ຂເມນ

ພາຍຸ ເກສະນາ : 11 ຄົນຕາຍ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 30/09/2009 ແກ້ໄຂໃຫມ່ຫລ້າສຸດເມື່ອວັນທີ 30/09/2009 12:08 TU

ນໍ້າຖ້ວມບ້ານ ຍ້ອນ ພາຍຸ ເກສະນາ ໃນຂເມນ
Reuters

ພາຍຸ ເກສະນາ ພັດກະໜໍ່າເຂົ້າປະເທດ ຂເມນ ຕາຍຢ່າງນ້ອຍ 11 ຄົນ, ຫລັງຈາກ ລົມພາຍຸ ດັ່ງກ່າວນີ້ໄດ້ ໄດ້ທຳລາຍ ປະເທດ ຟີລິປິນ ຕາຍ 246 ຄົນ ແລະ ວຽດນາມ ຕາຍ 38 ຄົນ ຜ່ານມາແລ້ວ

ໂດຍສະເພາະ ໃນເຂດ ກຳໂປ່ງ ທົ່ມ ໃນພາກກາງ ແລະທາງພາກ ຕາເວັນອອກຊ່ຽງເໜືອ ຂອງປະເທດ, ຢ່າງນ້ອຍມີ 5 ແຂວງ, ປະຊາ ຊົນ ແລະ ບ້ານເຮືອນໄດ້ຖືກທຳລາຍ, ອົງການຊ່ວຍເຫຼືອສາກົນ ແລະ ທາງການ ໄດ້ເລີ້ມ ແຈກຢາຍ ຜ່າມ ແລະ ອາຫານ.

 

ພາຍຸ ເກສະນາ ໃນ ຂເມນ 11 ຄົນຕາຍ
Reuters

 

ກ່ອນໜ້າ ພາຍຸ ເກສະນາ ຈະພັດເຂົ້າ ປະເທດ ຂເມນ ນັ້ນ, ປະເທດ ຟີລິປິນ ໄດ້ຮັບເຄາະຮ້າຍ ກ່ອນໝູ່, ຢ່າງນ້ອຍ 246 ຄົນ ຕາຍ, ຕໍ່ມາ ພາຍຸ ໄດ້ຜ່ານໄປ ປະເທດ ວຽດນາມ ຕາຍ ຢ່າງນ້ອຍ 38 ຄົນ ແລະ 10 ຫາຍສາບສູນ.

 

ສ່ວນຢູ່ປະເທດລາວ, ທາງການຍັງລໍຮັບຟັງ ຂ່າວຈາກຕ່າງແຂວງຢູ່ ແຕ່ວ່າ ໃນເວລາ 9 ໂມງ 30 ຂອງ ມື້ວັນພຸດນີ້ ຍັງປອດພັຍຢູ່ ບໍ່ມີ ຜູ່ໄດ້ຮັບເຄາະຮ້າຍ, ເພາະ ພາຍຸ ເກສະນາ ໄດ້ອ່ອນແຮງ ລົງແດ່ ແລ້ວ.

 

ອົງການ ອຸຕຸນິຍົມສາກົນ ເຕືອນວ່າ ຍັງຈະມີ ລົມພາຍຸ ຄັ້ງທີ 2 ພັດ ກຳໜໍ່າ ເຂົ້າປະເທດ ຟີລິປິນ ໃນບໍ່ພໍເທົ່າໃດມື້ ຂ້າງໜ້ານີ້, ມື້ວານນີ້ ທ່ານ ອິໂວ ເດິ ໂບແອ້ ຜູ່ຮັບຜິດຊອບຂັ້ນສູງ ດ້ານອຸ່ນຫະພູມ ໄດ້ ກ່າວຫຍໍ້າ ທີ່ ບາງກອກ ຄືນວ່າ ມາຕການ ຕ້ານການປ່ຽນແປງ ອຸ່ນຫະພູມ ໃນອາກາດ ເປັນສິງທີ່ຈຳເປັນ ສຳຫລັບຊີວິດ ໃນເຂດ ອາຊີ ປາຊີຟິກ.