Genève / ກອງປະຊຸມ ອົງການອະນາມັຍສາກົນ

OMS ເຕືອນຢ່າງເປັນຫ່ວງ ຢ້ານພຍາດ ຂຍາດພັນ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 19/05/2009 ແກ້ໄຂໃຫມ່ຫລ້າສຸດເມື່ອວັນທີ 19/05/2009 11:26 TU

ທ່ານ ນາງມາກກາເຣຕ ຈັ້ງ ອະທິບໍດີໃຫຍ່ ຂອງ ອົງການອະນາມັຍໂລກທີ່ກອງປະຊຸມ OMS ທີ່ເຊີແນ໊ວວານນີ້ 18/05/09 ຣ/ຮ໖

ເລຂາໃຫຍ່ຂອງອົງການ ອະນາມັຍໂລກ ທ່ານ ນາງ ຈັ້ງ ໄດ້ ເຕືອນຂາປະຊຸມທີ່ ເຊີແນ໊ວ ອັນມີ ການປະກອບສ່ວນ 193 ພາຄີ ໃຫ້ຊາບເຖີງ ການ ຜສົມພັນຂອງ ເຊື້ອພຍາດ ໄຂ້ຫວັດໜູ ແລະ ຫວັດນົກ ຊື່ງ ໃນ ຂນະນີ້ ການ ເຕືອນພັຍ ກໍ ແມ່ນ ຢູ່ ໃນຂັ້ນ ສຸກເຊີນ ຂີດ 5 ເທົ່າ ນັ້ນຫາກ ແຕ່ວ່າ ມັນ ກໍ ອາດເປັນ ໄປໄດ້ ທີ່ ເຊື້ອພຍາດ ມັນຈະຫັນປ່ຽນ ເປັນໄປແນວໃຫມ່ທີ່ຮ້າຍແຮງກວ່າເກົ່າໄດ້

ທາງການ ຍີ່ປຸ່ນໄດ້ ທຳການຢັ້ງຢືນມື້ນີ້ ວ່າ ມີ ຄົນຕິດເຊື້ອ ໄຂ້ ຫວັດໜູ
ທີ່ເມືອງ ໂກ່ເບ້ ຊື່ງຢູ່ເຂດ ຕະເວນຕົກ ຂອງປະເທດ ອັນມັນໄດ້ເພີ່ມຈຳ
ນວນ ຄົນທີ່ ຕິດເຊື້ອ ພຍາດ ນີ້ ຂື້ນເປັນ ທັງໜົດ 173 ລາຍ ໃນ ຂນະ
ດຽວກັນ ໂຮງຮຽນ ປະມານ ກວ່າ 4000 ແຫ່ງ ກໍໄດ້ຖືກສັ່ງໃຫ້ປິດໄປ
ເພື່ອຫລິກ ເວັ້ນ ການ ແຜ່ຂຍາຍ ພຍາດ ດັ່ງກ່າວ ໃນເຂດ Osaka /
Hyogo

ສ່ວນທີ່ ປະເທດໄທນັ້ນ ໂຄສົກ ຂອງກະຊວງ ສາທາຣະນະສຸກ ໄດ້ ທຳ ການຖແລງວ່າ ມີນັກທ່ອງທ່ຽວຜູ່ຍິງ ອາຍຸ 59 ປີ ຄົນເຍັຍຣະມັນ ທີ່
ຢູ່ ໃນຂ່າຍ ສົງສັຍ ຕິດເຊື້ອໄຂ້ຫວັດໜູ ແລະ ໄດ້ເສັຍຊີວິດໄປແລ້ວ
ຖ້າ ຫາກ ໄດ້ ມີ ການ ຄົ້ນພົບເຫັນ ວ່ານາງມີເຊື້ອພຍາດແທ້ ກໍ ນັບ
ວ່າຈະ ເປັນກໍຣະນີທຳອິດ ທີ່ໄດ້ເສັຍຊີວິດ ຍ້ອນພຍາດ ດັ່ງກ່າວ

ທີ່ ໂຮງພຍາບານ ແຫ່ງນື່ງ ທີ່ ສປຈີນ ອັນ ເປັນຂ່າວຈາກທາງການ ທີ່
ເຜີຍວ່າໄດ້ມີ ລາຍທີ່ 4 ແລ້ວ ທີ່ຖືກສົງສັຍຕິດເຊື້ອພຍາດໄຂ້ຫວັິ ຊນິດ />H1N1;                        ຮ/ຣຕ

ທີ່ ນະຄອນເຊີແນວ ເມື່ອ ຫາກໄດ້ ມີການປະຊຸມກັນ ຕັ້ງແຕ່ ມື້ວານ
ນີ້ ອັນໄດ້ ມີການປະຊຸມ ກັນ ເຖີງ 193 ປະເທດ ກ່ຽວກັບ ພຍາດໄຂ້
ຫວັດ ໝູ ນັ້ນເລຂາຂອງອົງການ ອະນາມັຍໂລກ ທ່ານ ນາງ ມາກ
ກາເຣຕ ຈັ້ງ ໄດ້ ເຕືອນ ກອງປະຊຸມວ່າ ອາດເປັນໄປໄດ້ ທີ່ ເຊື້ອ
ໄວຣັສ A H1N1 ຈະໄປຜສົມພັນກັບເຊື້ອ ພຍາດອື່ນ ແລ້ວ ສີ່ງທີ່
ຈະຕາມມາ ກໍ ແມ່ນ ຈະ ໄດ້ ມີພຍາດຕິດຕໍ່ສຳຄັນຮຸນແຮງຂຍາຍ
ພັນຂື້ນມາໃຫມ່