ປັນຫາ ອົພຍົບ ລາວ-ມົ້ງ ບ້ານຫ້ວຍນໍ້າຂາວ

ໄທຍເລີ້ມຈັດສົ່ງ ຊຸດສຸດທ້າຍ ກັບ ສປປ ລາວ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 28/12/2009 ແກ້ໄຂໃຫມ່ຫລ້າສຸດເມື່ອວັນທີ 28/12/2009 14:47 TU

ອົພຍົບລາວເຜົ່າມົ້ງຊຸດສຸດທ້າຍ ຖືກນຳສົ່ງກັບ ສປປ ລາວ ໂດຍທາງຣົດຍົນຂົນສົ່ງ ຂອງທາງ ການໄທຍ (ພາບ: Reuters)

ເລີ້ມແລ້ວ ປະຕິບັດການຂອງທາງການໄທຍ ຈັດສົ່ງຊາວອົພຍົບລາວເຜົ່າມົ້ງ
ທີ່ສູນບ້ານຫ້ວຍນໍ້ຂາວ ກັບຄືນ ສປປ ລາວ ເປັນຊຸດສຸດທ້າຍ 4400 ຄົນ ໂດຍ
ຣັຖບານໄທຍໄດ້ຈັດສົ່ງກຳລັງທະຫານແລະ ຕຳຣວດໄປຄວບຄຸມປະຕິບັດການ
ດັ່ງກ່າວ

ລາຍງານຂ່າວແຈ້ງວ່າ ປະຕິບັດການດຳເນີນໄປດ້ວຍດີ ໂດຍບໍ່ມີເຫດການຮ້າຍແຮງໃດໆ
ເກີດຂຶ້ນ

ສຫຣ ອະເມຣິກາ ທີ່ປະຕິເສດບໍ່ຮັບເອົາຊາວມົ້ງໄປຕັ້ງຫລັກແຫລ່ງໃໝ່ ກໍໄດ້ຂໍຮ້ອງເມື່ອ
ວານນີ້ໃຫ້ ທາງການໄທຍຍົກເລີກການຈັດສົ່ງ ແຕ່ຝ່າຍໄທຍກໍບໍ່ຟັງສຽງ

ໃນທຳນອງຄ້າຍຄືກັນ ອົງການຂ້າຫລວງໃຫຍ່ສະຫະປະຊາຊາດ ກໍໄດ້ຂໍຮ້ອງໃຫ້ທາງການ
ໄທຍ ພິຈາຣະນາບາງກໍຣະນີທີ່ອາດເປັນອົພຍົບການເມືອງ ແຕ່ກໍບໍ່ໄດ້ຜົນຄືກັນ

ທາງ ສຫພຢຸໂຣບ ກໍຕົກຕະລຶງ ອອກມາສະແດງຄວາມຫ່ວງໃຍ ເຫັນວ່າເປັນການຂັດຕໍ່
ສົນທິສັນຍາສາກົນກ່ຽວກັບອົພຍົບການເມືອງ

ນອກຈາກນີ້ ສຫພ ຢຸໂຣບ ຍັງອອກຖແລງການຮຽກຮ້ອງໃຫ້ທາງການໄທຍ ພິຈາຣະນາ
ຄືນໃໝ່ກໍຣະນີ 158 ຊາວມົ້ງລາວ ທີ່ສູນໜອງຄາຍ ທີ່ອົງການຂ້າຫລວງໃຫຍ່ສະຫະປະ
ຊາຊາດເພື່ອຊາວອົພຍົບ ໄດ້ຮັບຮູ້ຖານະລີ້ໄພການເມືອງໃຫ້ແລ້ວ

ທາງດ້ານນາຍົກ ຣມຕ ໄທຍ ທ່ານອະພິສິດ ເວຊຊາຊີວະ ໄດ້ກ່າວໃນມື້ນີ້ວ່າ ຖ້າຕ່າງປະ
ເທດຈະຮັບເອົາຊາວອົພຍົບລາວເຜົ່າມົ້ງ ໄປຕັ້ງຫລັກແຫລ່ງໃໝ່ ກໍສາມາດໄປຕິດຕໍ່
ແລະຕົກລົງກັບຣັຖບານລາວເອົາເອງ