ສຫປ ຊາຊາດ - ສິດທິມະນຸດ

ຜົນລາຍງານ ການທຳຮ້າຍມະນຸດສະທັມ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 21/12/2009 ແກ້ໄຂໃຫມ່ຫລ້າສຸດເມື່ອວັນທີ 21/12/2009 12:18 TU

ໂຊເຊັບ ໂກນີ່ ຫົວໜ້າ ຂະບວນການກະບົດ ກອງທັບຕໍ່ຕ້ານ ຂອງພຣະເຈົ້າ

ອົງການ ຂ້າຫລວງໃຫຍ່ ສະຫະປະຊາຊາດ ດ້ານສິດທິມະນຸດ ໄດ້ເຜີຍ ຜົນລາຍງານ ກ່ຽວກັບ ການຕູ່ກ່າວຫາ ການຄາຕະກັມ ມະນຸດສະທັມ ໃສ່ກຸ່ມກະບົດ ທີ່ມີຊື່ວ່າ ກອງທັບຕໍ່ຕ້ານຂອງພຣະເຈົ້າ ໃນ ສາທາຣະ ນະຣັດ ປະຊາທິປະຕັຍ ກົງໂກ່ ແລະ ໃນເຂດ ສູດັ່ງ ພາກໃຕ້

ອົງການ ຂ້າຫລວງໃຫຍ່ ສະຫະປະຊາຊາດ ດ້ານສິດທິມະນຸດ ໄດ້ເຜີຍ ຜົນລາຍງານ ກ່ຽວກັບ ການຕູ່ກ່າວຫາ ການຄາຕະກັມ ມະນຸດສະທັມ ໃສ່ກຸ່ມກະບົດ ທີ່ມີຊື່ວ່າ ກອງທັບຕໍ່ຕ້ານຂອງພຣະເຈົ້າ ໃນ ສາທາຣະ ນະຣັດ ປະຊາທິປະຕັຍ ກົງໂກ່ ແລະ ໃນເຂດ ສູດັ່ງ ພາກໃຕ້.

 

ໃນບົດລາຍງານດັ່ງກ່າວນັ້ນ ໄດ້ເຜີຍວ່າ ເກືອບເຖີງ 1.300 ຄົນ ໄດ້ ຖືກສັງຫານ ໃນສອງປະເທດດັ່ງກ່າວ ໃນລະຍະເດືອນ ກັນຍາ 2008 ຫາ ເດືອນ ມິຖຸນາ 2009 ແລະ ມີການຂົ່ມຂືນ ກະທຳສຳເລົາ ຢ່າງ ກວ້າງຂວາງ ຕໍ່ພົລະເຮືອນ.

 

ອິງຕາມກົດໝາຍສາກົນ ນັ້ນ "ການປະພຶດດັ່ງກ່າວນີ້ ສາມາດຈັດເປັນ ຄະດີ ຢູ່ໃນກະໂທງ ຄາຕະກັມສົງຄາມ ແລະ ຄາຕະກັມ ມະນຸດສະທັມ ແລະ ບໍ່ມີກຳນົດລົບລ້າງການດຳເນີນຄະດີ".

 

ສ່ວນຫົວໜ້າ ຂະບວນການ ກະບົດ ກອງທັບຕໍ່ຕ້ານຂອງພຣະເຈົ້າ ແມ່ນ ໂຊເຊັບ ໂກນີ່ ນີ້ ໄດ້ຖືກສານອາຍາສາກົນ ອອກໝາຍສັ່ງຈັບ ສຳຫລັບ ໄຕ່ສວນຄະດີ ໃນຖານເປັນຄາຕະກອນ ສົງຄາມ ມາແຕ່ ປີ 2005.

 

ນັບແຕ່ 2005 ມາ ສະມາຊິກປະກອບອາວຸດ ຂອງຂະບວນການ ດັ່ງກ່າວນີ້ ຕັ້ງທີ່ໝັ້ນຢູ່ ໃນພາກຕາເວັນອອກ ຊ່ຽງເໜືອ ຂອງ ສ.ປ. ກົງໂກ່.

 

ສຳຫລັບ ກອງທັບ ອູກັ່ງດາ ແລະ ກົງໂກ ພ້ອມດ້ວຍການອູ້ມຊູ ຂອງ ກອງທັບພາກໃຕ້ ຊູດັ່ງ ນັ້ນ ໄດ້ຮ່ວມກັນ ຕໍ່ສູ້ກັນປາມກຸ່ມກະບົດ ມາ ແຕ່ ເດືອນທັນວາ 2008 ຫາເດືອນ ມິນາ 2009, ແຕ່ກໍຍັງບໍ່ທັນ ສາມາດ ຈັບຕົວ ຫົວໜ້າ ໂຊເຊັບ ໄດ້ເທື່ອ ແລະກໍບໍ່ສາມາດ ບຸກ ໂຈມຕີ ໃຫ້ ຂະບວນການດັ່ງກ່າວນີ້ ແຕກສລາຍໄດ້.

 

ຂະບວນການກະບົດ ກອງທັບຕໍ່ຕ້ານຂອງພຣະເຈົ້າ ນີ້ໄດ້ເພີ້ມ ການບຸກ ທຳຮ້າຍ ປະຊາຊົນ ໃນ ສປ ກົງໂກ່, ໃນ ພາກຕາເວັນອອກ ຂອງ ປະເທດ ຊັງຕັບຟຣິກ ແລະໃນາກໃຕ້ ຊູດັ່ງ.