ປະເທດ ກແຣສ໌

ອັກຄີໄຟ ໃໝ້ປ່າ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 24/08/2009 ແກ້ໄຂໃຫມ່ຫລ້າສຸດເມື່ອວັນທີ 24/08/2009 12:40 TU

ອັກຄີໄຟ ໃໝ້ປ່າ ໃນປະເທດ ກແຣສ໌ (2)
Reuters

ອັກຄີໄຟ ໃໝ້ປ່າ ໄດ້ລະບາດ ຢ່າງໜັກໜ່ວງ ໃນປະເທດ ກແຣສ໌, ນ່ວຍດັບເພີງ ຕ້ານຢັນ ທຸກດ້ານ ຢ່າງບໍ່ລົດລະ ມາໄດ້ 3 ມື້ນີ້ ຕິດຕໍ່ກັນ ທີ່ພາກ ຕາວັນອອກ ຊ່ຽງເໜືອ ຂອງ ນະຄອນຫລວງ ອັດແຕ່ນ

ອັກຄີໄຟ ໃໝ້ປ່າ ໄດ້ລະບາດຢ່າງໜັກໜ່ວງ ໃນປະເທດ ກແຣສ໌, ນ່ວຍດັບເພີງ ຕ້ານຢັນ ທຸກດ້ານ ຢ່າງບໍ່ລົດລະ ມາໄດ້ 3 ມື້ນີ້ ຕິດຕໍ່ກັນ ທີ່ພາກຕາວັນອອກຊ່ຽງເໜືອ ຂອງ ນະຄອນຫລວງ ອັດແຕ່ນ.

ອັກຄີໄຟ ໃໝ້ປ່າ ໃນປະເທດ ກແຣສ໌ (4)
Reuters

 

ນອກນັ້ນຍັງມີ ຍົນດັບເພີງ ປະເພດ ບົ່ມບາກດິເອ່ 12 ລຳ ແລະ ຍົນ ເອລີກົບແຕ່ ອີກ 4 ລຳ.

ໃນນັ້ນມີ ມີຍົນ ອິຕາລີ່ 2 ລຳ, ຍັນຝຣັ່ງ 1 ລຳ ແລະ ເອລີກົບແຕ ຂອງປະເທດ ຊິບປເຣິ 1 ລຳ ເຂົ້າໄປຊ່ວຍ. ຝຣັ່ງ ຍັງສົ່ງຍົນໄປຊ່ວຍ ໃນມື້ນີ້ອີກ 3 ລຳ.

 

ອັກຄີໄຟ ໃໝ້ປ່າ ໃນປະເທດ ກແຣສ໌
Reuters

ນອກຈາກນັ້ນ ນ່ວຍກູ້ພັຍ ກໍມີບໍ່ຕໍ່າກວ່າ 500 ຄົນ ລົດດັບເພີງ 132 ຄັນ ແລະ ລົດບັນທຸກນໍ້າ 100 ກວ່າຄັນ. ແຕ່ການປະຕິບັດງານ ຂອງນ່ວກູ້ພັຍ ນັ້ນຊ່ຽງຕໍ່ອັນລາຍ ທີ່ສຸດ ເພາະ ທວນໄຟນັ້ນ ໜາແໜ້ນ, ລົມກໍພັດແຮງ ເຖີງ 50 ຫາ 60 ກລມ ຕໍ່ຊົ່ວໂມງ ໄດ້ພັດກະຈາຍໄຟ ໃໝ້ ໄປທຸກສາຣະທິດ.

 

ຕັ້ງແຕ່ ວັນເສົາມາ ປ່າໃມ້ ບໍ່ຕໍ່າກວ່າ 15.000 ເຮັກຕາຣ໌ ໄດ້ຖືກ ທຳລາຍ ແລະບ້ານເຮືອນ ຂອງປະຊາຊົນ ກໍຖືກຈູດ. ເຈົ້າໜ້າທີ່ ປະກາດໃຫ້ປະຊາຊົນ ອອກຈາກເຂດໄຟໃໝ້ ແລະ ປິດຖນົນ ຫລາຍສາຍ.

 

ມີຊາວບ້ານຜູ່ນຶ່ງໄດ້ ໃຫ້ການວ່າ ບໍ່ໄດ້ຮັບການຊ່ວຍເຫຼືອ ຈາກນ່ວຍ ດັບເພີງ ຢ່າງຈິງຈັງ, ຄືມາ ຊີດນໍ້າໄມ່ກົກໄມ້ ບໍ່ພໍເທົ່າໃດ ຕົ້ນແລ້ວກໍ ໜີໄປ. ຕໍ່ມາໄຟກໍໄດ້ ໃໝ້ຄືນໃໝ່ ສນັ້ນຊາວບ້ານຈຶ່ງໄດ້ ຊ່ວຍກັນ ມອດໄຟ ຕາມພາຫະນະທີ່ມີ. ແຕ່ກໍບໍ່ໄດ້ຜົນ ເພາະໄຟມາແຮງ ເກີນຄວນ.

 

ໄຟໃໝ້ປ່າ ຄັ້ງນີ້ ນັບວ່າ ເປັນຄັ້ງໜັກໜ່ວງທີ່ສຸດ ແຕ່ບໍ່ມີຜູ່ໄດ້ຮັບ ເຄາະຮ້າຍ, ຫລັງຈາກ ຄັ້ງໃຫຍ່ສຸດ ໃນປີ 2007, ຕອນນັ້ນ ມີ 77 ຄົນ ໄດ້ເສັຽຊີວິດ ແລະປ່າໄມ້ ໄດ້ຖືກທຳລາຍ 250.000 ກວ່າ ເຮັກຕາຣ໌.