ຝລັ່ງ/ເລົ່າພິທິມອບອຳນາດສູ່ຟັງ

ມອບອຳນາດແລ້ວ

ໂດຍ  ໂສວົງ

ບົດຄວາມນີ້ເຜີຍແຜ່ເມື່ອວັນທີ 17/05/2007 ແກ້ໄຂໃຫມ່ຫລ້າສຸດເມື່ອວັນທີ 17/05/2007 à 11:12 TU

ວັງເອລີເຊ/Palais de l'Elysee ເວລາ 11:00/16-05-07 ທ່ານ ສາກໂກຊີມາເຖິງເພື່ອຮັບຕຳແໜ່ງ
ຮູບ: Reuters

ການຮັບເອົາອຳນາດໂດຍປະທານາທິ ບໍດີຄົນໃໝ່ ຄື ທ່ານສາກໂກຊີ ຈາກຜູ້ ໝົດປີການຫ້າປີ ຄື ທ່ານຊີຫັຣກກໍໄດ້ ສິ້ນສຸດລົງດ້ວຍດີເຊົ້າວັນທີ່ 16/5/07 ເປັນອັນວ່າ ອຳນາດໃໝ່ໄຂສູ່ສາກໜ້າ ໃໝ່ຂອງການເມືອງຝລັ່ງທີ່ປະທານາທິ ບໍດີໜຸ່ມໄດ້ປະກາດອອກໜ້າອອກຕາ

ການມອບອຳນາດລະຫວ່າງຜູ້ໃໝ່ ກັບຜູ້ເກົ່າ ແມ່ນເປັນໄປຕາມພິທີພິຖັນຢ່າງລະອຽດ ອ່ອນຖີ່ຖ້ວນ ໂດຍບໍ່ມີປີກຍ່ອຍໃດໆຈະຖືກລືມ

ວັງເອລີເຊ/Palais de l'Elysée ເປັນຫໍຜາສາດເກົ່າສມັຍຣາຊາທິປະໄຕເຮືອງອຳນາດທີ່ຖືກຫັນປ່ຽນເປັນຫໍທຳນຽບ ປະທານາທິບໍດີ ຖ້າເອີ່ຍເຖິງຊື່ ວັງເອລີເຊ ກໍໝາຍເຖິງໂລດວ່າ ແມ່ນທຳນຽບປະທາ ນາທິບໍດີ ທຽບໃສ່ ຫໍຄຳຂອງລາວ ຫຼື ທຳນຽບຂາວໃນວໍຊິງຕັນ/ສະຫະລັດອະເມລິກາ ເຊິ່ງເປັນຫໍພັກຂອງປະທານາທິບໍດີ ຕ່າງແຕວ່າ ຫໍຄຳຂອງລາວໃນວຽງຈັນນັ້ນ ໄວ້ ສຳລັບຕ້ອນຮັບບັນດາຜູ້ນຳລະດັບສູງຈາກຕ່າງປະເທດ ບໍ່ແມ່ນບ່ອນພັກຂອງປະທານ ປະເທດ

ສ່ວນວັງເອລີເຊຂອງຝລັ່ງ ແມ່ນເປັນບ່ອນປະຕິບັດໜ້າທີ່ ທັງເປັນບ່ອນອາສັຍຂອງປະ ທານາທິບໍດີຝລັ່ງພາຍໃນໄລຍະປີການ (ຫ້າປີ ນັບແຕ່ ປີ 2002 ເປັນຕົ້ນມາ ກ່ອນນີ້ ມີກຳນົດເຈັດປີ ຕາມປີການຂອງປະທານາທິບໍດີ) ຜູ້ທີ່ຈະຮ່ວມອາສັຍກັບປະທານາທິບໍ ດີ ກໍມີ ຄອບຄົວຂອງເພິ່ນ (ພະລິຍາແລະລູກທີ່ບໍ່ທັນມີຄອບຄົວ) ນອກນັ້ນ ກໍມີຕຳລວດ ທະຫານອາຮັກຂາທີ່ຕ້ອງຢູ່ຕ່າງຫາກ ພາຍໃນບໍລິເວນວັງນັ້ນເອງ

ການຈັດຕຽມວັງເອລີເຊຕ້ອນຮັບປະທານາທິບໍດີຄົນໃໝ່
ວັງເອລີເຊ ເປັນຫໍອາຄານປະກອບດ້ວຍວັງໃຫຍ່ ແລະວັງກົມມະລຽນສອງປີກຂ້າງໂດຍ ມີປະຕູໃຫຍ່ເຂົ້າວັງຕິດກັບສາທາລະນະຖນົນ ເຊິ່ງໜ້າກັບຂັ້ນໄດຂຶ້ນຫໍໃຫຍ່ດັ່ງກ່າວ ເພິ່ນປູ ພົມແດງສອງຝືນຍາວຢຽດ ໄວ້ຕ້ອນຮັບປະທານາທິບໍດີໃໝ່ ເມື່ອຜູ້ນີ້ຫາກຮັບເອົາອຳນາດ ແລ້ວ ເພິ່ນເອົາພົມຝືນນຶ່ງອອກໄປ ໃຫ້ຍັງເຫຼືອແຕ່ຝືນດຽວ ເພື່ອໃຫ້ປະທານາທິບໍດີຜູ້ພົ້ນ ຕຳແໜ່ງໄດ້ຢຽບອອກໄປ ແຕ່ຢຽບເຄິ່ງນຶ່ງດັ່ງເຫັນໃນຮູນ້ອຍທີ່ນຳມາອ້າງໄວ້ນີ້

ສັງວານປະດັບຫຼຽນມະຫາກິດຕິສັກ
ສັງວານສາຍນີ້ ເອີ້ນວ່າ ສັງວານສາທາຣະນະຣັດ ຫຼືວ່າ ຣັຖສັງວານ (ຣັດຖະສັງວານ) ເປັນສັງວານຄຳທີ່ສືບທອດຈາກພຣະເຈົ້ານາໂປເລອົງ (ນາໂປລຽນ) ເພິ່ນນຳມາວາງໄວ້ ຫ້ອງຕ້ອນຮັບ ເອີ້ນວ່າ ຫ້ອງເອກອັຄຣັຖທູດ (ເອກອັກຄະຣັດຖະທູດ) ເພື່ອມອບໃຫ້ ປະທານາທິບໍດີຄົນໃໝ່

ກອງທະຫານອາຮັກຂາປະທານາທິບໍດີ
ເປັນທັງກອງກຽດຕິຍົດ ປະຈຳວັງເອລີເຊ ຄື ໜ່ວຍທະຫານມ້າເຊິ່ງສວຍສົດງົດງາມຕາ ສຳລັບໄວ້ແຫ່ຂະບວນປະທານາທິບໍດີ ໃນພິທີການຕ່າງໆ ເປັນຕົ້ນບຸນສລອງວັນຊາດ ແລະອື່ນໆອີກ

ປືນໃຫຍ່ສເລີມກຽດ
ສຳລັບໄວ້ຍິງສລອງພິທີສຳຄັນຕ່າງໆ ເຊັ່ນ ສລອງພິທີຮັບເອົາອຳນາດໂດຍປະທານາທິ ບໍດີຄົນໃໝ່ ພິທີຕ້ອນຮັບປະມຸກຊາດຕ່າງປະເທດ ເຊັ່ນພຣະນາງເຈົ້າເອລີຊາເບດທີ່ໄດ້ ສະເດັດຢ້ຽມຢາມປະເທດຝລັ່ງໃນປີ 1957 ກໍໄດ້ມີພິທີຍິງປືນໃຫຍ່ 101 ນັດ

ສຳລັບສລອງພິທີເອົາອຳນາດໂດຍທ່ານສາກໂກຊີນີ້ ກໍມີການຍິງປືນໃຫຍ່ 21 ນັດ ຢູ່ ຄ້າຍທະຫານອິງວາລີດ (Invalides) ໃນເວລາພໍດີກັບເພິ່ນລົງລາຍເຊັນໃນສມຸດຄຳ ເຊິ່ງວາງໄວ້ເທິງໂຕະດຽວກັບສັງວານດັ່ງກ່າວຜ່ານມາ ເຊັນຮັບເອົາຕຳແໜ່ງກໍວ່າໄດ້

ພິທີຍິງປືນດັ່ງກ່າວກໍມີປວັດຄວາມເປັນມາເຫິງນານ ເພາະສມັຍກ່ອນນັ້ນ ເມື່ອມີເຮືອ ເຂົ້າຈອດທ່າ ຣາຊນາວີຍິງປືນຕ້ອນຮັບ 101 ນັດ ເພື່ອໝາຍເຖິງຄວາມສງົບ ຕໍ່ມາ ເມື່ອໝົດສມັຍກະສັດ ຈິ່ງນຳເອົາພິທີນີ້ ມາເປັນສັນຍານຕ້ອນຮັບປະທານາທິບໍດີຄົນ ໃໝ່ ຫຼືຕ້ອນຮັບພິທີອື່ນໆດັ່ງກ່າວແລ້ວ ເຖິງປີ 1975 ໄດ້ມີການບັນຍັດໃຫ້ມີແຕ່ 21 ນັດທໍ່ນັ້ນ

ບຸກຄົນສຳຄັນທີ່ຖືກເຊີນໄປຮ່ວມພິທີມອບອຳນາດວັນທີ່ 16/5/07 ບັນດາບຸກຄົນສຳຄັນທີ່ຖືກເຊີນໄປຮ່ວມພິທີມອບອຳນາດລະຫວ່າງທ່ານຊີຫຣັກ ກັບທ່ານ ສາກໂກຊີ ກໍມີມາຈາກຫຼາຍກະຊວງ ຫຼາຍບ່ອນສຳຄັນ ເຊັ່ນ ປະທານສະພາຣັຖທັມມະນູນ (ທ່ານຊັງລຸຍ ເດີບເຣ) ປະທານສະພາສູງ ບຸກຄົນສຳຄັນຈາກຖັນແຖວຣັຖບານທີ່ສິ້ນປີ ການ ບັນດາຫົວໜ້າກັມມະບານ ນາຍົກ (ທ່ານວິນແປັງທີ່ລາອອກໜ້າທີ່ວັນທີ່ 15/5/07) ນອກນັ້ນກໍຍັງມີຄອບຄົວຂອງທ່ານສາກໂກຊີ ພະລິຍາ ລູກເຕົ້າທຸກໆຄົນ ແມ່ຂອງເພິ່ນອີກ ຈາກວົງການທູດຕ່າງໆ ຈາກກອງທັບແລະອື່ນໆ ທີ່ເປັນພິຍານໄປໃນໂຕໃນການຈັດພິທີ ດັ່ງກ່າວ

ການມາຂອງຜູ້ຖືກເຊີນ
ລາງຄົນກໍມາແຕ່ 9:45 ເພື່ອຖ້າພິທີ 11:00

ຂະບວນແຫ່ທ່ານສາກໂກຊີ
10:49 ທ່ານສາກໂກຊີຂຶ້ນຣົດ ອອກຈາກສຳນັກງານຫ້ອງການຂອງເພິ່ນ ຕິດຕາມດ້ວຍ ໂມໂຕຕຳລວດອາຮັກຂາ
10:57 ຂະບວນແຫ່ເຂົ້າປະຕູວັງເອລີເຊ ເພິ່ນລົງຈາກຣົດ ແລ້ວຖືກຕ້ອນຮັບຈາກຫົວໜ້າ ພິທີການທູດ ທ່ານສາກໂກຊີຍ່າງຜ່ານພົມແດງສອງຝືນປູຕໍ່ກັນດັ່ງກ່າວໄປເຖິງທາງຂຶ້ນ ຫໍໃຫຍ່
10:59 ໃນເວລານີ້ ພໍດີ ທ່ານຊີຫຣັກຍ່າງອອກມາຕ້ອນຮັບທ່ານສາກໂກຊີດ້ວຍຄວາມດີ ໃຈ ຈັບມືກັນ ຢືນໃຫ້ຖ່າຍຮູບຮ່ວມກັນ ແລ້ວທ່ານກໍພາສາກໂກຊີເຂົ້າໄປໃນວັງ ເລັ່ງໄປສູ່ ຫ້ອງປະຊຸມຄນະຣັຖບານ ສອງທ່ານລົມກັນເປັນເວລາເຄຶ່ງຊົ່ວໂມງພໍດີ ໃນໂອກາດດັ່ງກ່າວ ໄດ້ມີການມອບລະຫັດອາວຸດນິວເຄັຽ ພ້ອມທັງເອກສານລັບກ່ຽວກັບຊາດ ແລະອື່ນໆອີກ ໃນເວລາທີ່ສອງຄົນໂອ້ລົມກັນນັ້ນ ເຈົ້າໜ້າທີ່ກໍກູ້ພົມແດງຝືນນຶ່ງ ສ່ວນຝືນທີ່ຕໍ່ກັບທາງຂຶ້ນ ຫໍໃຫຍ່ນັ້ນ ກໍປະໄວ້ຄືເກົ່າ ສຳລັບໄວ້ໃຫ້ທ່ານຊີຫຣັກ ຜູ້ໝົດປີການໄດ້ຢຽບອອກໄປ
11:35 ຊີຫຣັກສຳເລັດພິທີມອບອຳນາດ ແລ້ວທັງສອງກໍຍ່າງອອກຈາກວັງເອລີເຊ ທ່ານ ສາກໂກຊີສົ່ງທານຊີຫຣັກຮອດສົ້ນພົມແດງ ບ່ອນຣັດຈອດຢູ່ ທັງສອງກ່າວຄຳອຳລາກັນ ທ່ານສາກໂກຊີຕົບມືໃຫ້ ພ້ອມທັງຄົນທັງຫຼາຍ
11:36 ຫຼັງຈາກຊີຫຣັກອອກຈາກປະຕູວັງເອລີເຊໄປແລ້ວ ທ່ານສາກໂກຊີກໍກັບຄືນຫໍໃຫຍ່ ການເມືອງໜ້າໃໝ່ ສາກໃໝ່ກໍໄຂອອກທັນທີກັບທ່ານສາກໂກຊີ
11:40 ທ່ານສາກໂກຊີເດີນໄປສູ່ຫ້ອງພິທີ ຮ່ວມກັບປະທານສະພາຣັຖທັມມະນູນ ປະທານສະພາສູງ ແລະ ນາຍົກຜູ້ພົ້ນຕຳແໜ່ງ ປະທານສະພາຣັຖທັມມະນູນກ່າວ ຕໍ່ໜ້າສາກໂກຊີ ກ່ຽວກັບໄຊຊນະຂອງທ່ານທີ່ຖືກປະກາດອອກໃນວັນທີ່ 10/5/07 ຢ່າງເປັນທາງການວ່າ ມີປະຊາຊົນເລືອກເອົາທ່ານ 18 ລ້ານກວ່າຄົນ (53.06%) ທ່ານເດີບເຣ ວ່າ ທ່ານສາກໂກຊີເປັນປະທານາທິບໍດີຄົນທີ່ຫົກຂອງສາທາຣະນະຣັດ ທີ່ຫ້າ ແລະ ເປັນທີ່ 23 ໃນລະບອບສາທາຣະນະຣັດຝລັ່ງ (ແຕ່ 1848) ແລ້ວ ກໍຊົມເຊີນທ່ານສາກໂກຊີ ດ້ວຍການລົງທ້າຍວ່າ ອິສຣະພາບ ສເມີພາບ ພະຣາດອນພາບ

ພິທີມອບສັງວານສາທາຣະນະຣັດ
ເຈົ້າພິທີກອນຫຼຽນກຽດຕິສັກຊັ້ນສູງ ກ່າວວ່າ ພວກເຮົາຮັບຮູ້ວ່າ ທ່ານເປັນບຸກຄົນທີ່ໄດ້ຮັບສັງວານກຽດຕິສັກສູງ ແລ້ວເຈົ້າພິທີກໍມອບສັງວານດັ່ງກ່າວໃຫ້ ທ່ານສາກໂກຊີທີ່ຮັບເອົາດ້ວຍຄວາມດີໃຈ ແລ້ວກໍມອບຄືນໃຫ້ເຈົ້າພິທີກອນ ເພື່ອນຳໄປ ປົງໄວ້ບ່ອນເກົ່າຂອງມັນ ຕໍ່ຈາກນັ້ນທ່ານສາກໂກຊີກໍເຊັນໃນສມຸດຄຳຮັບຕຳແໜ່ງຢ່າງເປັນ ທາງການຕໍ່ໜ້າບັນດາຜູ້ຖືກເຊີນ ໃນເວລາເຊັນນັ້ນ ກໍມີພິທີຍິງປືນໃຫຍ່ 21 ນັດດັ່ງກ່າວ 11:46 ທ່ານສາກໂກຊີກ່າວຄຳປາສັຍ ຊົມເຊີຍປະທານາທິບໍດີທີ່ຜານມາແລ້ວ ເຊັ່ນ ເດີໂກນ ປົມປີດູ ຊິສກ້າ ມິດຕຣັງ ຊີຫຣັກ ແລະຜູ້ອື່ນໆອີກ...
11:54 ການກ່າວຄຳປາສັຍສຳເລັດລົງ ສາກໂກຊີໄປຄຳນັບຜູ້ຖືກເຊີນ ຖາມສະບາຍຜູ້ຄົນ ທີ່ຢືນຟັງຄຳປາສັຍໃນຫ້ອງຕ້ອນຮັບດັ່ງກ່າວ
12:02 ທ່ານສາກໂກຊີອອກໄປຕໍ່ໜ້າວັງ ຄຳນັບແຖວທະຫານ ຄຳນັບທຸງຊາດ ຜູ້ບັນ ຊາການກອງອາຮັກຂາມອບໂຕຕໍ່ປະທານາທິບໍດີຄົນໃໝ່ ແລ້ວທ່ານສາກໂກຊີຂຶ້ນໄປວັງ ຕອນບ່າຍ ທ່ານໄປໄວ້ອາລັຍເຖິງນັກຣົບເກົ່າປະຕູຊັຍ ແລ້ວໄປໄວ້ອາລັຍເຖິງດວງວິນ ຍານຂອງເຍົາວະຊົນກູ້ຊາດທີ່ຖືກທະຫານເຍລະມັນນາຊີຍິງເປົ້າ ໃນປ່າບົວເດີບູໂລຍ ຊານ ເມືອງປາຣີ