ງານມະຫາກັມ ສາກົນ ພາພຍົນອາຊີ ທີ່ກຸງໂຣມ

ຄົນລາວຄົນທຳອິດ ເປັນປະທານ ກຳມະການ ຕັດສີນເລືອກ ພາພຍົນດີເດ່ນ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 17/12/2008 ແກ້ໄຂໃຫມ່ຫລ້າສຸດເມື່ອວັນທີ 18/12/2008 15:30 TU

ແກ້ວປຣະສິດ ສຸວັນນະວົງສ໌ ແລະ Italino Spinelli ປະທານຈັດ ງານມະຫາກັມ ສາກົນ ພາພຍົນອາຊີ ທີ່ກຸງໂຣມ ປະເທດອີຕາລີ ປີທີ ໙

ສາຣະຄະດີພິເສດ ຂອງພວກເຮົາ
ໃນມື້ນີ້ ແມ່ນ ການໃຫ້ສຳພາດ
ຂອງ ແກ້ວປຣະສິດ ສຸວັນນະວົງສ໌
ຊື່ງອະດີດ ເຄີຍເປັນນັກຂ່າວວິທະ
ຍຸສາກົນ ຜແນກພາກພາສາລາວ
ຂອງພວກເຮົາ ປັດຈຸບັນ ໄປຮັບ
ໜ້າທີ່ ຮອງຫົວໜ້າຜແນກ
Multimédia ເຄື່ອຄ່າຍອີນແຕກ
ແນດຕ໌ ເປັນພາສາຝຣັ່ງ. ລ້າສຸດ
ນີ້ ແກ້ວປຣະສິດ ສຸວັນນະວົງສ໌ ໄດ້ກາຍເປັນ ຄົນລາວຄົນທຳອິດ
ທີ່ກ້າວເຂົ້າຂັ້ນສາກົນ ໃນວົງການພາພຍົນ ດ້ວຍການໄດ້ຖືກເຊື້ອ
ເຊີນ ໃຫ້ເປັນ ປະທານຄນະ ກັມມະການ ຕັດສີນເລືອກ ພາພຍົນ
ດີເດ່ນປະຈຳປີ ຂອງງານມະຫາກັມ ສາກົນ ພາພຍົນອາຊີ ທີ່
ກຸງໂຣມ ປະເທດອີຕາລີ. ເຊີນທ່ານຮັບຟັງ ການໃຫ້ສຳພາດ ແລະ
ຊົມພາບ ແຫ່ງກຸງໂຣມ

ເຊີນກລິກຟັງ ຢູ່ລຸ່ມນີ້

ພາບທັງໝົດນີ້ ແມ່ນຈາກການ ເອື້ອເຟື້ອ ຂອງ ແກ້ວປຣະສິດ ສຸວັນນະວົງສ໌

ໂຮງພາພຍົນ ແຫ່ງໜື່ງ ໃນກຸງໂຣມ ທີ່ບັນດາ ກຳມະການ ຊົມພາພຍົນ ຫຼາຍສີບເລື່ອງ ກ່ອນຈະໄດ້ ພິຈາຣະນາ ຂັດເລືອກ ເອົາພາພຍົນດີເດ່ນ ປະຈຳປີ ຊື່ງປີນີ້ໄດ້ແກ່ ພາພຍົນສອງເລື່ອງສເມີກັນ ຈາກປະເທດ ຍີ່ປຸ່ນແລະ ກ໊ຽກກີສະຖານ

 

ແກ້ວປຣະສິດ ສຸວັນນະວົງສ໌ ແລະ "ມາຣັດ ຊາຣູລູ" ນັກກຳກັບການສແດງ ພາພຍົນ ເລື່ອງ "Songs from the southern seas" ຈາກ ປະເທດ ກ໊ຽກກີສະຖານ ທີ່ຖືກເລືອກ ເປັນພາພຍົນດີເດ່ນ ປະຈຳປີ ຂອງງານ ສເມີກັບ ພາພຍົນ ຈາກ ປະເທດຍີ່ປຸ່ນ

ຕລອດໄລຍະ ງານມະຫາກັມ ກວ່າ ໜື່ງສັບປະດາ ແກ້ວປະສິດ ເອົາເວລາຫວ່າງ ນຳເອົາພາບ ອັນສວຍງາມ ແລະມີຄວາມໝາຍ ຂອງກຸງໂຣມ ມາຝາກ ນຳພ້ອມ

ນ້ຳພຸ "Fontaine de TREVI" ບູຮານສະຖານ ທີ່ໂດ່ງດັ່ງອີກແຫ່ງໜື່ງ ຂອງກຸງໂຣມ ເພາະນອກຈາກ ຍ້ອນຄວາມສວຍງາມ ແຫ່ງສີໄມ້ລາຍມື ຂອງສີລະປີນ ອີຕາລີ ແລ້ວ ນ້ຳພຸແຫ່ງນີ້ ຍັງເປັນທີ່ນິຍົມ ຂອງນັກສ້າງພາພຍົນ ດັງໆ ມາເອົາເປັນສາກການ ຖ່າຍທຳ. ໂດຍສະເພາະ ທີ່ເປັນທີ່ຈັບຕາ ແລະຈັບໃຈ ທີ່ສຸດ ກໍແມ່ນໃນພາພຍົນ ຂອງນັກສ້າງດັງ Fellini ເລື່ອງ "La Dolce Vita". ວ່າກັນວ່າ ຖ້າໄປທ່ຽວ ອີຕາລີ ແລ້ວບໍ່ໄດ້ຊົມ "Fontaine de TREVI" ບູຮານສະຖານ ທີ່ໂດ່ງດັ່ງ ແຫ່ງນີ້ ກໍຄືກັນກັບ ບໍ່ໄປຮອດກຸງໂຣມ.

 

ຕໍ່ໜ້າ ຊາກບູຮານສະຖານ ເກົ່າແກ່ ກວ່າ ໒໐໐໐ ປີ ຂອງກຸງໂຣມ ອີກແຫ່ງໜື່ງ