ອາເມຣິກາ-ອັຟການິສຖານ

ໂຣເບີດ ເກດ ໝັ້ນໃຈ ຈະຊນະກຸ່ມຕາລີ່ບ່ານ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 09/12/2009 ແກ້ໄຂໃຫມ່ຫລ້າສຸດເມື່ອວັນທີ 09/12/2009 12:01 TU

ທ່ານ ໂຣເບີດ ເກດ

ທ່ານ ໂຣເບີດ ເກດ ລັຖມົນ ລັຖມົນຕຣີ ການຕ່າງປະເທດ ອາເມ ຣິກາ ໝັ້ນໃຈວ່າ ກອງກຳລັງ ພັນທະມິຕ ຈະຊນະ ກຸ່ມຕ່າລີບ່ານ ໃນຍຸທະສາດໃໝ່ນີ້ ຫລັງຈາກ ປະທານາທິບໍດີ ບາຣັກ ໂອບາມາ ໄດ້ຕັດສິນໃຈສົ່ງ ທະຫານ ເຂົ້າໄປເພີ້ມ

ໃນຂນະຢ້ຽມຢາມ ອັຟການິສຖານນັ້ນ ທ່ານ ໂຣເບີດ ເກດ ໄດ້ຖແລງ ວ່າ ການກໍສ້າງສູນ ເສນາທິການ ຂອງກອງກຳລັງ ອິສາຟ (Isaf) ຂື້ນ ໃໝ່ນີ້ ແມ່ນແນ່ໃສ່ ການຮວມສູນທຸກກອງກຳລັງ ຂອງພັນທະມິຕໃຫ້ ຢູ່ພາຍໃຕ້ ບັນຊາການຂອງນາຍພົນ ສແຕນເລ່ ມັກຄຣິສຕ່ານ ສຳຫລັບ ປະຕິບັດງານ ຕາມທີ່ທາງອົງການ ໂອຕັງ ໄດ້ມອບໝາຍໃຫ້. 

 

ທ່ານ ໄດ້ກ່າວ ໃນຕອນພົບພໍ້ ກັບປະທານາທິບໍດີ ກ໊າກຊ່າຍ ວ່າ "ທຸກກອງ ກຳລັງປະສົມ ຈະຕ້ອງຖືກຈັດ ໃຫ້ເຂົ້າຢູ່ໃນຖົນແຖວ ເພື່ອ ໃຫ້ບັນລຸຜົນເຖີງ ໄຊຊນະ ແລະ ມ້ວນທ້າຍ ໂດຍສັນຍາວ່າ ອາເມ ຣິກາ ຈະບໍ່ປະປ່ອຍອັຟການິສຖານ ຢ່າງກະທັນຫັນແລະ ຢ່າງປຸດປັດ".

 

ແຕ່ຢ່າງໃດກໍດີ ອີງຕາມຍຸທະສາດໃໝ່ ຂອງປະທານາທິບໍດີ ໂບບາມາ ນັ້ນວ່າ ການກຳນົດ ຖອນທະຫານ ແມ່ນແນ່ໄສ່ ໃນປີ 2011 ແລະ ການຖອນອອກທັງໝົດນັ້ນ ກໍຈະຄ່ອຍຖອນເທື່ອລະຊຸດ ແລະຍືດອອກ ຫລາຍປີ.

 

ທ່ານ ໂຣເບີດ ເກດ ໄດ້ກ່າວຕໍ່ ທ່ານ ກ໊າກຊ່າຍ ກ່ຽວກັບ ການສໍ້ລາດ ບັງຫລວງໃນກຸ່ມລັຖະບານ ອັຟກ່ານ ນັ້ນວ່າ "ຄວນອົາມາຕະການປາບ ຢ່າງເຂັ້ມງວດກວດຂັນ ແລະ ກ່າວປອບໃຈ ວ່າບັນດາ ປະເທດຕາເວັນ ຕົກ ກໍມີສ່ວນຮັບຜິດຊອບນຳ ສ່ວນນຶ່ງຄືກັນ".

 

ໃນອາທິດໜ້ານີ້ ປະທານາທິບໍດີ ກ໊າກຊ່າຍ ຈະຕ້ອງປະກາດ ການຈັດ ຕັ້ງ ຄນະລັຖະບານໃໝ່, ສ່ວນບັນດາ ນັກການທູດ ກໍໝັ້ນໃຈວ່າ ພວກ ຈະຖືກຮຽກເຂົ້າມາປະກອບສ່ວນ ໃນຄນະລັຖບານ ນັ້ນ ມີບຸຄະລິກ ທີ່ ໜ້າໃວ້ໃຈໄດ້.

 

ກ່ອນໜ້ານີ້ ອັຟການິສຖານ ແລະ ສຫປ ຊາຊາດ ໄດ້ປະກາດວ່າ ຈະ ຈັດກອງປະຊຸມ ກ່ຽວກັບ ການຕ້ານ ການສໍ້ລາດບັງຫລວງ ຊຶ່ງຄາດໃສ່ ວັນທີ 15 ຫາ 17 ທັນວາ 2009.

 

ອີກດ້ານຶ່ງ ຜູ່ບັນຊາການທະຫານ ອາເມຣິກາ ໄດ້ປະກາດວ່າ "ໃນເມື່ອ ມີ ການເພີ້ມຈຳນວນທະຫານ ຂື້ນຕື່ມແລ້ວ ແລະ ຖ້າ ມີການປະທະ ໂດຍກົງ ລະຫວ່າງ ກຳລັງທະຫານ ອາເມຣິກາ ແລະ ກຸ່ມຕາລີບ່ານ ໃນເຂດພາກໃຕ້ນັ້ນ ກຸ່ມຕາລີບ່ານ ກໍຈະຖືກ ຫຍຽບໃຫ້ລາບຄາບ, ແລະ ການທີ່ຈະຊນະ ກຸ່ມອ່ານກ່າຍດາ ໄດ້ນັ້ນ ກໍຕໍ່ເມື່ອ ເບັ່ນລາເດັ່ນ ຖືກ ສັງຫານ ຫຼື ຖືກຈັບໄດ້ ເສັຍກ່ອນ.