ເກົາຫຼີເໜືອ-ອາເມຣິກາ

ສົນທະນາ ການທັບມ້າງ ສູນນິວຄະເລັຍ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 08/12/2009 ແກ້ໄຂໃຫມ່ຫລ້າສຸດເມື່ອວັນທີ 08/12/2009 11:25 TU

ທ່ານ ສເຕັບເຟິ່ນ ບົສໂວກທ໌
Afp

ທ່ານ ສເຕັບເຟິ່ນ ບົສໂວກທ໌ ພ້ອມດ້ວຍຄນະຜູ່ຕາງໜ້າ ອາເມຣິກາ ໄປຢ້ຽມຢາມ ເກົາຫຼີເໜືອ ມື້ນີ້ ເພື່ອໄກ່ເກັ່ຽ ໃຫ້ຫັນໜ້າ ມາເຈຣະຈາ ກ່ຽວກັບການທັບມ້າງນິວຄະເລັຍຄືນໃໝ່ ຫລັງຈາກໄດ້ ຢຸດສະງັກລົງ ໃນເດືອນເມສາ ຜ່ານມານີ້. ນັບວ່າ ເປັນການພົບປະເຈຣະຈາໂດນກົງ ຄັ້ງໃໝ່ ຢ່າງເປັນທາງການ.

ກ່ອນຈະໄປເຖີງ ນະຄອນຫລວງ ປີອົງຢັ່ງ ນັ້ນຄນະຜູ່ຕາງໜ້າ ອາເມ ຣິກາ ໄດ້ອອກຈາກ ເກົາຫຼີໃຕ້ ແລະຫລັງຈາກ ພົບປະສົນທະນາກັບ ເກົາຫຼີເໜືອແລ້ວ ຄນະດັ່ງກ່າວ ຈະກັບຄືນໄປແຈ້ງຜົນ ທີ່ນະຄອນ ຫລວງ ເຊອູ່ນ ກ່ອນຈະໄປ ປັກກິງ, ໂຕກຽວ ແລະ ມົສກູ່.

 

ຈຸດປະສົງສຳຄັນ ຂັ້ນຕົ້ນ ລະຫວ່າງ ສອງຝ່າຍ ນີ້ແມ່ນເພື່ອ ຢາກຮູ້ ວ່າ ເກົາຫຼີເໜືອ ພ້ອມແລ້ວ ຫຼືບໍ່ ສຳຫລັບຈະເຂົ້າໂຕະເຈຣະຈາ ລະຫວ່າງ 6 ປະເທດ ກ່ຽວກັບການທັບມ້າງ ສູນພະລັງງານ ນິວ ຄະເລັຍ ໃນເກົາຫຼີເໜືອ ແລະ ບໍ່ແມ່ນແຕ່ 2 ຝ່າຍເທົ່ານັ້ນ ທີ່ຈະ ເຈຣະຈາ ແກ່ໄຂບັນຫາດັ່ງກ່າວນີ້.

 

ທ່ານ ບົສໂວກທ໌ ກ່າວວ່າ "ອາເມຣິກາ ຈະບໍ່ມີ ມາຕການຫຍັງໃໝ່ ເພື່ອໄປຍຸຍົງສົ່ງເສີມໃຫ້ ເກົາຫຼີເໜືອ ປ່ຽນໃຈ ແລະ ອາເມຣິກາ ນັ້ນ ກໍຍັງຢູ່ໃນທ່າທີເດີມ ຄື ພວກເຮົາບໍ່ມີເຈຕະນາ ຈະໄປໃຫ້ ບຳເນັດ ທົບແທນ ແຕ່ຢ່າງໃດໝົດ ເພາະ ເກົາຫຼີເໜືອ ໄດ້ຮັບເອົາຂໍ້ຕົກລົງກັນ ມາແຕ່ຂັ້ນຕົ້ນ ນັ້ນແລ້ວ.

 

ການຕົກລົງ ໃນປີ 1994, 2005 ແລະ 2007 ນັ້ນ ບໍ່ຖືກນັບຖື ຈັກເທື່ອ ເພາະເກົາຫຼີເໜືອ ປິດປະຕູຕັນ ທຸກຄັ້ງ ແລະຄັ້ງສຸດທ້າຍ ແມ່ນ ເດືອນ ເມສາ ຜ່ານມານີ້ຫລັງ ຈາກ ກຫຼໜ ໄດ້ລະເມີດ ຍັດຕິ ທົດລອງຍິງ ຈະລວດ ແລະຖືກລົງໂທດ ຈາກສະພາຄວາມໝັ້ນຄົງ ສຫປ ຊາຊາດ.