ປະເທດຝຣັ່ງ / ໄຂ້ຫວັດສາຍພັນໃຫມ່

ນາຍົກຝຣັ່ງ ຮັບປະກັນປ້ອງກັນ ການແຜ່ ລະບາດ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 25/07/2009 ແກ້ໄຂໃຫມ່ຫລ້າສຸດເມື່ອວັນທີ 25/07/2009 09:32 TU

ແຜ່ນທີ່ ສແດງໃຫ້ເຫັນການແຜ່ລະບາດ ຂອງໂຣຄໄຂ້ຫວັດ ສາຍພັນໃຫມ່ ຮ / ຟຕລ

ທ່ານ ຝຣັງຊົວ ຟີນຢົງ ນາຍົກ ຣມຕ ຝຣັ່ງ ໄດ້ກ່າວ ວ່າ ຕຽມພ້ອມ ທີ່ຈະ ຜະເຊີນໜ້າ ກັບ ການ ແຜ່ລະບາດ ຂອງພຍາດໄຂ້ຫວັດ H1N1 ຊື່ງໄດ້ ມີ ການຄາດໝາຍ ວ່າ ມັນເປັນທີ່ຈະ ຫລີນລ່ຽງໄດ້ຍາກ ນັບແຕ່ ລະດູໃບ ໄມ້ລົ່ນ ທີ່ຈະມາເຖີງ ນີ້ໄປ

ຊ້ອງໜ້າ ຊ່ຽວຊານຫລາຍຄົນ ທີ່ໄດ້ ມີການ ປະຊຸມ ກ່ຽວກັບ ບັນຫາ
ນີ້ ນາຍົກ ຝຣັ່ງ ທ່ານ François Fillon ໄດ້ກ່າວວ່າ ທາງການ ໄດ້
ມີ ສຕົ໊ກ ຢາຕ້ານ ພຍາດ ແລະ ຜ້າອັດປາກ ແລະ ດັງ ອະນາມັຍ ຕຽມ
ໄວ້ແລ້ວ

ສ່ວນຢາສັກ ປ້ອງກັນ ນັ້ນ ກໍໄດ້ມີ ການກະຕຽມ ໄວ້ແລ້ວ ເຊັ່ນກັນ ຈື່ງຮັບປະກັນ ໄດ້ວ່າ ປະເທດຝຣັ່ງ ຕຽມພ້ອມ ໄດ້ສເມີ ທີ່ຈະ ຮັບມື
ກັບ ພຍາດນີ້ ບໍ່ວ່າ ມັນຈະ ສຳຄັນຊໍ່າໃດ ກໍຕາມ

ຊ່ຽວຊານໄດ້ກ່າວວ່າ ເຖີງວ່າ ປະເທດຝຣັ່ງ ໃນຂນະນີ້ ຈະມີ ການ
ປະສົບ ກັບ ບັນຫານີ້ນ້ອຍ ກໍຕາມ ແຕ່ ຄວນບໍ່ເບີ່ນຂ້າມ ໃນຣະດູ ໃບໄມ້ລົ່ນ ທີ່ຈະມາເຖີງນີ້

ປະເທດລາວກັບບັນຫານີ້

ມາເຖີງ ວັນຈັນ ທີ 20 ຜ່ານມາ ຕົວເລກ ທີ່ ເຫັນ ກໍມີ 1 ຄົນ ເສັຍ
ຊີວິດ ແລະ 64 ຄົນ ໄດ້ຕິດເຊື້ອ ພບາດໄຂ້ຫວັດ ສາຍພັນໃຫມ່ແລ້ວ