ປະເທດຂເມນ

ປະທານພັກ ປຊກ ເຕືອນ ສານສາກົນ ໃສ່ກຸ່ມຂເມນແດງ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 07/01/2010 ແກ້ໄຂໃຫມ່ຫລ້າສຸດເມື່ອວັນທີ 07/01/2010 15:50 TU

ທ່ານ ເຈັຍ ຊີມ ປະທານ ຣັຖສພາຂເມນ ແລະປະທານພັກ ປະຊາຊົນກຳພູເຈັຍ ຮ/ກກ

ວັນທີ່ 7 ມົກຣາ ເປັນ ວັນສຳຄັນ
ໃນປະ ວັດສາດ ສຳລັບ ພັກ ປະ
ຊາຊົນກຳພູຊາ ເພາະ ເປັນວັນ
ທີ່ ອຳນາດຂເມນແດງ ໄດ້ ຕົກ
ໄປ ຫາກ ແຕ່ວ່າ ສຳລັບ ຝ່າຍ
ຄ້ານ ແມ່ນ ເປັນ ວັນຄອບຄອງ
ປະເທດ ຈາກ ວຽດນາມ

ການສລອງຄົຍຮອບ 31 ປີ ຂອງການ ໂຄ່ນລົ້ມ ການປົກຄອງຂອງ ຂເມນແດງ ຮ / ກຳໂພສຊົວ

ຊ້ອງໜ້າສະມາຊິກພັກ ປະມານ 7000 ຄົນ ໃນ ມື້ນີ້ ທ່ານ ເຈັຍ ຊິມ ປະທານ ພັກ ປະຊາຊົນ ກຳພູຊາ ແລະ ປະທານ ສະພາສູງ ຂອງ ຣາຊອານາຈັກ ກຳພູຊາ ໄດ້ ກ່າວວ່າ ສານສາກົນ ທີ່ ໄດ້
ມີ ການແຕ່ງຕັ້ງ ແລະ ໄດ້ ປະຕິບັດໜ້າ ທີ່ມາແລ້ວກ່ຽວກັບ
ການ ຟ້ອງຮ້ອງ ໃສ່ ອະດິດ ຜູ່ນຳຂເມນແດງ ເຊັ່ນ ແກ໊ງ ເກ໊ກ ອ໋ຽວ ຫລື ດຸ໊ກ ນັ້ນ ບໍ່ມີ ໜ້າທີ່ໆ ຈະ ແຊກແຊງ ບັນຫາ ພາຍໃນ ຂອງ ປະເທດ

ທ່ານ ເຈັຍ ຊີມ ໄດ້ ກ່າວເນັ້ນ ອີກວ່າ ພັກຂອງທ່ານ ແມ່ນຈະ ຄັດຄ້ານ ທຸກຢ່າງ ທີ່ ມີເຈຕນາໝູນໃຊ້ ສານສາກົນ ສຖາບັນ
ອັນນີ້ ໃຫ້ ເປັນ ທີ່ ກະທົບໃສ່ ຄວາມ ສງົບ ກ່ານປອງດອງຊາດ
ແລະ ການ ພັທນາ ຂອງປະເທດ ອັນຊື່ງໄດ້ ມາ ຢ່າງລຳ ບາກ ທີ່ສຸດ

ສານສາກົນ ພິເສດນີ້ ທີ່ ໄດ້ຖືກຈັດຕັ້ງຂື້ນມາ ກໍ ແມ່ນ ມີ ໜ້າທີ່ ຕັດນີນຄວາມ ໃສ່ອະດີດ ຜູ່ນຳຂເມນແດງ ຊື່ງ ເປັນ ສຖາບັນ
ທີ່ ມີ ໜ້າທີ່ ໜັກແທ້ ເພື່ອ ໃຫ້ ເກີດ ມີ ຄວາມຍຸຕິທັມ ແກ່ ຊົນ ຂເມນແດງ ເກືອບ 2 ລ້ານຄົນ ທີ່ໄດ້ ສັງຫານ ຢ່າງ ໂຫດ ແລະ ປ່າເຖື່ອນ ໃນລະຫວ່າງ ປີ 1975 ຫາ 1979

ໃນຈຳນວນຕຸລາການສາກົນນີ້ ກໍ ມີ ບາງທ່ານ ທີ່ ໄດ້ພຍາຍາມ ຈະຟື້ນເອົາໂທດ ໃສ່ກຸ່ມ ຂເມນແດງ ຫລາຍຄົນ ແຕ່ ຣັຖບານ
ຮຸນ ເຊນ ໄດ້ ສກັດກັ້ນໄວ້ ອິງຕາມ ນາຍົກ ຂເມນ ກ່ອນທີ່ ຈະ
ມີ ການ ສລອງ ວັນດັ່ງກ່າວ ໃນ ມື້ນີ້ ກໍ ໄດ້ ມີ ການ ຫວ່ານ ໃບ
ປີວ ຖືກພິມ ສົ່ງໄປຈາກ ປະເທດໄທ ແລະ ມີ ການ ສົ່ງເມລ ຜ່ານ ເຄືອຂ່າຍ ແອ່ງແຕກແນຕ ກ່າວຫາ ວ່າ ວັນທີ່ 7 ມົກຣາ 1979 ເປັນວັນ ເລີ່ມຕົ້ນ ໃນ ການຍຶດຄອງປະເທດ ຈາກ ວຽດນາມ