ສປປລາວ/ວັທະນາທັມ

ສົ່ງຄນະໝໍລຳ ມາຝຣັ່ງ

ໂດຍ ສຸກວິໄລ ຊ. Soukvilay S.

ບົດຄວາມນີ້ເຜີຍແຜ່ເມື່ອວັນທີ 12/03/2009 ແກ້ໄຂໃຫມ່ຫລ້າສຸດເມື່ອວັນທີ 12/03/2009 13:10 TU

ຕອນນີ້  ວົງວິໄລ ໂອພີມສັກດາ 
ກ້ຽວກັບ ໝໍລຳຊາຍ ສຸຣິຍາ ຟ້າສວ່າງ
ແລະ ໝໍແຄນ ຄຳສວນ ວົງທອງຄຳ
(ພາບ : MCM/M-N.ROBERT)

ເມື່ອຄໍ່າຄືນ ຂອງວັນທີ ໑໐ ແລະ
໑໑ ມີນາຜ່ານມານີ້ຄນະ ໝໍລຳ
ໝໍແຄນ ໖ ທ່ານ ນຳໂດຍໝໍແຄນ
ຄຳສວນ ວົງທອງຄຳ ໄດ້ຮັບການ
ອຸປະຖັມ ແລະຖືກເຊື້ອເຊີນ ຈາກ
ສູນວັທະນາທັມຝຣັ່ງ ໃຫ້ມາ
ໂຊສແດງ ຢູ່ນະຄອນຫຼວງປາຣີສ໌.
ທາງວິທະຍຸຝຣັ່ງ ສາກົນ ພາກ
ພາສາລາວ ຂອງພວກເຮົາ ໄດ້
ໄປຟັງແລະຊົມ ຢູ່ກັບສະຖານທີ່ ມີໂອກາດ ໄດ້ສຳພາດ ສີລປີນ ໔
ທ່ານ ຄື : ໝໍແຄນ ຄຳສວນ ວົງທອງຄຳ, ໝໍລຳ ບຸນຖອງ
ແກ້ວບົວລາ, ໝໍລຳ ແດນສວັນ ຈັນທະຄາດ ໝໍລຳ ຝ່າຍຍີງ
ວົງວິໄລ ໂອພີມສັກດາ.
ພວກເຮົາຂໍເຊີນ ທ່ານຮັບຟັງ ຕາມອັນດັບ ມີດັ່ງຕໍ່ລົງໄປນີ້.

ເຊີນກລິກຟັງ ຢູ່ລຸ່ມນີ້

 

ໝໍລຳ ແດນສວັນ ຈັນທະຄາດ ແລະໝໍແຄນ ວິຣະພັນ ພົມມະຈັກ
(ພາບ : MCM/M-N.ROBERT)

 

ຕອນໜື່ງ ຂອງການສແດງ ທີ່ ສູນວັທະນາທັມ ນາໆຊາດ ຢູ່ນະຄອນຫຼວງ ປາຣີສ໌. ນັ່ງຢູ່ຂ້າງໝໍແຄນ ອາຈານ ບຸນຖອງ ແກ້ວບົວລາ ນັ່ງຟັງ ເພື່ອນໝໍລຳ ໂອ່ຕອບກັນ ຢູ່ເທີງເວທີ (ພາບ : MCM/M-N.ROBERT)

    ນອກຈາກນີ້ ພວກເຮົາຂໍມອບ ເປັນຂອງຂວັນຂັບກ່ອມ ດ້ວຍສຽງຂັບລຳ "ລຳໂສມ" ທີ່ອາຈານ ບຸນຖອງ ແກ້ວບົວລາ ໄດ້ອະທິບາຍ ເຖີງປວັດ ຄວາມເປັນມາ ໃນພາກການສຳພາດ. ເປັນການຂັບລຳ ຂອງ ອາຈານ ບຸນຖອງ ແກ້ວບົວລາ ທີ່ອັດຢູ່ໃນ ຊີດີ ທີ່ມີຈຳໜ່າຍ ທີ່ສູນວັທະນາທັມຝຣັ່ງ ທີ່ປາຣີສ໌.

ເຊີນກລິກຟັງ ຢູ່ລຸ່ມນີ້

 

ທີ່ລະລຶກ ຫຼັງການສແດງ. ຈາກຊ້າຍຫາຂວາ : ໝໍລຳ ສຸຣິຍາ ຟ້າສວ່າງ, ແດນສວັນ ຈັນທະຄາດ, ວົງວິໄລ ໂອພີມສັກດາ, ໝໍແຄນ ຄຳສວນ ວົງທອງຄຳ, ໝໍລຳ ບຸນຖອງ ແກ້ວບົວລາ ແລະ ວິຣະພັນ ພົມມະຈັກ ໝໍແຄນນຸ່ມ ເຈົ້າຂອງສຽງແຄນ ທີ່ແໜ້ນແລະຈັ້ນ ບໍ່ແພ້ລຸ້ນອ້າຍ
(ພາບ : ສຸກວິໄລ ຊ.)

ທ່ານສາມາດ ຊອກຫາ ຊີດີແຜ່ນນີ້ ໄດ້ທີ່ :

Maison des Cultures du monde
101 Boulevard Raspail, 75006 Paris France
Tel. [phone]
Fax [phone]
e-mail : [e-mail]
www.label-inedit.com