ວິກິດການການເງິນໂລກ

ທຸກປະເທດ ທົ່ວໂລກ ພາກັນເອົາທ່າທີ ສະກັດກັ້ນ

ໂດຍ ສີທູຍ ສຸວັນນະສີ

ບົດຄວາມນີ້ເຜີຍແຜ່ເມື່ອວັນທີ 09/10/2008 ແກ້ໄຂໃຫມ່ຫລ້າສຸດເມື່ອວັນທີ 09/10/2008 14:13 TU

ສຳນັກງານ ອົງການ ກອວທຶນສາກົນ ທີ່ ນະຄອນວໍຊິງຕັນ ທີ່ເອົາໃຈໃສ່ພິເສດ ໃນການຫາທາງແກ້ປັນຫານີ້ (ພາຍ ແອຟແອມອີ)

ວິກິດການ ການເງິນ ທີ່ ຣະບາດ ລຸກລາມ ໄປທົ່ວໂລກ ໂດຍ ການສີດເງິນ ເປັນຕື້ໆ ໃສ່ຣະບົບ ຄັງແລະ ຣະບົບປະກັນພັຍ ທີ່ພົບປັນຫາ. ເກີດຄວາມຫລົ້ມຈົມ ບາງ ປະເທດ ຖຶດເງິນເປັນຫລາຍຕື້ ແລະບາງປະເທດ ທາງຣັຖບານ ເອົາທະນາຄານເປັນ ຂອງຣັດໄປເລີຍ

໑// ຕໍ່ຫນ້າ ວິກິດການ ການເງິນໂລກ ເວລານີ້ ປະເທດ ຕ່າງໆ ໃນ ທຸກທະວີບໄດ້ພາ ກັນເອົາ ມາຕຣາການ ແນວໃດ? 

ຕໍ່ຫນ້າ ວິກິດການ ການເງິນ ທີ່ລາມ ຈາກ ອະເມຣິກາ ໄປທົ່ວໂລກ ໃນເວລານີ້ ທາງສະພາ ຄອງແຄຣສ ສຫະຣັດ ໄດ້ຕົກລົງ ໃຫ້ ທະນາຄານກາງ ຄື ລາແຟດ ສືດເງິນ ເຂົ້າຣະບົບເຖິງ ເຈັດຮ້ອຍພັນລ້ານ ແລະທ່ານ ພອນສັນ ແຫ່ງ ພຣະຄັງ ຫວງວ່າອາດຈະ ສວມມືເຂົ້າໃນ ຫຸ້ນທະນາຄານ ຕ່າງໆນຳດ້ວຍ. 

ສ່ວນ ວ່າ ທາງເອີຣົບ ພາຍຫລັງການ ປະຊຸມຣັຖມົນຕຣີຄັງວັນອັງຄານຜ່ານມາ ເພຶ່ອ ສ້າງ ຄວາມໄວ້ເນືອເຊື່ອໃຈ ພວກອອມສິນ ໄດ້ຕົກລົງກັນວ່າ ຈະຕ້ອງທົດແທນ ຜູ້ອອມສິນ ແຕ່ລະຄົນ ໃນຂີດ ໖໐ ພັນ ເອີໂຣ. 

ປະເທດຝຣັ່ງນັ້ນ ທ່ານປະທານ ສະພາສູງ ແຈ້ງໃນມື້ນີ້ວ່າ ຈະຈັດກັມາທິການ ຮ່ວມ ສະພາ ສູງແລະຕໍ່າ ເພື່ອ ຫາທາງແກ້ໄຂປັນຫາ ວິກິດການນີ້. 

ນອກນີ້ ກ່ຽວກັບ ທະນາຄານ ແລະປະກັນພັຍ ເດັກຊີ ທີ່ກຳລັງ ເຈັ້ງນັ້ນ ຣັຖບານ ຝຣັ່ງ ແບລ ຊິກ ແລະລຸກຊາມບວກ ຕົກລົງກັນວ່າ ຈະຮັບປະກັນ ໃຫ້ແກ່ທະນາຄານ ດັ່ງກາວຈົນຮອດ ວັນ ທີ ໓໑ ຕຸລານີ້ ທັງສາມປະເທດ ຈະສີດ ເງິນເຂົ້າ ໔ ຈຸດ ໕ ພັນລ້ານເອີໂຣ ໂດຍ ທີ່ປະ ເທດ ແບນຊິກ ໃຫ້ ໖໐ ເປີເຊັນ /ຝຣັ່ງ ໓ຼ ເປີເຊັນ ນອກນັ້ນ ແມ່ນ ລູກຊາມບວກ. 

ທາງປະເທດອັງກິດ ກໍສີດເງິນເຂົ້າ ຫລາຍເຊັ່ນກັນ ແລະພ້ອມທີ່ຈະ ຊື້ຫຸ້ນທະນາຄານ ເພື່ອ ໃຫ້ກາຍເປັນທະນາຄານຣັດໄປເລີຍນຳດ້ວຍ. 

ທາງເຂດເອເຊັຽ ທະນາຄານກາງ ຍີ່ປຸ່ນ ກໍສີດເງິນ ເຖິງ ໓໐ ພັນລ້ານເອໂຣ ເຂົ້າ ຣະບົບ ທະນາຄານເຊັ່ນກັນ ສ່ວນວ່າ ປະເທດເກົາຫລີໃຕ້ ກໍໄດ້ ລົດຜ່ອນ ອັຕຣາ ດອກເບັ້ຽລົງ ສະກົດ  ຕາມຮອຍ ຂອງພວກທະນາຄານ ສຳຄັນໆ ຂອງທົ່ວໂລກ.

໒// ສະຖາບັນການເງິນສາກົນ ມີການເອົາທ່າທີແນວໃດ ?

ສ່ວນ ສະຖາບັນການ ເງິນ ສາກົນເຊັ່ນກອງທຶນສາກົນ ແອຟແອມອີ ໂດຍການ ນຳພາ ຂອງ ທ່ານ ສໂຕຣສ ການ ແຈ້ງວ່າ ທາງ ອົງການສາກົ ນີ້ ຫວັງວ່າ ຈະມີພາຣະຫນ້າທີ່ ຫລາຍ ໄປ ກວ່າ ການສຶກສາ ປັນຫາ ເງິນ ຂອງໂບລກເທົ່ານັ້ນ ແລະທ່ານ ຍັງກ່າວວ່າ ຢາກຈະມີ ຫນ້າທີ່ສຳຄັນກວ່ານີ້ ເຊັ່ນ ອົງການ ໄດ້ ຄາດວ່າ ຈະມີການເສັຽເງິນ ປະມານ ໙໔໕ ພັນ ລ້ານດອນລາ ຈາກວິກິດການ ແຕ່ ສອງສາມເດືອນຕໍ່ມາ ໄດ້ກາຍເປັນ ໑໔໐໐ ພັນບລ້ານ ດອນລາ ແລ້ວ. 

ນອກນີ້ ກ່ອນທີ່ຈະມີປະຊຸມໃຫຍ່ ກຸ່ມ ເຊ ໗ ແລະ ກຸ່ມ ເຊ ໒໐ ຊຶ່ງແມ່ນກຸ່ມ ໂຮມ ເຊ ໗ ແລະ ມວນຫມູ່ ປະເທດ ທີ່ກຳລັງ ພຸ່ງພົ້ນ ທັງຫລາຍ ເຊັ່ນປະເທດ ບເຣຊີນ ຈີນ ແລະ ມວນຫມູ່ ປະເທດເສດຖີ ນ້ຳມັນ ທັງຫລາຍ ໃນ ທ້າຍສັປດານີ້ ປາກົດວ່າ ຕລາດຫຸ້ນ ໃນໂ ຕກຽວທີ່ຕົກ ແບບ ບໍ່ເຄີຍມີມາ ແຕ່ປີ ໑໙໘໗ ຄື ຕົກ ເກືອບ ໙ເປິເຊັນ ເຄິ່ງນັ້ນ ມາມື້ນີ້ ຂ້ອນຂ້າງ ຈັ້ງຕົວ ດີຂຶ້ນ ແດ່ແລ້ວ ຄືຕົກ ຕໍ່ ພຽງ ໐ ຈຸດ ໕ ເປີເຊັນ ເທົ່ານັ້ນ. 

ແຕ່ເຖິງ ຢ່າງໃດກໍຕາມ ວິກິດການ ການເງິນ ໂລກເທື່ອນີ້ ສ້າງຄວາມ ວິຕົກ ກັງວົນ ຂນານ ໃຫຍ່ ແກ່ ປະເທດ ມະກາອຳນາດ ເສຖກິດ ຂອງໂລກ ທັ່ວໄປ ແລະ ຜົນສະທ້ອນ ກໍຄື ເມື່ອ ປະເທດຮັ່ງ ພົບປັນຫາ ປະເທດ ເລັກປະເທດ ນ້ອຍ ຍິ່ງພອຍ ໄດ້ຮັບຜົນ ສະທ້ອນ ທາງ ເສຖກິດ ແລະ ການພັທນາ ດັ່ງກໍຣະນີ ສປປ ລາວ ທີ່ຈະບໍ່ສາມາດ ບືນຕົວ ຫລຸດພົ້ນ ຈາກ ສະພາບ ຄວາມຍາກຈົນ ຕາມທີ່ຄາດ ຫມາຍໄວ້ ໃນປີ ໒໐໒໐ ນີ້. 

ອາດເປັນນິມິດ ດີທີ່ຕລາກຫຸ້ນ ສາມາດຈັ້ງ ຕົວ ແດ່ແລ້ວ ຫລື ອາດຈະເປັນ ຄວາມ ງຽບ ສງົບ ກ່ອນການມາເຖິງ ຂອງລົມ ພາຍຸໃຫຍ່ ກໍເປັນໄປໄດ້.
SITHUY SOUVANNASY