ເຊື້ອໂຣຄ Bactéries ແລະ ເຊື້ອ ຈຸລິນຊີ Virus

ສີ່ງທີ່ເປີເປື້ອນ ຢູ່ໃນອາຫານ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 29/06/2009 ແກ້ໄຂໃຫມ່ຫລ້າສຸດເມື່ອວັນທີ 29/06/2009 13:09 TU

ເຊື້ອພຍາດ ທີ່ເຫັນໄດ້ຈາກ ກອງສ່ອງຈຸລ ທັດ ຮ / ຟຕລ

ເຊື້ອໂຣຄ ແລະ ເຊື້ອ ຈຸລິນຊີ ໃນອາ ຫານ ທີ່ ຄົນນຳມາບໍຣິໂພກ ຮ່ວມທັງ ສານພີດ ທີ່ຖຶກ ຂັບຖ່າຍອອກມາຕາມ ທັມມະຊາດມັນກໍ ແມ່ນສ້າງອັນຕຣາຍ ຕໍ່ຜູ່ ບໍຣິໂພກທັງນັ້ນ ທັງນີ້ ກໍແມ່ນວ່າ ບາງເທື່ອເຊື້ອຈຸລີນຊີ ເຖີງ ຈະຖືກທໍາ ລາຍ ຍ້ອນຄວາມຮ້ອນກໍຕາມ ແຕ່ວ່າ ສານພິດ ບາງອັນ ແມ່ນ ຍັງ ສາມາດ ທົນ ຕໍ່ຄວາມຮ້ອນສູງໆ ໄດ້ສເມີ

ອາຫານ ທີ່ ຄົນກີນ ເປັນປະຈຳວັນ ນັ້ນ ກໍ ສາມາດເວົ້າໄດ້ວ່າ ມັນມີ ການຖຶກ ປົນເຊື້ອ ບັ໊ກເຕ້ຣີ ອັນ ສາມາດ ພົບພໍ້ ໄດ້ສເມີ ແລະ ພ້ອມ
ກັນນັ້ນ ມັນ ກໍມີ ພາວະ ຂອງ ອາຫານ ທີ່ເປັນພິດ

ດັ່ງນັ້ນ ຮ່າງກາຍ ຈື່ງເກີດ ຮັບເອົາເຊື້ອ ເຂົ້າຮ່າງກາຍ ໄດ້ ຢ່າງ
ສບາຍ ເຊື້ອໂຣຄ ທັງຫລາຍ ນີ້ ມັນ ນ້ອຍທີ່ສຸດ ມັນຈື່ງສາມາດ ຢູ່
ໄດ້ ທັງ ທົ່ວໄປ ທັງ ໃນ ນ້ຳແລະ ອາກາດ ແລະ ເທີງພື້ນດີນ ແລະ
ລັກສນະ ຂອງມັນ ກໍ ມີ ຄວາມ ແຕກຕ່າງກັນ ອັນ ແລ້ວແຕ່ ຊນິດ ຂອງເຊື້ອນັ້ນໆ

ເຊື້ອພຍາດ Escherichia coli Bactéria ຕາມຊື່ທາງ ວິທຍາສາດ ເປັນເຊື້ອ ປົນເປື້ອນ ຂອງອຸດຈາຣະໃນນໍ້າ ມີຢູ່ຕາມ ທັມມະຊາດ ໃນລຳໃສ້ຂອງຄົນ ແລະ ສັດ ພາໃຫ້ເກີດ ມີອາການ ທ້ອງເສັຍ ທັງ ເດັກນ້ອຍ ແລະ ຜູ່ໃຫຍ່ ຮ/ຟຕລ

 ສຳລັບເຊື້ອ ບັກເຕ້ຣີ ເມື່ອ ຫາກ ມັນ ມີຄວາມຊຸ່ມເຍັນ ມີອຸນນະ
ພູມ ອຳນວຍໃຫ້ ມັນກໍສາມາດ ແຜ່ຂຍາຍ ທະວີອອກ ເປັນຈຳ ນວນສຳຄັນໄດ້ ພາຍໃນ ເວລາ 8 ຊົ່ວໂມງ Bactérie ພຽງຕົວ
ດຽວ ກໍສາມາດ ແບ່ງເຊື້ອໄດ້ເປັນ ຫລາຍ ລ້ານຕົວ ໃນກໍຣະນີ
ທີ່ ມີ ອາຫານ ມັນຫາກປົນເປື້ອນ ຈາກເຊື້ອ Virus ຊື່ງ ຕົວມັນ
ນ້ອຍ ທີ່ສຸດ ເພີ່ນຈື່ງ ຕ້ອງໃສ່ ກ້ອງສ່ອງ ຈຸລທັດ ເບີ່ງ ຫລື mi -
- croscope ທີ່ ມີ ກຳລັງ ສ່ອງຂຍາຍເປັນ ຫລາຍແສນເທົ່າ
 ຈື່ງ ຈະສາມາດ ເບີ່ງຮູບຮ່າງ ໄດ້

ຕົວຢ່າງຂອງໝາກໄມ້ ທີ່ ມັນເນົ່າ ມີ ການຂື້ນ " ຣາ " ອັນຕ້ອງໄດ້ຖີ້ມໄປ ຮ / ຟຕລ

 ຫາກແຕ່ວ່າ ຖ້າເວົ້າເຖີງ ເຕັກນິກ ຂອງ ກ້ອງຈຸລທັດ ເອເລກ ຕໂຣນແລ້ວ ມັນຊ່ວຍ ໃຫ້ ເຫັນ ຮູບພາບໄດ້ຊັດເຈນ ແລະລະ
ອຽດ ແຕ່ ດ້ານພາກປະຕິບັດ ກໍຕ້ອງໃຊ້ເງີນຈຳນວນສູງນັ້ນເອງ