ເອຣົບ-ຕ້ານອາກາດອົບເອົ້າ

6 ພັນລ້ານ ເອີໂຣ ສຳຫລັບ ປະເທດທຸກ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 10/12/2009 ແກ້ໄຂໃຫມ່ຫລ້າສຸດເມື່ອວັນທີ 10/12/2009 11:20 TU

ທຸງ ສຫພ ເອີຣົບ

ເພື່ອໃຫ້ມີປະສິດທິພາບ ໃນການເຈຣະຈາ ທີ່ກອງປະຊຸມສາກົນ ກ່ຽວກັບ ການຕ້ານອຸ່ນຫະພູມ  ບັນດາຜູ່ນຳ ສຫພ ເອີຣົບ ພະຍາຍາມຊອກຫາທາງຕົກລົງ ສຳຫລັບ ໃຫ້ການຊ່ວຍເຫຼືອ ປະເທດທຸກ ໂດຍດ່ວນ 6 ພັນລ້ານ ເອີໂຣ

ເຮື້ອງເງີນ ສຳຫລັບ ຊ່ວຍເຫຼືອປະເທດທີ່ກຳລັງພັທະນາ ເພື່ອຕ້ານກັບ ອຸ່ນຫະພູມອົບເອົ້າໃນໂລກນີ້ ສຳຫລັບ ຊ່ວຍໃຫ້ມີລະບົບ ພັທະນາ ເສຖກິດ ແບບເປື້ອນເປິ້ ນ້ອຍທີ່ສຸດ ແມ່ນເປັນບັນຫາສຳຄັນ ທີ່ຈະຕໍ່ ລອງກັນ ໃນກອງປະຊຸມ ໂກເພີ່ນນາກ ນີ້.

 

 

ບັນດາປະເທດຮັ່ງມີ ຖືກຮຽກຮ້ອງໃຫ້ ຖອນເງີນອອກ 10 ພັພລ້ານ ໂດລາ (6,8 ພົນລ້ານ ເອີໂຣ) ຕໍ່ປີ ພາຍໃນ 3 ປີ ຂ້າງໜ້ານີ້ ເພາະ ເປັນປະເທດ ທີ່ຕ້ອງ ຮັບຜິດຊອບສ່ວນໃຫຍ່ ໃນການສົ່ງອາຍພິດ ໃສ່ ອາກາດ ມາແຕ່ຕອນສມັຍ ເລີ້ມພັທະນາ ໂຮງງານອຸສະຫະກັມໜັກ.

 

ຍ້ອນສະພາບເສຖກິດ ຝືດເຄື່ອງໃນໂລກປັດຈຸບັນນີ້, ມີນ້ອຍປະເທດ ທີ່ໄດ້ໃຫເສັນຍາຊ່ວຍເຫຼືອ ແບບ ບົ່ງອອກ ເປັນຕົວເລກ. ສນັ້ນ ມື້ນີ້ ສຫພ ເອີຣົບ ພະຍາຍາມ ຕົກລົງກັນຂົນຂວາຍໃຫ້ໄດ້ 6 ພັນລ້ານ ໂດຍດ່ວນ. ເພາະກ່ອນ ສຫພ ເອີຣົບ ຈະມີນໍ້າໜັກໃນການຕໍ່ລອງນັ້ນ, ເອີຣົບ ຕ້ອງຕົກລົງກັນ ຢ່າງຈະແຈ້ງ ເສັຍກ່ອນ.

 

ປັດຈຸບັນນີ້ ອັງກິດໃຫ້ແລ້ວ 884 ລ້ານເອີໂຣ, ສູເອດ 765 ລ້ານ ເອີໂຣ ແລະປະເທດອື່ນໆໃນ ສະຫະພາບນັ້ນ ກຳລັງພິຈາຣະນາຢູ່.