ວຽດນາມ

ສານສູງສຸດ ຮ້ອງຟ້ອງ ທະນາຍຄວາມ

ໂດຍ ບັນດານ ສີສຸນທອນ B. Sisounthone

ບົດຄວາມນີ້ເຜີຍແຜ່ເມື່ອວັນທີ 24/12/2009 ແກ້ໄຂໃຫມ່ຫລ້າສຸດເມື່ອວັນທີ 24/12/2009 13:08 TU

ທະນາຍຄວາມ ເລ່ ກວງ ດິນ

ຊາວວຽດນາມ 4 ຄົນ ໃນນັ້ນມີ ທະນາຍຄວາມ ເລ່ ກວງ ດິນ ແລະ ຜູ່ສ້າງເຄື່ອຄ່າຍ ແອງແຕກແນດ ທີ່ຖືກຝຶກຫັດໃນປະເທດຝຣັ່ງ ທ່ານ ຫງວນ ຕຽນ ຕຣົ່ງ ຈະຖືກໄຕ່ສວນຄະດີ ໃນຖານ ກໍ່ກວນ ຄວາມວຸ້ນ ວາຍ ໃນປະເທດ ແລະ ອາຈະຖືກຕັດສິນ ປະຫານຊີວິດ ກໍເປັນໄດ້

 

 

ທ່ານ ຫງວນ ຕຽນ ຕຣົ່

 

ໜັງສືພິມ ຖັ່ນ ນ່ຽນ ໄດ້ເຜີຍວ່າ ສານປະຊາຊົນສູງສຸດ ວຽດນາມ ໄດ້ ຕັດສິນໃຈຮ້ອງຟ້ອງ ທ່ານ ເລ່ ກວງ ດິນ, ແລະ ສະມາຊິກ ປ້ອງກັນ ສິດທິມະນຸດ ແລະ ນິຍົມ ປະຕິຮູບລະບອບ ປະຊາທິປະຕັຍ ຄື ທ່ານ ຫງວນ ຕຽນ ຕຣົ່ງ, ທ່ານ ຢິນ ຖູຍ ທຶກ ແລະ ທ່ານ ເລ ທັງ ລ່ອງ ໃນຖານ ໂຄສະນາ ຕ້ານ ພັກ ແລະ ລັດ ຜ່ານເຄືອຄ່າຍ ແອງແຕກ ແນດ.

 

ການໂຄສະນາ ຕ້ານລະບອບ ນັ້ນແມ່ນເປັນຄວາມຜິດຢ່າງມະຫັນ ແລະ ອາດສາມາດ ຖືກຈັບກັກຂັງ ເຖີງ 15 ປີ ເຕັມ.

ສານສູງສຸດ ໄດ້ຕູ່ກ່າວຫາ ທະນາຍຄວາມ ເລ່ ກວງ ດິນ ແລະ ທ່ານ ຫງວນ ຕຽນ ຕຣົ່ງ ວ່າເປັນ ພວກນຳພາການຈັດຕັ້ງ ເຂົ້າຮ່ວມໃນ ກິຈະການ ກໍ່ກວນຄວາມວຸ້ນວາຍ ແລະ ພະຍາຍາມໂຄ່ນລົ້ມ ລະບອບ ປົກຄອງ ແລະຕ້ານ ການປະຕິວັດ ຂອງປະຊາຊົນວຽດນາມ.

ພວກກ່ຽວ ໄດ້ຖືກຈັບກັກຂັງຕິດຕໍ່ກັນມາ ໃນລະຫວ່າງ ເດືອນ ມິຖຸນາ ຫາ ເດືອນ ກໍຣະກະດາ ເປັນຕົ້ນມາ.

 

ສຳນັກງານຂ່າວ ອາແອຟເປ ລາຍງານວ່າ ທາງການຍຸຕິທັມ ລາຍງານ ວ່າ ວັນກຳນົດ ການໄຕ່ສວນຄະດີ ຄາດໃສ່ ວັນທີ 20 ແລະ 21 ມົກະຣາ 2010 ທີ່ເມືອງ ໂຮຈິມິນ

 

ອົງການ ນິຣະໂທສກັມ ຮຽກຮ້ອງໃຫ້ ປ່ອຍຕົວ ພວກ 4 ຄົນ ດັ່ງກ່າວ ນັ້ນ ໂດຍຖືວ່າ ເຂົາເຈົ້າ ເປັນນັກໂທດ ທີ່ມີຄວາມຮູ້ສຶກດີ ຕໍ່ປະເທດ ຊາດ.