ນາງ ສາມັນທາ ໂອໂຣບາທໍ້ຣ໌

ສາມັນທາ ໂອໂຣບາທໍ້ຣ໌ ຖືກເຈົ້າໜ້າທີ່ທູຕ ແລະ ນາຍແພດເຂົ້າຢ້ຽມ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 06/05/2009 ແກ້ໄຂໃຫມ່ຫລ້າສຸດເມື່ອວັນທີ 06/05/2009 14:19 TU

ນາງ ສາມັນທາ ໂອໂຣບາທໍ້ຣ໌
Afp

ໂຄສົກ ສະຖານທູດ ອັງກິດ ທີ່ບາງກອກ ໄດ້ຖະແລງວ່າ ຜູ່ຮອງ ທູດ ອັງກິດ ໄດ້ເຂົ້າພົບ ນາງ ສາມັນທາ ໂອໂຣບາທໍ້ຣ໌ ຕິດຕາມ ດ້ວຍ ນາຍແພດຜູ່ນຶ່ງ ຊຶ່ງໄດ້ໄປກວດເບິ່ງສຸຂະພາບ ຂອງຜູ່ກ່ຽວ ພ້ອມ ກັບປະກາດວ່າ ລັຖບານອັງກິດ ໄດ້ຕ້ານຕໍ່ໂທດປະຫານ ຊິວິດ ບໍ່ວ່າ ຈະກະທຳ ຄວາມຜິດ ຢູ່ໃນ ຖານໃດກໍຕາມ

ເພື່ອເປັນການນັບຖື ຊີວິດສ່ວນຕົວບຸກຄົນ ນາຍແພດ ໄດ້ປະຕິເສດ ຕໍ່ ການເຜີຍ ຜົນຂອງການ ກວດສຸຂະພາບ ຂອງນາງ ໂອໂຣບາຕໍ້ຣ໌, ອາຍຸ 20 ປີ, ສັນຊາດອັງກິດ, ຖືກຈັບຂັງຄຸກ ທີ່ໂພນທອງ ປະເທດ ລາວ ໃນຖານມີ ເຮໂຣອິນ ຢູ່ຄວາມຄອບຄອງ 680 ກຣາມ ຕອນ ກຳລັງ ຈະຂື້ນຍົນໄປ ບາງກອກ.

 

ອິງຕາມກົດໝາຍຂອງລາວນັ້ນ, ຖ້າຜູ່ໃດຖືກຈັບທີ່ມີ ເຣໂຣອິນ ຕິດຕົວ ເກີນ 500 ກຣາມ ອາດຕ້ອງໂທດ ເຖີງຂັ້ນປະຫານຊີວິດ, ແຕ່ວ່າ ທ່ານ ເຄນທອງ ນວນທະສິງ ໂຄສົກຂອງກະຊວງ ການຕ່າງປະເທດ ລາວນັ້ນ ໄດ້ຖະແລງວ່າ ກົດໝາຍໄດ້ລະບຸວ່າ ສະຕຣີທີ່ກຳລັງ ຖືພາ ຄັນນັ້ນ ຈະບໍ່ສາມາດ ຖືກຕັດສິນ ລົງໂທດປະຫານຊີວິດໄດ້.

ສນັ້ນການຕັ້ງທ້ອງຖືພາຄັນມາໄດ້ 5 ເດືອນ ຂອງນາງ ສາມັນທາ ໂອໂຣບາທໍ້ຣ໌ ອາດເຮັດໃຫ້ພົ້ນໂທດ ປະຫານຊີວິດ ກໍເປັນໄດ້.

 

ທ່ານເຄນທອງ ກ່າວຕໍ່ໄປວ່າ, ຄະດີຂອງ ນາງ ສາມັນທາ ໂອໂຣບາ ທໍ້ຣ໌ ນີ້ ອາດເລືອນການໄຕ່ສວນ ໃສ່ໃນອາທິດໜ້າ ເພື່ອວ່າ ຈະໃຫ້ມີ ທະນາຍຄວາມ ປ້ອງກັນ ຜູ່ກ່ຽວ ແລະ ປັດຈຸບັນນີ້ ກ່ຽວກັບ ທະນາຍ ຄວາມນັ້ນ ພວກເຮົາກຳລັງພິຈາຣະນ່ກັນຢູ່.

ສະມາຄົມປ້ອງກັນນັກໂທດ ຣີພຣີວ
Afp

 

ທ່ານເຄນທອງ ອະທິບາຍກ່ຽວກັບ ການຂໍເຂົ້າພົບ ນາງ ສາມັນທາ ໂອໂຣບາທໍ້ຣ໌ ໂດຍ ຜູ່ຕາງໜ້າ ສະມາຄົມປ້ອງກັນນັກໂທດ ຣີພຣີວ ນັ້ນ ບໍ່ຖືກຕາມຫລັກການ, ສມຄ ດັ່ງກ່າວ ຄວນຂຽນຄຳຮ້ອງ ຂໍອະນຸ ຍາດ ຈາກ ກະຊວງການຕ່າງປະເທດລາວ ເສັຍກ່ອນ.

 

ປີກາຍນີ້ ອົງການນິຣະໂທດສະກັມສາກົນ ໄດ້ທວນໃຫ້ຊາບວ່າ ປະເທດ ລາວ ບໍ່ໄດ້ທຳການລົງໂທດ ປະຫານຊີວິດ ມາແຕ່ ປີ 1989.

 

ສ່ວນທ່ານທອງລຸນ ສີສຸລິດ ຮອງນາຍົກລັຖະມົນຕຣີລາວ ມີໝາຍກຳນົດ ຈະພົບປະສົນທະນາ ບັນຫາ ຂອງນາງ ສາມັນທາ ໂອໂຣບາທໍ້ຣ໌ ກັບ ທ່ານ ບິນ ຣາມແມນ ເຈົ້າໜ້າທີ່ ຂອງກະຊວງ ການຕ່າງ ປະເທດ ອັງກິດ ໃນມື້ອື່ນນີ້.