ຂ່າວຄືບໜ້າ ອຸບັດຕິເຫດ ເຣື້ອບິນໂດນສານ Air France

ພົບສົບຜູ້ໂດຍສານແລ້ວ ຈຳນວນ 17 ສົບ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 08/06/2009 ແກ້ໄຂໃຫມ່ຫລ້າສຸດເມື່ອວັນທີ 08/06/2009 13:41 TU

ເສດສ່ວນຂອງຊາກເຮືອບິນ Aibus 330 ຂອງສາຍການບິນ Air France ຖ້ຽວບິນ AF-44 ທີ່ ເກີດອຸບັດຕິເຫດຕົກໃນມະຫາສມຸດແອຕແລນຕິກ ເມື່ອ 1 ມິຖຸນາ 2009 ຜ່ານມາ ໃນຂນະບິນ ຕິດຕໍ່ກຸງ ຣິໂອ ເດີ ຈາເນໂຣ ປະເທດບຣາຊິລ ແບະ ກຸງປາຣີສ ປະເທດຝຣັ່ງເສດ (Reuters)

ຂ່າວຄືບໜ້າກ່ຽວກັບອຸບັດຕິເຫດເຮືອບິນໂດຍສານ Air France ຖ້ຽວບິນ
AF-447 ທີ່ຕົກເມື່ອໜຶ່ງສັປດາຜ່ານມາ ຕົກມາເຖິງມື້ວານນີ້ໂຄສົກກອງທັບ
ອາກາດຂອງປະເທດບຣາຊິລ ໄດ້ຖແລງວ່າໄດ້ພົບສົບຂອງຜູ້ໂດຍສານແລ້ວ
ຈຳນວນ 17 ສົບ ໃນບໍຣິເວນໃກ້ໆຫ່າງຈາກຝັ່ງຂອງປະເທດບຣາຊິລໄປທາງ
ຕະວັນອອກສຽງເໜືອ 1100 ກ.ມ. ຫລື 700 ໄມລ໌

ເຈົ້າໜ້າທີ່ກອງທັບອາກາດບຣາຊິລກ່າວອີກວ່າ ຄົງຈະມີການພົບສົບເພີ້ມຂື້ນເລື້ອຍໆໃນ
ໄວໆນີ້ ໂດຍຄາດວ່າຈຳນວນສົບເຫລົ່ານັ້ນ ຄົງຈະຖືກກະແສນໍ້າຊັດເຂົ້າຝັ່ງ

ອີກປະການໜຶ່ງ ເຮືອດຳນໍ້າຂອງກອງທັບເຮືອຝຣັ່ງເສດກໍກຳລັງລາດຕະເວນໃນຂົງເຂດ
ທີ່ເກີດອຸບັດຕິເຫດ ທັງນີ້ເພື່ອຊອກຄົ້ນຫາກ່ອງດຳຂອງເຮືອບິນ ຊຶ່ງເປັນກ່ອງບັນທຶກຂໍ້ມູນ
ການບິນ

ການວິໃຈຂໍ້ມູນຈາກກ່ອງດຳນີ້ຈະທຳໃຫ້ເຈົ້າໜ້າທີ່ການບິນພົລເຮືອນສາມາດຊາບສາ
ເຫດຂອງອຸບັດຕິເຫດຄັ້ງນີ້ຢ່າງຄັກແນ່

ຖ້ຽວບິນ AF 447 ຂອງສາຍການບິນ Air France ເປັນເຮືອປະເພດ Airbus 330
ເກີດອຸບັດຕິເຫດເມື່ອວັນທີ 1 ມິຖຸນາຜ່ານມາໃນມະຫາສມຸດແອຕແລນຕິກ ໃນຂນະທີ່ບິນ
ຕິດຕໍ່ລະຫວ່າງກຸງ Rio De Janeiro ປະເທດບຣາຊິລ ແລະ ກຸງປາຣີສ ປະເທດຝຣັ່ງ
ເສດ ບັນທຸກຜູ້ໂດນສານແລະເຈົ້າໜ້າທີ່ເຮືອບິນທັງໝົດ 228 ຄົນ