ອຸບັດຕິເຫດທາງອາກາດ

Airbus ຕົກອີກຄັ້ງທີສອງ ໃນເວລາ ບໍ່ເຖິງເດືອນ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 30/06/2009 ແກ້ໄຂໃຫມ່ຫລ້າສຸດເມື່ອວັນທີ 30/06/2009 14:05 TU

ເຮືອບິນໂດຍສານ Airbus A-310 ຂອງສາຍ ການບິນ Yemenia Airways ທີ່ເກີດອຸບັດຕິ ເຫດ (ພາບ: Reuters)

ຣະຍະເວລາບໍ່ເຖິງໜຶ່ງເດືອນຊໍ້າ ຫລັງ
ຈາກທີ່ແອຣ໌ບັສ A-330-200 ຂອງສາຍ
ການບິນ Air France ໄດ້ເກີດອຸບັດຕິ
ເຫດຕົກໃນມະຫາສະໝຸດແປຊີຟິກ ພ້ອມ
ຜູ້ໂດຍສານແລະເຈົ້າໜ້າທີ່ເຮືອບິນ 228
ຄົນ

ຕົກມາເຖິງມື້ນີ້ (ອັງຄານ 30 ມິຖຸນາ
2009) ແອຣ໌ບັສ A-310-300 ສາຍການບິນ "Yemenia Airways" ກໍ
ເກີດອຸບັດຕິເຫດຕົກອີກພ້ອມຜູ້ໂດຍສານ 153ຄົນ ໃນນັ້ນເປັນຊາວຝຣັ່ງເສດ
66 ຄົນ ສ່ວນທີ່ເຫລືອເປັນຊາວ Comoriens...ຂ່າວຫລ້າສຸດແຈ້ງມາວ່າ
ມີເດັກນ້ອຍໜຶ່ງຄົນລອດຊີວິດ

ຄະນະຜູ້ໂດຍສານຂອງແອຣ໌ບັສ A-310-200 ທີ່ເກີດອຸບັດຕິເຫດຄັ້ງນີ້ ເລີ້ມຕົ້ນການເດີນ
ທາງທີ່ສະໜາມບິນ Charles de Gaulle ຂອງນະຄອນຫລວງປາຣີສ໌ ປະເທດຝຣັ່ງ
ເສດ ດ້ວຍເຮືອບິນໂດຍ ສານປະເພດ A-330-200 ຂອງສາຍການບິນດຽວກັນ ໄປລົງ
ທີ່ເມືອງມາຣ໌ໄຊ ໃນພາກໃຕ້ຂອງປະ ເທດ

ຈາກເມືອງມາຣ໌ໄຊ ບັນດາຜູ້ໂດຍສານໄດ້ປ່ຽນເຮືອບິນເປັນ A-310-300 ມຸ່ງໜ້າສູ່ກຸງ
Saana ເມືອງຫລວງຂອງປະເທດ Yemen ແຕ່ກໍໄດ້ເກີດອຸບັດຕິເຫດຕົກເສຍກ່ອນໃນ
ມະຫາສະໝຸດອິນເດຍເມື່ອຄືນວັນຈັນຕໍ່ເຊົ້າອັງຄານນີ້ ຫ່າງຈາກໝູ່ເກາະ Comores
ປະມານ 15 ກ.ມ. ກ່ອນທີ່ເຮືອບິນຈະບິນລົງສູ່ສະໜາມບິນກຸງ Moroni ເມືອງຫລວງ
ຂອງເກາະ Comores

"ບໍ່ແມ່ນເລື້ອງແປກປລາດທີ່ເກີດອຸບັດຕິເຫດຄັ້ງນີ້ ເພາະເປັນເຮືອບິນທີ່ບໍ່ໄດ້ມາຕຖານ
ສາກົນເລີຍ" ທ່ານ Farid Soilihi ປະທານສະມາຄົມ "SOS-Voyages aux
Comores" ໄດ້ກ່າວຕໍ່ຜູ້ສື່ຂ່າວ

ທ່ານຢໍ້າອີກວ່າ "Yemenia Airways" ເປັນສາຍການບິນຣາຄາຖືກທີ່ສຸດໃນຈຳນວນ
ສາຍການບິນ ໂຫລໆ ບໍ່ມີສາຍແອວ ຫ້ອງນໍ້າຕັນ ຫ້ອງເກັບກະເປົ໋າເປີດ ບໍ່ມີລະບົບຄວາມ
ປອດໄພແຕ່ຢ່າງໃດເລີຍ

ປະທານສະມາຄົມ "SOS-Voyages aux Comores" ໄດ້ເຜີຍອີກວ່າ ໄດ້ເຄີຍສົ່ງ
ຈົດໝາຍເຕືອນໄປຍັງກະຊວງຕ່າງປະເທດ ກະຊວງພາຍໃນ ແລະ ກະຊວງຂົນສົ່ງ ຂອງ
ຝຣັ່ງເສດມາແລ້ວ ສະມາຄົມກະຈະຈັດການປະທ້ວງທີ່ເດີ່ນບິນ Charles de Gaulle
ໃນວັນທີ 11 ເດືອນສິງຫາໜ້າ ແຕ່ກໍມາເກີດອຸບັດຕິເຫດນີ້ກ່ອນ