ໂຄງການ ຈັດງານມະຫາກັມ ຂັ້ນສາກົນ ຢູ່ວຽງຈັນທ໌

ໂດຍນັກເຕັ້ນຟ້ອນ ລາວຈາກຝຣັ່ງ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 09/01/2009 ແກ້ໄຂໃຫມ່ຫລ້າສຸດເມື່ອວັນທີ 12/01/2009 16:02 TU

ຄໍາຂວັນໂຄສະນາ ການສແດງ ທີ່ ໂອເລ ໄດ້ຮ່ວມສແດງ ຢູ່ທີ່ La Villette ນະຄອນຫຼວງ ປາຣີສ໌ ປີ ໒໐໐໗
(ພາບ : Pascal Colat)

ໂອເລ ຄຳຈັນລາ ປັດຈຸບັນ ອາຍຸ
໒໙ ປີ ເປັນສີລປີນ ມືອາຊີບ ໃນ
ການສແດງເຕັ້ນຟ້ອນ ຊ່ຽວຊານ
ເຕັ້ນ ຮິ໊ບຮ໊ອບ "hip hop" ມີຜົນ
ງານການສແດງ ເປັນທີ່ຮູ້ຈັກ
ໃນວົງການ ທີ່ປະເທດຝຣັ່ງ ເປັນ
ຢ່າງດີ. ເປັນສີລປີນທີ່ ມີຫົວຄິດ
ປະດິດສ້າງ ປັບປຸງສີລປະການ
ຟ້ອນ ຈົນເຖີງຂັ້ນໄດ້ ເປັນອາ
ຈານສອນແລ້ວ. ຫົວຄິດປະດິດສ້າງ ອັນລ້າສຸດ ຂອງເຂົາ ໄດ້ແກ່
ໂຄງການ ຈັດງານສແດງໂຊ ເຕັ້ນຟ້ອນ ຮິ໊ບຮ໊ອບ "hip hop"
ຂັ້ນສາກົນ ໃຫ້ເປັນງານສາກົນ ປະຈໍາປີ ທີ່ ປະເທດລາວ ແຜ່ນດີນ
ບ້ານເກີດ. ກ່ຽວກັບໂຄງການ ດັ່ງກ່າວ ໂອເລ ກໍກໍາລັງວີ້ງເຕັ້ນ
ຢູ່ພື້ນທີ່ ຊື່ງພວກເຮົາໄດ້ມີ ໂອກາດ ໂທຣະສັບ ໄປສໍາພາດ.

ຊື່ງພວກເຮົາ ຂໍເຊີນທ່ານຮັບຟັງ ໂດຍກລິກຟັງໄດ້ ຢູ່ລຸ່ມນີ້

ໂອເລ ຄຳຈັນລາ ໃນທ່າເຕັ້ນຕ່າງໆ ຂອງການເຕັ້ນ ສຕ໊າຍ ຮິ໊ບຮ໊ອບ "hip hop" ໄດ້ເອົາທ່າຟ້ອນ ນາຕສີລແບບ ລາວໆ ເຂົ້າປະສົມປະສານ ເບີ່ງແລ້ວ ແມ່ນສວຍງາມ ໃນລີລາຍີ່ງ. ຊາວຕາເວັນຕົກ ແລະໂດຍສະເພາະ ສື່ມວນຊົນ ຂອງຝຣັ່ງ ໄດ້ນຳໄປລົງຂ່າວ ຕ່າງກໍສັນລະເສີນ ຄວາມສາມາດ ໃນລີລາການເຕັ້ນຟ້ອນ ຂອງເຂົາ ໂອເລ ຄໍາຈັນລາ ເປັນສີລປີນ ທີ່ຝືກຝົນ ຮຽນຮູ້ຕລອດ ເວລາ ການເຕັ້ນແລະຟ້ອນຂອງເຂົາ ຈື່ງລັກສນະ ພິເສດ ເປັນການເຕັ້ນແລະຟ້ອນ ປະສົມປະສານ ວິທີແລະທ່າຟ້ອນ ແບບປຣາສຈາກພົມແດນ. ນອກຈາກການເຕັ້ນ "ຮິ໊ບຮ໊ອບ" ແລ້ວ ໂອເລ ຄຳຈັນລາ ຍັງໄດ້ຝືກຝົນ ການເຕັ້ນ ກາໂປເອ່ຣ້າ "Capoeïra" ແຫ່ງບເຣ່ຊີນລ໌ ແລະສີລປະເຕັ້ນ ບູໂຕ໊ະ "Butô" ຂອງປະເທດ ຍີ່ປຸ່ນ ແລ້ວຈື່ງຫັນມາ ສືກສາ ຄົ້ນຄົ້ວ ການຟ້ອນນາຕສີລລາວ.

 

 

ຮູບທັງໝົດນີ້ ແມ່ນຈາກການ ເອື້ອເຟື້ອ ຂອງ ເອ່ຣິກ ເລີ່ກຣັງດ໌
Eric Legrand

ໂອເລ ຄຳຈັນລາ ປັດຈຸບັນ ອາຍຸ ໒໙ ປີ ເປັນສີລປີນ ມືອາຊີບ ທີ່ຖືກຮັບຮູ້ ເຖີງຄວາມສາມາດ ໃນລີລາການເຕັ້ນແລະຟ້ອນ ໄດ້ຕັ້ງຄນະເຕັ້ນ ຄນະເປັນຂອງຕົນເອງຮ່ວມ ກັບໝູ່ຮ່ວມອາຊີບ ກາຣີມ ອໍ່າກ໊າກ ຕັ້ງຊື່ຄນະວ່າ ອັກກ໊ອກດ໌ "A'corps" ທີ່ເມືອງ Valence ພາກໄຕ້ຂອງປະເທດຝຣັ່ງ ທີ່ ໂອລາ ຄຳຈັນລາ ພໍານັກອາສັຍ ຢູ່ຕັ້ງແຕ່ມາຮອດ ປະເທດຝຣັ່ງ. ໂອເລ ຄຳຈັນລາ ເຊື້ອຊາດລາວ ອົພຍົບພ້ອມກັບຄອບຄົວ ມາຢູ່ຝຣັ່ງ ເມື່ອເຂົາ ອາຍຸໄດ້ ພຽງແຕ່ສອງຂວບ.