ກັມປູເຈັຍ - ໄທ

ຈັບອາວຸດເຖື່ອນ ໃນຂນະທີ່ ທ່ານທັກສິນ ເດີນທາງ ຮອດພນົມເປັນ

ບົດຄວາມນີ້ເຜີຍແຜ່ເມື່ອວັນທີ 13/12/2009 ແກ້ໄຂໃຫມ່ຫລ້າສຸດເມື່ອວັນທີ 13/12/2009 14:36 TU

ເຣືອບິນ ຂົນສົ່ງ ຂອງປະເທດຈອກເຈັຍ ຖືກຕຳຣວດ ແລະທະຫານໄທ ຫູ້ມລ້ອມໄວ້ ຈັບອາວຸດເຖືອນ ຂົນຈາກ ສປປ ເກົາຫລີ 35 ໂຕນ, ເມື່ອ ວັນທີ່ 12 ທັນວາ 2009 (Reuters)

ທາງການຂອງ ປະເທດໄທ ວ່າໄດ້ຈັບ ອາວຸດເຖື່ອນ ໄດ້ 35ໂຕນ ທີ່ຂົນ ມາແຕ່ ປະເທດ ສປປ ເກົາຫລີ ໂດຍເຮືອບິນ ຂົນສົ່ງ ທີ່ຈົດທະບຽນ ຢູ່ປະເທດ ຈອກເຈັຍ ແຕ່ວ່າ ຄົນຂັບຍົນ ແລະລູກເຮືອ ແມ່ນຄົນ ສັນຊາດ ເບຍລາຣຸດ ແລະ ກາຊັກສຖານ

ທາງການຂອງ ປະເທດໄທ ວ່າໄດ້ຈັບ ອາວຸດເຖື່ອນ ໄດ້ 35ໂຕນ ທີ່ຂົນ ມາແຕ່ ປະເທດ ສປປ ເກົາຫລີ ໂດຍເຮືອບິນ ຂົນສົ່ງ ທີ່ຈົດທະບຽນ ຢູ່ປະເທດ ຈອກເຈັຍ ແຕ່ວ່າ ຄົນຂັບຍົນ ແລະລູກເຮືອ ແມ່ນຄົນ ສັນຊາດ ເບຍລາຣຸດ ແລະ ກາຊັກສຖານ.
ອາວຸດເຖື່ອນ 35 ໂຕນ ປະກອບມີ ລູກສອນໄຟ ປ.ຕ.ອ ຈະຣວດ ປ້ອງກັນອາກາດ ແລະ ກະສຸນປືນ ຫລາຍປະເພດ.
ເຮືອບິນ ລຳນີ້ ໄດ້ບິນລົງ ຈອດແວະຊົ່ວຄາວ ຢູ່ສນາມບິນ ດອນເມືອງ ເພື່ອເຕີມນ້ຳມັນ ຫາກແຕ່ວ່າ ທາງການ ຂອງປະເທດໄທ ໄດ້ຮັບການແຈ້ງຄວາມ ຈາກ ສາຍລັບ ຂອງອະເມຣິກັນ ບອກວ່າ ສົງສັຍ ເຣືອບີນ ລຳນີ້ ຂົນອາວຸດເຖືອນ ຈື່ງໄດ້ ຂື້ນໄປກວດຄົ້ນ ແລ້ວ ໄດ້ພົບ ອາວຸດ ດັ່ງກ່າວ ທັງໝົດປະມານ 35 ໂຕນ.
ກັບຕັນເຣືອບິນ ລຳນີ້ ໄດ້ມີໜັງສືແຈ້ງວ່າ ຂົນສົ່ງ ພັດສະດຸ ກໍ່ສ້າງ ແລະຂຸດນ້ຳມັນ. ອອກຈາກ ດອນເມືອງ, ປະເທດໄທ, ວ່າ ມີໝາຍກຳນົດ ບິນໄປ ປະເທດ ສຣີລັງກາ
ແຕ່ເຈົ້າໜ້າທີ່ ຂອງໄທ ສົງສັຍວ່າ ທີ່ແທ້ຈິງ ອາດຂົນສົ່ງ ອາວຸດໄປ ປາກິສຖານ. ທາງການໄທ ແຈ້ງວ່າ ການຈັບກຸມ ໄດ້ເທື່ອນີ້ ແມ່ນ ປະຕິບັດ ຕາມມະຕິ ຂອງອົງການ ສະຫະປະຊາຊາດ ທີ່ຫ້າມ ສປປ ເກົາຫລີ ຂາຍອາວຸດ ອອກໄປ ຕ່າງປະເທດ.
ອີກດ້ານນຶ່ງ ບໍ່ມີຫຍັງ ກ່ຽວຂ້ອງກັນ, ທ່ານທັກສິນ ສິນນະວັດ, ອະດິດ ນາຍົກຣັຖມົນຕຣີໄທ ໄດ້ເດີນທາງ ໄປຮອດ ພນົມເປັນ ອີກເທື່ອໃໝ່ ໃນມື້ ວັນອາທິດ 13 ທັນວານີ້.

ທ່ານຫຸ່ນເຊນ, ນາຍົກກັມປູເຈັຍ ແລະທ່ານທັກສິນ, ອະດິດນາຍົກໄທ ທີ່ເດີນທາງ ມາຮອດ ພນັມເປັນ ມື້ວັນທີ່ 13 ທັນວາ ນີ້ (reuters)

ການເດີນທາງ ໄປຢ້ຽມຢາມ ພນັມເປັນ ເມື່ອເດືອນກ່ອນ ກໍ່ໄດ້ເຮັດໃຫ້ ເກີດວິວາດ ທາງດ້ານການທູດແລ້ວ ລະຫວ່າງ ປະເທດໄທ ແລະ ກັມປູເຈັຍ ຈົນໄດ້ມີ ການເອີ້ນທູດຂອງຕົນ ກັບຄືນປະເທດ.

ຣັຖບານໄທ ໄດ້ທວງໃຫ້ ຂເມນຈັບທ່ານ ທັກສິນ ສົ່ງກັບໄປໄທ. ນອກຈາກ ບໍ່ຂານຕອບແລ້ວ ທ່ານຫຸ່ນເຊນ, ນາຍົກ ຂອງຂເມນ ຍັງໄດ້ ແຕ່ງຕັ້ງ ໃຫ້ທ່ານທັກສິນ ເປັນທີ່ປຶກສາ ທາງດ້ານເສຖກິດອີກ ເປັນການທ້າທາຍ ໃສ່ຣັຖບານໄທຕື່ມ