ພັຍທຳມະຊາດ/ສປປລາວ

ຂໍຄວາມຊ່ວຍເຫຼືອ ຈາກນາໆຊາດ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 09/10/2009 ແກ້ໄຂໃຫມ່ຫລ້າສຸດເມື່ອວັນທີ 09/10/2009 13:39 TU

ປະເທດຟີລິບປີນລ໌ ທີ່ໄດ້ຮັບເຄາະໜັກກວ່າ ມີຜູ່ເສັຽຊີວິດ ຍ້ອນລົມພາຍຸ ເກສນາ ແລະ ຍ້ອນເຫດ ແຜ່ນດີນເຈື່ອນ ທັງໝົດເຖີງ ໕໔໐ ຄົນ. ແລະຍັງມີປະຊາຊົນບໍ່ຕໍ່າກວ່າ ໒໘໗ ໕໐໐ ຄົນ ທີ່ຕົກຢູ່ໃນ ສະພາບເໝືອນໃນພາບນີ້ ຄືຈຳເປັນພໍານັກອາສັຍ ຢູ່ໃນສູນ ຮອງຮັບຊົ່ວຄາວ (ພາບ : Reuters)

ສປປລາວ ຮຽກຮ້ອງ ຂໍຄວາມຊ່ວຍເຫຼືອ ຈາກນາໆຊາດ ເພື່ອປົວ-ແປງ ຜົນກະທົບ ຈາກພັຍນ້ຳຖ້ວມ ຍ້ອນລົມພາຍຸ ເກສນາ ທີ່ໄດ້ ພັດກະໜໍ່າ ເຂົ້າທາງພາກໃຕ້. ສ່ວນປະເທດ ປະເທດ ຟີລິບປີນລ໌ ທີ່ກະທົບກັບຕົ້ນພາຍຸສອງຫົວ ແລະຕິດຕາມດ້ວຍ ເຫດດີນເຈື່ອນ ນັ້ນ ຕົວເລກລ້າສຸດ ບົ່ງວ່າ ມີຜູ່ເສັຽຊີວິດ ທັງໝົດເຖີງ ໕໔໐ ຄົນ.

ສປປລາວ ຮຽກຮ້ອງ ຂໍຄວາມຊ່ວຍເຫຼືອ ຈາກນາໆຊາດ ເພື່ອປົວແປງ ຜົນກະທົບ ຈາກພັຍນ້ຳຖ້ວມ ຍ້ອນລົມພາຍຸ ເກສນາ ທທີ່ໄດ້ພັດກະໜໍ່າ ເຂົ້າທາງພາກໃຕ້. ທ່ານພົງສວັດ ບຸຜາ ຮອງຣັຖມົນຕຣີ ກະຊວງການ ຕ່າງປະເທດລາວ ໄດ້ຖແລງຮຽກຮ້ອງ ຢ່າງເປັນທາງການວ່າ ຕ້ອງ ການຄວາມຊ່ວຍເຫຼືອ ຢ່າງຮີບດ່ວນ ຈາກ ບັນດາປະເທດ ເພື່ອນບ້ານ ແລະນາໆຊາດ ໂດຍສະເພາະກໍແມ່ນ ອາຫານການກີນ ເຄື່ອງໄຊ ຈຳເປັນ ໃນຊີວິດ ປະຈຳວັນ ແລະ ຢາປົວພະຍາດ.

ສລູບການເສັຽຫາຍ ຍ້ອນລົມພາຍຸ ເກສນາ ທີ່ ສປປລາວ ມີຢ່າງໃດ໋ແດ່ ເຊີນຮັບຟັງ ຊົງຣິດ ໂພນເງີນ ລາຍງານ ຈາກບາງກອກ

ສ່ວນປະເທດ ປະເທດຟີລິບປີນລ໌ ນັບໄດ້ ສອງສັບປະດາ ຜ່ານມາແລ້ວ ທີ່ໄດ້ປະສົບກັບ ພັຍທຳມະຊາດ ໄດ້ຮັບເຄາະໜັກກວ່າໝູ່ ເພາະໄດ້ກະທົບ ກັບຕົ້ນພາຍຸ ສອງຫົວ ຄືລົມພາຍຸ "ເກສນາ" ແລະລົມພາຍຸ "ປາກມ່າ" ຕິດຕາມດ້ວຍ ເຫດດີນເຈື່ອນ ຕາມສັນພູ ນັ້ນ ຈົນຮອດມື້ນີ້ ຝົນກໍຍັງຕົກ ບໍ່ ຂາດສາຍ. ຕົວເລກລ້າສຸດ ບົ່ງວ່າ ມີຜູ່ເສັຽຊີວິດ ຍ້ອນ ທັງໝົດເຖີງ ໕໔໐ ຄົນ. ນອກຈາກນີ້ ຍັງມີປະຊາຊົນ ບໍ່ຕໍ່າກວ່າ ໒໘໗ ໕໐໐ ຄົນ ທີ່ຕົກຢູ່ໃນ ສະພາບ ຊິ້ນເນື້ອປະດາໂຕ ຈຳເປັນພໍານັກອາສັຍ ຢູ່ໃນສູນ ຮອງຮັບ ຊົ່ວຄາວ. ບາງຜ່ອງ ຍ້ອນເຮືອນຊານ ຍັງນ້ຳຖ້ວມຢູ່ ແຕ່ ບາງຜ່ອງ ເຮືອນຊານ ເພພັງພັດຫາຍ ໄປກັບນ້ຳບາກ.

ໝູ່ບ້ານແຫ່ງໜື່ງ ທີ່ແຂວງ ກຳປົງທົມ ປະເທດຂເມນ ທີ່ມີຜູ່ເສັຽຊີວິດ ຍ້ອນລົມພາຍຸ ເກສນາ ໑໗ ຄົນ (ພາບ : Reuters)