ຕີ່ເບດ/ສປຈີນ

ສົງຄາມນ້ຳລາຍ ທີ ໑໐ ມີນາ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 10/03/2009 ແກ້ໄຂໃຫມ່ຫລ້າສຸດເມື່ອວັນທີ 10/03/2009 13:14 TU

ພຣະດາໄລ ລາມະ ຜູ່ນຳພັດຖີ່ນ ຂອງຕີ່ເບດ ກຳລັງ ຖແລງຂ່າວ ທີ່ເມືອງ ດາຣາມສາລາ ພາກເໜືອຂອງ ອີນເດັຽໃນມື້ນີ້ (ພາບ : Reuters)

ມື້ນີ້ ວັນທີ ໑໐ ມີນາ ມື້ຄົບຮອບ
໕໐ ປີ ແຫ່ງການລຸກຮືຂື້ນ ຂອງ
ຊາວຕີ່ເບດ ແລະກໍຖືກປາບປາມ
ຢ່າງນອງເລືອດ ຈາກກຳລັງ
ຈີນແດງ. ອົງດາໄລ ລາມະ ວ່າ
໕໐ ປີຜ່ານ ຣັຖບານຄອມມຸຍ-
ນີສຈີນ ເຮັດໃຫ້ຊາວຕີ່ເບດ ຢູ່
ແບບຕົກນາຣົກ ທັງເປັນ. ສ່ວນ
ທາງການ ສປຈີນ ກໍວ່າ ອົງ
ດາໄລ ລາມະ ເປັນຄົນ ລີ້ນຫຼອກປອກຄວາມ ບໍ່ຮູ້ອັນໃດ໋ເທັດ
ອັນໃດ໋ຈີງ.

ເຊີນກລິກຟັງ ຢູ່ລຸ່ມນີ້

ຊາວ ຕີ່ເບດພັດຖີ່ນ ກຳລັງຢືນສງົບ ໜື່ງນາທີ ເພື່ອໄວ້ອາລັຍ ແດ່ດວງວີນຍານ ຊາວຕີ່ເບດ ທີ່ໄດ້ຮັບເຄາະ ຈາກການປາບປາມ ຂອງຣັຖບານ ຄອມມຸຍນີສຈີນ. ພິທີການດັ່ງກ່າວ ຊ້ອງໜ້າ ພຣະດາໄລ ລາມະ ຈັດຂື້ນ ຢູ່ເມືອງ ດາຣາມສາລາ ພາກເໜືອຂອງ ອີນເດັຽໃນມື້ນີ້ ເນື່ອງໃນໂອກາດ ຄົບຮອບ ໕໐ ປີ ແຫ່ງການ ລຸກຮືຂື້ນ ຂອງຊາວຕີ່ເບດ ແລະກໍຖືກປາບປາມ ຢ່າງນອງເລືອດ ແລະກໍ່ເກີດໃຫ້ ຊາວຕີ່ເບດ ພາກສ່ວນໜື່ງ ແລະອົງດາໄລລາມະ ອົພຍົບ ຫຼົບມາຢູ່ ດາຣາມສາລາ ຕັ້ງແຕ່ເມື່ອ ໕໐ ປີກ່ອນ (ພາບ : Reuters)