ສປ ຈີນ - ຝຣັ່ງ

ນາຍົກລັຖມົນຕຣີ ຟີ່ຍົ່ງ ຢ້ຽມຢາມ ຈີນ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 20/12/2009 ແກ້ໄຂໃຫມ່ຫລ້າສຸດເມື່ອວັນທີ 20/12/2009 14:08 TU

ນາຍົກລັຖມົນຕຣີຝຣັ່ງ ທ່ານ ຝຣັ່ງຊົວ ຟີ່ຍົ່ງ

ນາຍົກລັຖມົນຕຣີຝຣັ່ງ ທ່ານ ຝຣັ່ງຊົວ ຟີ່ຍົ່ງ ໄປຢ້ຽມຢາມ ປັກກິງມື້ນີ້ ສຳຫລັບ 3 ມື້ ຊຶ່ງເປັນບາດກ້າວໃໝ່ ເພື່ອສ້າງຄວາມຖືກຕ້ອງ ປອງ ດອງ ກັນຄືນໃໝ່ ຫລັງຈາກ ຄັດແຍ້ງກັນ ໃນບັນຫາ ຕິເບດ

ທ່ານ ຝຣັ່ງຊົວ ຟີ່ຍົ່ງ ໄປເຖີງ ປັກກິງ ໃນຕອນບາຍມື້ນນີ້ ແລະຈະພົບ ພໍ້ ກັບຄູ່ກຳຕຳແໜ່ງ ທ່ານ ເວີນ ເຈັ້ຽປາວ ແລະ ປະທານປະເທດ ຫູ ຈິນທ່າວ.

 

ຈຸດປະສົງ ແມ່ນການສົນທະນາ ບັນຫາ ການປ່ຽນແປງ ອຸ່ນຫະພູມ ອົບເອົ້າ ຫລັງຈາກ ການຕົກລົງ ທີ່ບໍ່ມີຜົນບັງຄັບໃຊ້ ຂອງກອງປະຊຸມ ສຸດຍອດ ທີ່ ໂກເພີ່ນນາກ ແລະລັຖມົນຕຣີຊ່ວຍ ດ້ານສະພາບແວກ ລ້ອມ ທັມມະຊາດ ຝຣັ່ງ ກໍໄດ້ ສະແດງຄວາມເສັຍໃຈ ໃນທ່າທີ ປິດການຕໍ່ລອງແບບສະນິດທັງໝົດເລີຍ ຂອງ ຈີນ ແລະ ອິນເດັຍ ໃນວາຣະ ເຈຣະຈາ ທີ່ກອງປະຊຸມ ໂກເພີ່ນນາກ.

ສປ ຈີນ ເປັນປະເທດ ທີ່ພົ່ນອາຍພິດ CO2 ໄສ່ອາກາດ ໃຫ້ອົບເອົ້າ ຫລາຍກ່າວໝູ່ໃນໂລກ

 

ອີກຈຸດປະສົງນຶ່ງ ແມ່ນກ່ຽວກັບ ການແລກປ່ຽນເສຖະກິດ ລະຫວ່າງ ສອງປະເທດ ເຊັ່ນສຳຄັນນັ້ນແມ່ນ ການຮ່ວມມື ດ້າວ ພະລັງງານ ນິວຄະເລັຍ ແລະ ເຣື້ອງກິຈະການ ສ້າງຍົນ ແອຣ໌ ບິສ A320 ອີກດ້ວຍ ເພື່ອແຂ່ງຂັນກັບ ຍົນ ໂບອິ່ງ 737 ນັບແຕ່ ປີ2016 ເປັນຕົ້ນໄປ.

ຄາດວ່າ ໃນສັນຍາ ຈະຖືກໄຫລ່ເປັນຕົວເລກ ໃນວົງເງີນ ຫລາຍພັນ ລ້ານ ເອີໂຣ.