ຝລັ່ງ/ບັນຍາກາດການເມືອງຫຼັງຮອບສອງ

ຕ່າງຄົນຕ່າງວຽກ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 12/05/2007 ແກ້ໄຂໃຫມ່ຫລ້າສຸດເມື່ອວັນທີ 12/05/2007 à 09:32 TU

ທ່ານຊີຫຣັກຜູ້ສິ້ນປີການ ກັບທ່ານສາກໂກຊີຜູ້ຈະ ຮັບຕຳແໜ່ງໃໝ່
ຮູບ: Reuters

ຄົນທັງສາມ ຄື ສາກໂກຊີ ໂຣຢານ
ແລະບາຍຣູ ແຍກທາງກັນຕາມ
ພາຣະກິດຂອງແຕ່ລະຄົນ ສາກໂກຊີ
ເປັນປະທານາທິບໍດີໂຣຢານຖືກຕິ
ຕຽນຈາກສ່ວນນຶ່ງໃນພັກສ່ວນຝ່າຍ
ບາຍຣູພັດແຕກກັນເປັນສອງບາຍຣູ
ກຳກັບພັກໃໝ່ຂອງຕົນເພື່ອເປັນ
ຝ່າຍ ຄ້ານເຂັ້ມແຂງ ບໍ່ໃຫ້ສາກໂກ
ຜະເດັດການ

ນິໂກລາສາກໂກຊີ
ຫຼັງຈາກໄປພັກຜ່ອນຢ່າງໂອດໂຖງຢູ່ດອນມານເຕ ເຊິ່ງຖືກໂຈມຕີຢ່າງໜັກຈາກຝ່າຍ ຄ້ານ ທ່ານສາກໂກຊີກໍກັບຄືນປະເທດໃນຕອນແລງວັນທີ່ 9/5/07 ເພື່ອຖ້າເຂົ້າຮ່ວມ ສລອງວັນເລີກທາດກັບປະທານາທິບໍດີສັກຊີຫຣັກ ຜູ້ກຳລັງໝົດປີການຢູ່

ວັນທີ່ 10/5/07 ທ່ານສາກໂກຊີກໍເລີ່ມຕົ້ນປະຕິບັດໜ້າທີ່ຂອງຕົນ ສລອງວັນເລີກທາດ ແຕ່ກໍຍັງແມ່ນປະທານາທິບໍດີຊີຫຣັກຢູ່ ເປັນປະທານພິທີ ເພາະບໍ່ທັນໄດ້ມອບອຳນາດ ເທື່ອ ນັບວ່າ ເປັນບາດກ້າວຕຳອິດທີ່ສາກໂກຊີປະຕິບັດໜ້າທີ່ຢ່າງເປັນທາງການ

ແຕ່ນີ້ ເຖິງວັນທີ່ 16/5/07 ທ່ານສາກໂກຊີກໍຕຽມຫ້າງຫາປະກອບຣັຖບານ ໂດຍມີ ຫາງສຽງດັງອອກມາຊ່າກັນວ່າ ຄົງແມ່ນ ທ່ານຟີຢົງ (Fillon) ເປັນນາຍົກຣັຖມຸນຕີ ນຳພາຣັຖບານໃໝ່

ທ່ານສາກໂກຊີຕ້ອງປະຕິບັດນະໂຍບາຍຂອງຕົນທີ່ໄດ້ວາງໄວ້ແລ້ວຢ່າງເອົາໃຈໃສ່ ກໍ ຄື ຣັຖບານໄຂກວ້າງອອກສູ່ພັກອື່ນໆ ໂດຍຈະໃຫ້ມີຈຳນວນຣັຖມຸນຕີພຽງສິບຫ້າທ່ານ ໃນນັ້ນ ຄາດວ່າຈະມີບຸກຄົນຈາກຝ່າຍຊ້າຍ ຝ່າຍຂວາອື່ນໆທີເຫັນວ່າ ເໝາະສົມນັ້ນ ແລ້ວກໍເປັນຣັຖບານຫຼາຍຫຼາກສີ ແຕ່ຈຳນວນຣັຖມຸນຕີສ່ວນຫຼາຍກໍແມ່ນມາຈາກຖັນ ແຖວພັກ UMP ຢ່າງບໍ່ຕ້ອງສົງສັຍ ແຕ່ຈະຕ່າງກັນກັບນະໂຍບາຍຂອງທ່ານຊີຫຣັກ ໃນນັ້ນ ກໍມີແຕ່ຣັຖມຸນຕີຈາກຖັນແຖວຝ່າຍຂວາທໍ່ນັ້ນ ທັງທີ່ຝ່າຍຊ້າຍຕ່າງໆກໍໄດ້ ລະດົມກັນໄປເລືອກເອົາທ່ານຊີຫຣັກໃນຮອບສອງຂອງການເລືອກຕັ້ງປີ 2002 ເພື່ອ ຂັດຂວາງທ່ານເລີເປນ (Le Pen) ຈາກພັກຂວາຈັດບໍ່ໃຫ້ໄດ້ຮັບໄຊຊນະ ອັນເຮັດໃຫ້ ທ່ານຊີຫຣັກໄດ້ຮັບໄຊຊນະເຖິງ 82.21%

ສາກໂກຊີຕຽມສູ້ໜ້າສັງຄົມໄລຍະຫ້າປີ
ຕໍ່ຈາກນີ້ໄປ ທ່ານສາກໂກຊີຖືກຊິ່ງຊອມທຸກດ້ານທຸກບາດກ້າວ ໃນການລົງພື້ນຖານ ປະຕິບັດນະໂຍບາຍຂອງຕົນ ສ່ວນກັມມະບານຕ່າງໆກໍຄົງຕຽມພ້ອມ ເພື່ອໂອ້ລົມກັບ ອຳນາດໃໝ່ ໂດຍສະເພາະດ້ານການຂົນສົ່ງໂດຍສານໃນໂຕເມືອງຕ່າງໆທົ່ວປະເທດ ໃຫ້ມີການກຳນົດບໍລິການປະຊາຊົນ ເມື່ອມີການນັດຢຸດງານ

ສ່ວນນັກສຶກສາບາງກຸ່ມກໍເຮັດການປະທ້ວງລັດໜ້າກ່ອນແລ້ວ ກ່ອນເພິ່ນຂຶ້ນກຳ ອຳນາດໃນວັນທີ່ 16/5/07 ເພາະຢ້ານໂຄງການປະຕິຮູບລົງເລິກການສຶກສາຂັ້ນສະ ຖາບັນຊັ້ນສູງ ພວກເຂົາບໍ່ມີໂວຫານທາງການເມືອງແຕ່ປະການໃດໃນການປະທ້ວງ ດັ່ງກ່າວທີມີຂຶ້ນເປັນປະຈຳ ນັບແຕ່ສາກໂກຊີຖືກເລືອກເປັນປະທານາທິບໍດີ ເຂົາຍັງ ປະກາດຕື່ມໃຫ້ຊຸມນຸມປະທ້ວງໃນມື້ມອບອຳນາດວັນທີ່ 16/5/07 ນີ້

ມາດາມໂຣຢານ

 Photo:Reuters

ມາດາມໂຣຢານຜູ້ເສັຽຊັຍຮອບສອງ ກໍປະກາດວ່າ ບໍ່ສມັກຜູ້ແທນໃນເດືອນເມຖຸນາ ໜ້າ ເພາະຕົນຍັງເປັນປະທານສະພາທ້ອງຖິ່ນຢູ່ຄືເກົ່າ ຍ້ອນບໍ່ໃຫ້ມີການຄວບຕຳ ແໜ່ງ ຕາມທີ່ຕົນໄດ້ວາງນະໂຍບາຍອອກໄປແລ້ວນັ້ນ

ເຖິງວ່າບໍ່ສມັກຜູ້ແທນສະພາກໍຕາມ ມາດາມໂຣຢານກໍຍັງແນໃສ່ການເປັນຜູ້ນຳຂອງ ພັກສັງຄົມນິຍົມແທນທ່ານຟຣັງຊົວໂຮນລັງ ທີ່ວ່າ ຈະບໍ່ສືບຕໍ່ເປັນເລຂາທິການອີກ ສະນັ້ນ ພາຍໃນພັກດັ່ງກ່າວຈິ່ງມີຜູ້ປາຖນາຢາກແຂ່ງສມັກເປັນຫົວໜ້າພັກກໍມີຫຼາຍ ເປັນຕົ້ນ ທ່ານໂດມີນິກຕຣົສການ ຜູ້ທີຕິຕຽນມາດາມໂຣຢານວ່າ ໂຄສະນາຫາສຽງ ແບບດ່ຽວ ໃນຮອບທີ່ນຶ່ງແລະທີ່ສອງຜ່ານມາ ໂດຍບໍ່ຟັງຄຳແນະນຳຂອງຄນະຮ່ວມ ງານ ຈິ່ງສົ່ງຜົນສະທ້ອນໃຫ້ເສັຽຊັຍ

ມາດາມໂຣຢານກັບທ່ານໂຮນລັງ ທີ່ເປັນຄູ່ຜົວເມັຽກັນ ກໍຂັດແຂ່ງກັນອີກ ໃນໄລຍະ ຫາສຽງຜ່ານມາ ບ່ອນຂັດແຍ່ງກັນຈຸດນຶ່ງກໍຢູ່ ນະໂຍບາຍເກັບພາສີລາຍໄດ້ ຍ້ອນ ສອງຄົນເວົ້າບໍ່ຄືກັນຕໍ່ໜ້າມະຫາຊົນ ແລະອາດມີບັນຫາທາງຄອບຄົວກໍເປັນໄດ້

ບັນດາຜູ້ນຳໃນພັກສັງຄົມນິຍົມແລະສະມາຊິກສ່ວນນຶ່ງຢູ່ໃນຂ້ອນຂ້າງບໍ່ສນັບສນູນ ມາດາມໂຣຢານໃຫ້ສືບຕໍ່ບົດບາດການເມືອງອີກຕໍ່ໄປ ອັນເຮັດໃຫ້ມາດາມໂຣຢານ ຕອບໂຕ້ທັນທີວ່າ ປະຊາຊົນທີ່ເລືອກເອົາຕົນ ໃນຊື່ສຽງຂອງຕົນ ມີເຖິງສິບເຈັດລ້ານ ຈະປ່ອຍປະເຂົາເຈົ້າບໍ່ໄດ້ເປັນເດັດຂາດ ເພິ່ນຕ້ອງສືບຕໍ່ຕາງໜ້າສັງຄົມນີ້ຕໍ່ໄປອີກ

ທ່ານບາຍຣູ

Photo:Reuters

ສ່ວນທ່ານບາຍຣູທີ່ໄດ້ຮັບຄະແນນອັນດັບທີ່ສາມໃນຮອບທີ່ນຶ່ງ ກໍກາຍເປັນບຸກຄົນ ກະເທີນ ເພາະ ພັກແຕກອອກເປັນສອງ ຄື ສະມາຊິກສ່ວນນຶ່ງຍັງສນັບສນູນທ່ານ ຢູ່ຄືເກົ່າ ໃນພັກໃໝ່ ຄື ພັກປະຊາທິປະໄຕ ສະມາຊິກສ່ວນນຶ່ງແຕກໄປຫາຝ່າຍ ສາກໂກຊີ ໂດຍສະເພາະກໍແມ່ນຜູ້ແທນສະພາ

ທ່ານບາຍຣູວ່າ ຜ່ານມາຂ້າພະເຈົ້າຕໍ່ສູ້ໂດຍເສຣີ ມື້ນີ້ກໍຍັງສືບຕໍ່ນະໂຍບາຍເກົ່າ ແລະອານາຄົດຕໍ່ໄປ ກໍສືບຕໍ່ແນວທາງນີ້ ຈົນກວ່າຈະໄດ້ຮັບໄຊຊນະ ທ່ານວ່າ ຈະ ບໍ່ປະປ່ອຍໃຫ້ພັກດຽວເໝົາອຳນາດຜູກຂາດແຕ່ຢ່າງໃດ ຈະເປັນຝ່າຍຕາງໜ້າປວງ ຊົນທີ່ຄ້ານແນວທາງຂອງຜູ້ກຳອຳນາດ ໃນໄລຍະຫ້າປີຕໍ່ໄປນີ້ ກໍແມ່ນອຳນາດຂອງ ຄນະສາກໂກຊີ

ພັກປະຊາທິປະໄຕຂອງທ່ານບາຍຣູມີຈຸດປະສົງສົ່ງຄົນເຂົ້າສມັກຜູ້ແທນໃນທຸກໆເຂດ ການເລືອກຕັ້ງ ໃນເດືອນເມຖຸນາປີ 2007 ເພື່ອໃຫ້ໄດ້ເຂົ້ານັ່ງໃນສະພາເປັນຝ່າຍ ຄ້ານ ຫວັງໃຫ້ມີສະພາບກ້ຳເກິ່ງອຳນາດໃນການບໍລິຫານປະເທດຂອງສາກໂກຊີ 

ສະເພາະຮອບທີ່ນຶ່ງຂອງການເລືອກຕັ້ງຜູ້ແທນດັ່ງກ່າວນີ້ ທ່ານບາຍຣູວ່າ ຈະໄປ ດ່ຽວເສັຽກ່ອນ ຮອບຕໍ່ໄປຈິ່ງວ່າກັນໃໝ່ຈະເຮັດແນວໃດ ຕ້ອງເບິ່ງຜົນການເລືອກ ຕັ້ງຜູ້ແທນເສັຽກ່ອນ ຈະຮຸ້ນສ່ວນກັບພັກອື່ນໆຫຼືແນວໃດ...