ປະເທດໄທ

ເກີດວິນາສກັມ 2 ຄັ້ງ ຮັບນາຍົກ ທີ່ ຍະລາ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 07/01/2010 ແກ້ໄຂໃຫມ່ຫລ້າສຸດເມື່ອວັນທີ 07/01/2010 14:53 TU

ນາຍົກໄທ ທ່ານ ອະພິສິດ ເຊຊາຊິວະ ສແດງການຂອບໃຈແກ່ ປະຊາຊົນໄທ ມຸສລິມ ທີ່ມາໃຫ້ການຕ້ອນຮັບ ຮ/ຣຕ

ໃນໂອກາດ ທີ່ ທ່ານ ອະພິສິດ ເວຊຊາ ຊິວະ ນາຍົກໄທ ເດີນທາງໄປໄຂ ສາຍ ທາງ 418 ອັນ ເປັນຖນົນ ໄປ-ມາ ລະ ຫວ່າງ ປັຕຕະນີ/ຍະລາ ໃນມື້ນີ້ ກໍ ໄດ້ ເກີດມີການ ກໍ່ວິນາສກັມ ຂື້ນ ທີ່ຍະລາ ຊຶ່ງ ອີງຕາມທາງການແລ້ວ ກໍ ມີນື່ງຄົນ ໄດ້ເສັຍຊີວິດໄປ ແລະ ບາດເຈັບນື່ງຄົນ

ເຈົ້າໜ້າທີ່ ໃຫ້ ຄວາມອາຮັກຂາ ນາຍົກ ຢ່າງເຄັ່ງຄັດ ໃນໂອກາດ ການໄຂ ໃຊ້ຖນົນ 418 ລະຫວ່າງ ຍະລາ-ປັຕຕະນີ ເປັນທາງການໃນມື້ນີ້ ຮ/ຣຕ

ທາງການ ໄດ້ໃຫ້ທັສນະວ່າ ຄົນຮ້າຍ ໄດ້ລອບວາງລະເບີດ ກ່ອນແລ້ວ ດັ່ງນັ້ນ ຈື່ງໄດ້ມີການລະເບີດຂື້ນ ກ່ອນ ທີ່ຈະໄດ້
ມີພິທີ ໄຂ ເປັນທາງ ການພຽງ 1 ຊົ່ວໂມງ

ລະເບີດ ລູກທຳ ອິດແມ່ນ ແຕກຂື້ນ ທີ່ສາຍທາງ ໄກປະມານ
100 ແມດ ອັນເປັນຫົນທາງທີ່ ນາຍົກໄທ ຈະຕ້ອງຜ່ານໄປ
ຍັງ ເມືອງ ຍະລາ ໃນເຂດ ໃຕ້ ຂອງ ປະເທດໄທ ພາໃຫ້ ມີ ເຈົ້າໜ້າທີ່ ຜູ່ນື່ງ ບາດເຈັບ

ລູກ ທີ່ ສອງ ແມ່ນ ໄກ ຈາກ ບ່ອນທຳອິດ ປະມານ 2 ຫລັກ
ໃກ້ກັບ ສາລາ ທີ່ພັກນັກຮຽນ ເຮັດໃຫ້ ອາສາສມັກ ຜູ່ນື່ງ
ເສັຍ ຊີວິດໄປ

ສ່ວນຈຸດທີ່ ສາມ ເຈົ້າໜ້າທີ່ ໄດ້ເຜີຍ ວ່າ ໄດ້ພົບ ລະເບີດ
ອີກ ອັນນື່ງໜັກ ປະມານ 5 kg  ທີ່ ເຊື້ອງຊ້ອນ ໄວ້ ອີກ

ທຸກລູກລະເບີດນັ້ນ ແມ່ນສາມາດ ຖືກຈຸດຊນວນ ດ້ວຍໂທ ຣະສັບມືຖື ເຈົ້າໜ້າທີ່ ໄດ້ ເຣັດການສັນນິຖານວ່າ ມັນ ເປັນ
ການ ກໍເຫດ ເພື່ອສ້າງ ສຖານະການ ຕ້ອນຮັບ ນາຍົກ
ອະພິສິດ ແລະຢາກສແດງ ວ່າເຂົາເຈົ້າ ມີການເຄື່ອນ
ໄຫວຢູ່