ອີຣານ - ນິວຄະເລັຍ

ປະທານອີຣານ ທ້າທາຍ ຊາວໂລກ ເທື່ອໃໝ່

ບົດຄວາມນີ້ເຜີຍແຜ່ເມື່ອວັນທີ 02/12/2009 ແກ້ໄຂໃຫມ່ຫລ້າສຸດເມື່ອວັນທີ 02/12/2009 11:18 TU

ທ່ານມັດມຸດ ອັດມາດິນເນຊັດ, ປະທານອີຣານ

ທ່ານມັດມຸດ ອັດມາດິນເນຊັດ ຢັ້ງຢືນວ່າ ໄດ້ອະນຸຢາດ ໃຫ້ເລີ້ມ ບຸກເບີກ ກໍ່ສ້າງ ສູນກາງ ກັ່ນທາດພລັງງານ ນິວຄະເລີຍ ຕື່ມອີກ ສີບແຫ່ງ. ທ່ານປະທານ ປະເທດອີຣານ ໄດ້ກ່າວວ່າ "ຜູ່ໃດ ທີ່ຮຸກຮານ ປະເທດອີຣານ ຈະມີຄວາມເສັຍໃຈ ທີ່ໄດ້ປີ່ນປາຍປີນ ມາໃສ່"

ປະທານອີຣານ ທ້າທາຍ ຊາວໂລກ ເທື່ອໃໝ່

ທ່ານມັດມຸດ ອັດມາດິນເນຊັດ ຢັ້ງຢືນວ່າ ໄດ້ອະນຸຢາດ ໃຫ້ເລີ້ມ ບຸກເບີກ ກໍ່ສ້າງ ສູນກາງ ກັ່ນທາດພລັງງານ ນິວຄະເລີຍ ຕື່ມອີກ ສີບແຫ່ງ. ທ່ານປະທານ ປະເທດອີຣານ ໄດ້ກ່າວ ຜ່ານໂທຣະພາບ ຂອງທາງການວ່າ "ຜູ່ໃດ ທີ່ຮຸກຮານ ປະເທດອີຣານ ຈະມີຄວາມເສັຍໃຈ ທີ່ໄດ້ປີ່ນປາຍປີນ ມາໃສ່" ພ້ອມຍັງເວົ້າວ່າ "ຈະບໍ່ມີ ການເຈຣະຈາ ໃດໆຕື່ມອີກແລ້ວ"
ທ່ານວ່າ : "ເຣື່ອງທັງໜົດນີ້ ແມ່ນແກ້ໄຂ ກັນແລ້ວ". ທ່ານປະທານ ອັດມາດິນເນຊັດ ຍັງໄດ້ປະນາມ ການກົດດັນ ຮອບດ້ານ ຈາກທາງສາກົນ ພ້ອມທັງ ຖແລງຕື່ມອີກວ່າ " ອັນທີ່ ເວົ້າວ່າ ປິດລ້ອມ ໃຫ້ອີຣານ ຢູ່ແບບໂດດດ່ຽວ ນັ້ນແມ່ນ ສົງຄາມ ຈິດຕະວິທຍາ ຂອງ ຝ່າຍຕາເວັນຕົກ ແລະ ວ່າ ຈະບໍ່ມີ ປະເທດໃດ ອາດສາມາດ ປິດລ້ອມ ປະເທດອີຣານໄດ້.
ທັງໝົດນີ້ແມ່ນ ຄຳຕອບ ຂອງອີຣານ ຕໍ່ການຂົ່ມຂູ່ ຈາກທາງສາກົນ ແລະຈາກທາງຣັດເຊັຍ ວ່າຈະວາງ ມາດຕະການ ປິດລ້ອມ ຂວ້າມບາດ ປະເທດອີຣານ ຫລັງຈາກ ທີ່ບໍ່ປະຕິບັດ ຕາມຂໍ້ມະຕິ ຂອງ ອົງການ ສາກົນ ກວດກາ ພລັງງານ ນິວຄະເລັຍ.