ຂ່າວກ່ຽວກັບ ປະເທດຝຣັ່ງ

ການປະທ້ວງ ແລະອື່ນໆ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 17/10/2009 ແກ້ໄຂໃຫມ່ຫລ້າສຸດເມື່ອວັນທີ 17/10/2009 11:35 TU

ບັນດາຊາວກະສິກອນ ຜລິດນໍ້ານົມງົວ ປະທ້ວງ ດ້ວຍການເທ ນໍ້ານົມຖີມ

ອົງການ ສະຫະພັນກັມມະບານແຮງງານ ກະສິກອນ ປະກາດວ່າ ນັບແຕ່ ຖນົນ ຊັງ ເອລີເຊ່ ລົງໄປຫາ ເມືອງຕູລູຊ໌ ທາງພາກໃຕ້ ກະຊິກອນ ບໍ່ຕໍ່ກວ່າ 50.000 ຄົນ ໄດ້ພາກັນລົງຖນົນປະທ້ວງ ເພື່ອຮຽກຮ້ອງໃຫ້ລັຖະບານ ຊ່ວຍເຫຼືອ ໃຫ້ມີທາງອອກຈາກວິກິດການ

ການປະທ້ວງ

ອົງການ ສະຫະພັນກັມມະບານແຮງງານ ກະສິກອນ ປະກາດວ່າ ນັບ ແຕ່ ຖນົນ ຊັງ ເອລີເຊ່ ລົງໄປຫາ ເມືອງຕູລູຊ໌ ທາງພາກໃຕ້ ກະຊິ ກອນ ບໍ່ຕໍ່ກວ່າ 50.000 ຄົນ ໄດ້ພາກັນລົງຖນົນປະທ້ວງ ເພື່ອຮຽກ ຮ້ອງໃຫ້ລັຖະບານ ຊ່ວຍເຫຼືອ ໃຫ້ມີທາງອອກຈາກວິກິດການ ໃນ ຂແໜງ ກະສິກັມນີ້ ຄືຮຽກຮ້ອງ ການຊ່ວຍເຫຼືອໃນວົງເງີນ 1,4 ພັນ ລ້ານເອີໂຣ ໃນນັ້ນ ມີ 400 ລ້ານເອີໂຣ ໃຫ້ຍົກເວັ້ນພາສີ ໂດຍດ່ວນ ເພື່ອອຳນວຍ ໃຫ້ຊາວກະສິກອນ ສາມາດດຳເນີ ກິຈະການຕໍ່ໄດ້.

 

ກະສິກອນ ຜລິດນໍ້ານົມງົວ ປະທ້ວ ງດ້ວຍການເທ ນໍ້ານົມຖີມ

 

ອັຟການິສຖານ

ທ່ານ ແບກນ່າ ກຸສແນ້ ລັຖມົນຕຣີ ການຕ່າງປະເທດ ໄປຢ້ຽມຢາມ ກຸງ ກ່າບູນ ໃນທ້າຍອາທິດນີ້ ເພຶ່ອຮຍກໃຫ້ມີການນັບຖື ຜົນການ ເລືອກຕັ້ງປະທານາທິບໍດີ ອັຟການິສຖານ ທີ່ຍັງບໍ່ທັນໄດ້ປະກາດອອກ ຢ່າງເປັນທາງການເທື່ອ. ສ່ວນປະທານາທິບໍດີ ສ໊າກໂກຊີ່ ນັ້ນປະກາດ ມື້ວານນີ້ວ່າ ຍັງຈະບໍ່ຖອນທະຫານ 3.700 ຄົນ ອອກຈາກ ອັຟກາ ນິສຖານ ເທື່ອ, ແລະກໍ ຈະບໍ່ສົ່ງທະຫານເຂົ້າໄປເພີ້ມອີກ.

 

ປະເທດ ກີເນ່

ທາງການຝຣັ່ງໄດ້ສັ່ງໃຫ້ ປະຊາຊົນ ຝຣັ່ງ ປະມານ 2.500 ຄົນ ທີ່ ອາສັຍຢູ່ປະເທດ ກີເນ່ ອອກໜີ ເພື່ອຄວາມປອດພັຍ ຫລັງຈາກ ອຳນາດທະຫານໄດ້ປາບ ປະຊາຊົນປະທ້ວງ ແບບນອງເລືອດ ໃນວັນ ທີ 28 ກັນຍາແລ້ວນີ້. ສ່ວນ ສະຫະປະຊາຊາດ ນັ້ນຕັດສິນໃຈ ຈັດຕັ້ງ ຄນະກັມມະການສອບສວນສາກົນ ໃນການປາບນອງເລືອດດັ່ງກ່າວນັ້ນ.

 

ກົມໄປຊະນີ ຝຣັ່ງ ເຕເລກົມ

ປະທານອຳນວຍການ ກົມໄປຊະນີ ຝຣັ່ງ ເຕເລກົມ ທ່ານ ດິດິເອ່ ລົມບາກ ປະຕິເສດບໍ່ຍອມລາອອກ ຈາກຕໍາແໜ່ງ ຕາມຄຳຮຽກຮ້ອງ ຂອງ ກັມມະບານແຮງງານ ຫລັງຈາກ ພາຍໃຕ້ການຄຸມຄອງ ຂອງ ທ່ານເປັນເຫດໃຫ້ມີ ພະນັກງານ ຂ້າຕົວຕາຍ ເຖີງ 25 ຄົນແລ້ວ ດ້ວຍລະບົບການ ປົກຄອງຫັດກຸ່ມຂຸ້ນຂ້ຽວ.