ເລືອກຕັ້ງ ສະມາຊິກສະພາ ເອີຣົບ

ໂຮນລັງດ໌ ແລະ ອັງກິດ ເລີ້ມກ່ອນ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 04/06/2009 ແກ້ໄຂໃຫມ່ຫລ້າສຸດເມື່ອວັນທີ 04/06/2009 14:07 TU

ສະພາ ເອີຣົບ
Afp

ການເລືອກຕັ້ງເອົາສະມາຊິກສະພາເອີຣົບ ເລີ້ມແຕ່ມື້ນີ້ ເປັນຕົ້ນໄປ ໂດຍແມ່ນ ປະເທດ ອັງກິດ ແລະ ໂຮນລັງດ໌ ເປດີສາກກ່ອນໝູ່, ສອງປະເທດ ດັ່ງກ່າວນີ້, ມີອັຕຣາ ຜູ່ບໍ່ອອກສຽງ ເປັນຈຳນວນ ຫລວງຫລາຍ ແລະ ກຸ່ມຊາດນິຍົມ ຕ້ານເອີຣົບ ອາດໄດ້ສຽງ ຫລາຍຂື້ນຕື່ມ

ການເລືອກຕັ້ງເອົາສະມາຊິກສະພາ ເອີຣົບ ຈາກ 27 ປະເທດນັ້ນ ຈະ ດຳເນີນໄປຈົນເຖີງ ວັນອາທິດ ໃນ 27 ປະເທດ.

 

ພາພະຍົນ ຟິດນາ ພາໃຫ້ສຽງຂອງພົກ ຊາດນິຍົມ ໂຮນລັງດ໌ ພຸ້ງຕົວ
bd

ຢູ່ປະເທດ ໂຮນລັງດ໌, ທັງໝົດຈະຖືກຄັດເລືອກເອົາ ສມຊ ສະພາ ເອີຣົບ 25 ທ່ານ. ພັກ ເສຣີປະຊາຊົນ ທີ່ກຽດຊັງ ອິສລາມ ອາຈະໄດ້ 3 ບ່ອນນັ່ງ ຄືປະມານ 12%. ອິງຕາມການຍັ່ງສຽງນັ້ນ ແມ່ນສູສີກັບ ພັກ ກັມມະກອນ. ຜົນຄະແແນນ ຈະຖືກເປີດເຜີຍໃນຕອນແລງມື້ນີ້.

 

ສຽງຂອງພັກ ຊາດນິຍົມ ກຳລັງ ຄືບໜ້າ ໃນອັງກິດ
The Times

ສ່ວນຢູ່ ປະເທດ ອັງກິດ ພັກກັມມະກອນ ຂອງນາຍົກ ກໍຣ໌ດອນ ບຣາວ ຄະແນນສຽງຕົກ ຈຳພື້ນ ຍ້ອນບັນຫາ ການໃຊ້ຈ່າຍ ເງີນ ຫລວງ ແບບຟຸມເຟືອຍ ໂດນຄນະ ສມຊ ສະພາ ຂອງພັກ.

 

ຄະແແນນ ຂອງພັກທີ່ກຳລັງກຳອຳນາດຢູ່ນີ ອາຈະມາທີ 3, ນຳຫລັງ ພັກ ເອກະລາດ ອັງກິດ ຊຶ່ງເປັນພັກ ທີ່ຢາກໃຫ້ ອັງກິດ ອອກຈາກ ສະຫະພາບ ເອີຣົບ.  ຜົນຄະແນນສຽງ ຈະບໍ່ຖືກເປີດເຜີຍກ່ອນ ວັນ ອາທິດ.

 

ຫລັງຈາກ 2 ປະເທດດັ່ງກ່າວນີ້ ລົງບ່ອນບັດແລ້ວ, ຕໍ່ໄປຈະແມ່ນ ຜຽນ ຂອງປະເທດ ອຽກລັງດ໌, ປະເທດ ເຊັກ.

 

ຕໍ່ໄປແມ່ນ ປະເທດ ເລັດໂຕນີ່, ສໂລວັກກີ່, ມ່ານຕ໌ ແລະ ຊີບປເຣີ.

 

ນອກຈາກນີ້, ປະເທດ ຝຣັ່ງ, ເຍັຽຣະມັນ, ອິຕາລີ, ເອສປາຍ ແລະ ໂປໂລຍ ຈະລົງບ່ອນບັດ ມື້ວັນອາທິດ.

 

ຜົນການຍັ່ງສຽງໄດ້ຖືກຫ້າມ ເປີດເຜີຍແລ້ວແຕ່ກ່ອນນີ້, ແລະການຍັ່ງ ສຽງ ຄັ້ງໃໝ່ ຈະຖືກອະນຸຍາດ ໃຫ້ເປີດເຜີຍ ໃນຕອນແລງວັນອາທິດ ກ່ອນໜ້າ ຈະມີການປະກາດ ຜົນຄະແນນ ເປັນທາງການ.