຄືແນວນີ້ ພອ້ມທັງໄດ້ຊວ່ຍເຫລືອໃຫ້ເພງຊາດ
La Marseillaise ໄດ້ກາຍມາເປັນເພງທີ່ຊາວຝຣັ່ງໄດ້ພາກັນຮອ້ງດວ້ຍຄວາມ
ພູມໃຈ ແທນທີ່ຈະຢ້ານຖືກຕີລາຄາວ່າເປັນຄົນລ້າຫຼັງ ດັ່ງທີ່ການປະຕິວັດ
ວັຖນະທັມ ໃນເດືອນພີສພາ 1968 ໄດ້ເຄີຍເຮັດໃຫ້ຊາວໜຸ່ມໄດ້ມີຄວາມເຊື່ອ
ຖືແບບຜິດຜາດມາຈົນຮອດດຽວນີ້

ພອ້ມດຽວກັນນັ້ນທ່ານຊາໂກສີກໍຍັງໄດ້ເຮັດໃຫ້ຊາວຝຣັ່ງກັບຄືນມາໃຫ້ຄວາມສົນ
ໃຈຕໍ່ວົງການເມືອງ ໂດຍໄດ້ມີປະຊາຊົນອັນຖວ້ມລົ້ນ ເຖີງ 83.77% ໄປໃຊ້ສີດປະຊາທິປະໄຕຂອງຕົນໃນຮອບທີ່ນື່ງ ແລະກໍມີເຖີງ 83.97% ໃນຮອບທີ່
ສອງ ເຖີງແມ່ນວ່າທ່ານ ເລີ ເປັນ ໄດ້ຮຽກຮອ້ງ ໃຫ້ຂາສນັບສໜູນຂອງຕົນ ບໍ່ໃຫ້ພາກັນໄປໃຊ້ສິດຂອງປອ່ນບັດແລືອກຕັ້ງ

ຊື່ງກໍຊີ້ບອກເຖີງຄວາມຂຫຍັນຂັນແຂງ ຂອງປະຊາທິປະໄຕໃນຝຣັ່ງ ຫລັງຈາກແຜ່ນດີນໄຫວການເມືອງໃນປີ 2002 ເມື່ອທ່ານ ເລີ ເປັນ ໄດ້ເຂົ້າໄປຮວ່ມແຂ່ງຂັນ ໃນຮອບທີ່ສອງ

ຂ່າວດີສຳລັບພັກ UMP
ອີກປະການນື່ງ ມັນກໍແມ່ນໄຊຊະນະໄປໃນຕົວຂອງຣັຖບານຂອງທ່ານາຍຍົກ ຣມຕ
ໂດມີນິກ ເດີ ວີລແປງ (Dominique de Villepin) ເນື່ອງຈາກວ່າທ່ານ ຊາໂກສີ ໄດ້ລາອອກຈາກຕຳແໜ່ງ ຣມຕ ພາຍໃນ ແຕ່ພຽງເດືອນດຽວເທົ່ານັ້ນ ກອ່ນການເລືອກຕັ້ງໃນຮອບທີ່ນື່ງ

ສຳລັບພັກ UMP ຂອງທາ່ນຊາໂກສີແລະຣັຖບານແລ້ວ ມັນກໍແມ່ນໄຊຊະນະອັນສະງ່າງາມອີກຄືກັນ ຫລັງຈາກພົບກັບການປະລາໄຊອັນເຈັບ
ແສບ ໃນການເລືອກຕັ້ງ ສສ ສະພາບໍຣິຫານເຂດໃນປີ 2004 ແລະການຢັ່ງປັດຊາມັດຕິກ່ຽວກັບທັມນູນຂອງສະຫະພາບເອີຣົບ ໃນເດືອນພືສພາ
2005 ແລະຕາມຕົວເລກຂອງການຢັ່ງສຽງໃນມື້ວານນີ້ ວັນອາທິດ 6 ພີສພາ ພັກ
UMP ກໍຈະໄດ້ຮັບຄະແນນສຽງຫຼາຍກອ່ນໝູ່ໝົດໃນການເລືອກຕັ້ງ ສ.ສ. ສະພາແຫ່ງຊາດໃນວັນທີ່ 10 ແລະ 17 ເດືອນໜ້າ

ການເລືອກອານາຄົດແລະສັງຄົມ
ໄຊຊະນະຂອງທ່ານຊາໂກສີໃນເທື່ອນີ້ ກໍແມ່ນການເລືອກເອົາອານາຄົດແລະສັງຄົມ ທີ່ໝົດທຸກຄົນ ບໍ່ວ່າບັນດາຊາວໜຸ່ມໃນເຂດຊານເມືອງ ຫລືພວກທີ່ໄດ້ລັກລອບເຂົ້າໄປໃນປະເທດຝຣັ່ງ ຕອ້ງນັບຖືກົດໝາຍບ້ານເມືອງ ຕອ້ງນັບຖືເຈົ້າໜ້າທີ່ຕຳຣວດແລະຕົວແທນຂອງລັດໃນທົ່ວປະເທດ ພອ້ມທັງເປັນການເລືອກເອົາສັງຄົມທີ່ເອົາການເຮັດວຽກງານເພື່ອເພີ້ມລາຍໄດ້ເປັນລັກໃຫ່ຍ ແທນທີ່ຈະຄອຍຖ້າອາໄສແຕ່ການຊວ່ຍເຫລືອຈາກລັດເທົ່ານັ້ນ

"ຂ້າພະເຈົ້າຈະເອົາຊາດ ເອົາຄວາມເປັນຝຣັ່ງ ເອົາການເຮັດວຽກ ເອົາການນັບຖືກົດລະບຽບແລະຄນົບທັມນຽມ ພອ້ມດວ້ຍການຕອບສໜອງຄວາມ
ສາມາດ ກັບຄືນມາເປັນລັກໃຫຍ່ ຂອງເວທີການເມືອງມນຝຣັ່ງ" ທ່ານຊາໂກສີໄດ້ກ່າວໃນອີກຕອນນື່ງ

ເພາະວ່າ ການໄປໃຊ້ສີດປະຊາທິປະໄຕອັນຖວ້ມລົ້ນຄືແນວນີ້ ມັນກໍແມ່ນການຕື່ນຕົວຂອງຊາວຝຣັ່ງ ທີ່ໄດ້ພາກັນເຂົ້າໃຈວ່າ ຈະບໍ່ສາມາດໄດ້ເງີນເດືອນເພີ້ມຂື້ນຕື່ມ ຖ້າຫາກມີການລຸດເວລາເຮັດວຽກງານລົງໄປພອ້ມໆກັນ ເນື່ອງຈາກວ່າ ໃນໂລກຂອງເສຖກີດເປີດຕລາດທີ່ບໍ່ມີພົມແດນ ກໍມີແຕ່ການຂະຫຍັນຂັນແຂງ ເຮັດວຽກງານຢ່າງເອົາໃຈໃສ່ເທົ່ານັ້ນ ທີ່ຈະພາໃຫ້ຊາວຝຣັ່ງແລະປະເທດຝຣັ່ງ ສາມາດແຂ່ງຂັນກັັບນາໆຊາດຢ່າງມີປະສິດທິຜົນ

ໄຊຊະນະຂອງຜຸ່ມີຄວາມມານະອົດທົນ
ພອ້ມດຽວກັນນັ້ນ ມັນກໍແມ່ນການສະແດງຄວາມເບື່ອໜ່າຍຂອງ ສຽງສວ່ນຫລາຍຂອງຊາວຝຣັ່ງ ຕໍ່ບັນດາພວກທີ່ບໍ່ນັບຖືກົດໝາຍບາ້ນເມືອງ ແມ່ນການສນັບສໜູນລັຖບານໄປໃນຕົວ ໃຫ້ເອົາມາຕການເຂັ້ມງວດກວດຂັນ ເພື່ອປອ້ງກັນອິດສາລະພາບແລະຄວາມຢູ່ດີກີນດີຂອງປະຊາຊົນ

ແລະໃນທີ່ສຸດ ກໍແມ່ນໄຊຊະນະຂອງຄວາມບາກບັ່ນອົດທົນຕໍ່ສູ້ອູປສັກນາໆປະການ ຂອງທ່ານຊາໂກສີເອງ ໂດຍສະເພາະແລ້ວ ນັບຕັ້ງແຕ່ທ່ານໄດ້ໄປກຳຕຳແໜ່ງປະທານພັກ UMP ໃນວັນ 28 ພະຈິກ 2004 ໂດຍທີ່ທາ່ນເອງໄດ້ເດີນທາງໄປອອກຫາສຽງຢ່າງບໍ່ລົດລະ ພອ້ມທັງໄດ້ກັບຄືນມາດີອີກໄໝ່ກັບທ່ານ Jacques Chirac ແລະຄວບຄົວ ຫລັງຈາກໄດ້ຫັກຫລັງໄປສນັບສໜູນທ່ານ Edouard Balladur ໃນການເລືອກຕັ້ງປະທານາທິບໍດີໃນປີ 1995

"ຂ້າພະເຈົ້າຮັກປະເທດຝຣັ່ງ ຄືກັນກັບເຮົາຮັກຄົນທີ່ມີຄຸນສົມບັດຫຼາຍສຳລັບເຮົາ
ມາບັດນີ້ ກໍເຖີງເວລາແລ້ວທີ່ຂ້າພະເຈົ້າ ຈະຕອ້ງຕອບແທນບຸນຄຸນໃນທຸກສີ່ງ
ຢ່າງ ທີ່ປະເທດຝຣັ່ງໄດ້ເອົາໃຫ້ຂ້າພະເຈົ້າ"ປະທານປະເທດຜູ່ໄໝ່ໄດ້ກ່າວ
ໃນອີກຕອນນື່ງ

ຍານາງ Royal ຂາດທີສດີການເມືອງອັນເໝາະສົມ
ການປລາໄຊຂອງທ່ານນາງ Ségolène Royal ໃນເທື່ອນີ້ກໍແມ່ນຜົນກະທົບໂດຍ
ຕຣົງ ຂອງການຂາດຄວາມສາມາດຖອດຖອນບົດຮຽນການເມືອງ ພາຍໃນພັກສັງຄົມນິຍົມ ຫຼັງຈາກການປລາໄຊຂອງທ່ານ Lionel Jospin ໃນປີ
2002 ໂດຍທີ່ພັກດັ່ງກ່າວ ບໍ່ໄດ້ທຳການປະຕິຮູບປ່ຽນແປງຫຍັງໝົດ ກໍຈື່ງຂາດທີສດີການເມືຶງອັນເໝາະສົມ ເນື່ອງຈາກວ່າ ບໍ່ໄດ້ຖອດຖອນບົດຮຽນຂອງການເສັັຽຄແນນສຽງອັນຫຼວງຫຼາຽ ຂອງພັກຄອມ
ມູຍນິດ ແລະ ພັກອານຸລັກນິຍົມທັມຊາດສີ່ງແວດລອ້ມ ທີ່ບໍ່ມີກຳລັງພຽງພໍອີກ
ແລ້ວ ເພື່ອຊວ່ຍເຫລືອໃພ້ພັກສັງຄົມນິຍົມໄດ້ກັບຄືນໄປກຳອຳນາດອີກໄໝ່

ພອ້ມດຽວກັນນັ້ນ ພັກສັງຄົມນິຍົມ ກໍບໍ່ມີໂຄງການທາງດາ້ນແນວຄິດ ທີ່ສອດຄອ່ງກັບຄວາມຮຽກຮອ້ງຕອ້ງການຂອງປະຊາຊົນໃນປັດຈຸບັນ ເນື່ອງ
ຈາກວ່າ ໃນສາຍຕາຂອງປະຊາຊົນແລ້ວ ກູ່ມພັກຝ່າຍຊ້າຍໄດ້ເຊົາເປັນສັນຍາລັກ
ຂອງຄວາມຫວັງໄໝ່ ເຊົາເປັນສັນຍາລັກຂອງການປ່ຽນແປງສັງຄົມນຳອີກດວ້ຍ

ກໍແມ່ນໄຊຊະນະອັນຖວ້ມລົ້ນຂອງພັກສັງຄົມນິຍົມ ໃນການເລືອກຕັ້ງຖອ້ງຖີ່ນ ໃນປີ
2004 ນັ້ນເອງ ທີ່ໄດ້ພາໃຫ້ຜູ່ນຳພັກສັງຄົມນິຍົມໄດ້ເຂົ້າໃຈຜິດວ່າ ປະຊາຊົນຝຣັ່ງສ່ວນຫລາຍ ໄດ້ຫັນກັບຄືນມາຫາບັນດາພັກຝ່າຍຊາ້ຍອີກເທື່ອໄໝ່ ແຕ່ຄວາມຈີງແລ້ວ ມັນກໍເປັນພຽງການປອ່ນບັດປະທວ້ງ ການປະຕິບັດງານທັງໝົດຂອງທ່ານນາຍຍົກ Jean-Pierre Raffarin

ທ່ານຊາໂກສີຈະຂື້ນໄປກຳຕຳແໜ່ງປະທານາທິບໍດີ ແທນທ່ານ Jacques Chirac ໃນວັນທີ່ 16 ເດືອນນີ້ເອງ ກາຍເປັນປະທານປະເທດຜູ່ທີ່ຫົກຂອງສາທາລະນະລັດ
ທີ່ຫ້າ ຫລັງຈາກທ່ານນາຍພົນ Charles de Gaulle (1965-69), ທ່ານ
Georges Pompidou (1969-1973), ທ່ານ Valéry Giscard d'Estaing
(1973-1981), ທ່ານ François Mitterrand (1981-1995) ແລະທ່ານ
Chirac (1995-2007) - /ພອນແກ້ວ