ປະເທດ ໂປໂລຍ / 25 ປີສລອງລາງວັນໂນແບລ

ທ່ານ ຊ໊າກໂກຊີ ແລະ ອົງດາໄລ່ ລ່າມ່ະ ຈະພົບກັນ ມີຄວາມໝາຍສຳຄັນ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 06/12/2008 ແກ້ໄຂໃຫມ່ຫລ້າສຸດເມື່ອວັນທີ 06/12/2008 13:34 TU

ທ່ານ ບ່າໂຣໂຊ່ ປະທານກັມມາທິການ ເອີຣົບພົບກັບອົງດາໄລ່ລ່າມ່ະທີ່Gdansk ຮູບ/ຣອຍເຕີຣ໌

ຫວັງໂປ ບາສຊີຜູ່ຕ່າງໜ້າຂອງ ອົງດາ ໄລ່ ລ່າມ່ະກ່າວວ່າ ເປັນຄວາມໝາຍສຳ ຄັນຍີ່ງໜັກສຳລັບຊົນທິເບ້ເມື່ອທ່ານຊ໊າກ ໂກຊີ໋ຈະພົບກັບ ຜູ່ນຳຂອງເຂົາເຈົ້າ ໃນ ຕອນແລງມື້ນີ້ ເພາະໄດ້ເຫັນວ່າເປັນຄັ້ງ ທຳອິດ ທີ່ແມ່ນ ລະດັບປະທານາທິບໍດີ ຫລືຜູ່ນຳຝຣັ່ງໄດ້ພົບກັບອົງດາໄລ່ລ່າມ່ະ

ຜ່ານວິທະຍຸ France info ໃນມື້ນີ້ທ່ານ ຫວັງໂປ ບາສຊີ ຜູ່ຕ່າງໜ້າຂອງ
ອົງ ດາໄລ່ ລ່າມ່ະທີ່ກຸງ ປາຣີສກ່າວວ່າ ມັນສແດງໃຫ້ເຫັນເປັນ ລັກສນະ
ສຳຄັນ ອັນຍີ່ງໃຫຍ່ ສຳລັບຊົນ ທິເບ້ ເພື່ອນຮ່ວມຊາດ ທີ່ ໄດ້ທຳການຕໍ່ສູ້
ຢ່າງແຂງແຮງ ແບບອະຫິງສາມາດົນນານແລ້ວ

ຫວັງໂປ ບາສຊີ ກໍຍັງກ່າວເພີ່ມເຕີ່ມອີກວ່າມັນເປັນຄັ້ງທຳອິດ ທີ່ບຸກຄົນ
ຂັ້ນ ປະທານາທິບໍດີ ຫລື ລະດັບ ຜູ່ນຳປະເທດຝຣັ່ງຈະພົບກັບ ອົງດາໄລ່
ລ່າມ່ະ

ທ່ານ ນິໂກລ໋າ ຊ໊າກໂກຊີ ປະທານາທິບໍດີຝຣັ່ງ ແລະ  ເປັນ ປະທານວຽນ
ຂອງ ສະຫະພາບ ເອີຣົບ ຈະ ພົບກັບ ພຣະອົງ ໃນຕອນແລງ ມື້ນີ້  ທີ່
Gdansk ຊື່ງທ່ານ ຊ໊າກໂກຊີ ໄດ້ ໄປຮ່ວມ ພິທີສລອງ ຄົບຮອບ 25 ປີ
ຂອງການໄດ້ ຮັບລາງວັນ ໂນແບລ ຂອງ ທ່ານ ເລກຊ໌ ວາເລ່ຊ່າ ແລະ
ການຈະພົບພໍ້ກັນ ລະຫວ່າງ ທັງ ສອງບຸກຄົນ ກໍແມ່ນນອກພິທີ ດັ່ງກ່າວ

ການທີ່ຈະໄດ້ມີການພົບພໍ້ຂອງ ອົງດາໄລ່ ລາມ່ະ ກັບ ປະທານາທິບໍດີຝຣັ່ງ ແລະປະທານວຽນ ຂອງເອີຣົບທີ່ ເມືອງ ດັ໊ງຊ໌ ທີ່ ໂປໂລຍນີ້ ທາງການ ຈີນກໍ ແມ່ນໄດ້ສແດງຄວາມ ບໍ່ພໍໃຈມາ ກ່ອນແລ້ວ ຈົນວ່າ ໄດ້ລົບລ້າງ ການປະຊຸມສຸດ ຍອດອັນໄດ້ ມີ ໝາຍກຳໜົດ ໄວ້ແລ້ວ ໃນ ວັນທີ່ 1 ທັນວາ ຜ່ານມາ ລະຫວ່າງ ສະຫະພາບເອີຣົບ/ຈີນ ທີ່ເມືອງ ລີອົງ