ວິກິຕການ ການເງິນໂລກ

ປະຊຸມສຸດຍອດ "G-4" ທີ່ ປາຣີສ໌

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 04/10/2008 ແກ້ໄຂໃຫມ່ຫລ້າສຸດເມື່ອວັນທີ 06/10/2008 14:20 TU

ແຖວເທິງ: ນິໂກລາສ໌ ຊາຣ໌ໂກຊີ (ຊ້າຍ) ແລະ ອັງເຄີລາ ແມຣ໌ເຄລ..ແຖລລຸ່ມ ຊິລ ວີໂອ ແບ໌ລຸສໂກນີ (ຊ້າຍ) ແລະ ກໍຣ໌ດັນ ບຣາວນ໌ (ພາບ: REUTERS/AFP)

ໃນຖານະປະທານວຽນສະຫະພາບຢຸໂຣບ
ສຳລັບຊ່ວງ 6 ເດືອນຫລັງຂອງປີ 2008
ນີ້ ທ່ານ ປະທານາທິບໍດີຝຣັ່ງເສດ ນິໂກ
ລາສ໌ ຊາຣ໌ໂກຊີ ຈຶ່ງໄດ້ເຊື້ອເຊີນ ນາຍົກ
ຣມຕ ເຍີຣະມັນ ທ່ານນາງອັງເຄີລາ
ແມຣ໌ເຄລ, ນາຍົກ ຣມຕ ແຫ່ງສຫະຣາຊ
ອານາຈັກ ທ່ານກໍຣ໌ດັນ ບຣາວນ໌ ແລະ
ນາຍົກ ຣມຕ ຂອງປະເທດອິຕາລີ ທ່ານ
ຊິລວີໂອ ແບຣ໌ລຸສໂກນີ ຮ່ວມປະຊຸມສຸດ
ຍອດແບບຍ່ອຍສະເພາະບັນດາຜູ້ນຳຂອງປະເທດຍັກໃຫຍ່ແຫ່ງສະຫະພາບ ທີ່
ເປັນສະມາຊິກຂອງ "ກຸ່ມ G-8" ເທົ່ານັ້ນ ໂດຍກອງປະຊຸມຈະມີຂຶ້ນ ທີ່ນະຄອນ
ຫລວງປາຣີສໃນມື້ນີ້ (ເສົາ 4 ຕຸລາ)

ຜູ້ວ່າການທະນາຄານກາງຢຸໂຣບ ທ່ານຢັງໂກລດ ຕຣິສເຊ, ປະທານກຸ່ມຢູໂຣ
ກຣຸ໊ບ (ກຸ່ມ ຣມຕ ການເງິນຂອງເຂດເງິນສະກຸນດຽວຢູໂຣ) ທ່ານຢັງໂກລດ ຢຸງ
ເກີ ແລະປະທານຄນະກັມມາທິ ການຢຸໂຣບ ທ່ານໂຢເຊ ມານູແອລ ບາໂຣໂຊ
ກໍເຂົ້າຮ່ວມປະຊຸມນຳດ້ວຍ

ແນໃສ່ການວາງກົດເກນໃໝ່ຄວບຄຸມຕລາດການເງິນໂລກ
ກອງປະຊຸມສຸດຍອດຂນາດຍ່ອຍທີ່ປາຣີສ໌ເທື່ອນີ້ ນອກຈາກເປັນການແນໃສ່ເຮັດໃຫ້ວົງການ
ຕລາດການເງິນ ຕລອດຈົນພົລເມືອງທົ່ວໄປ ໃຫ້ມີຄວາມໝັ້ນໃຈແລ້ວ ກໍຍັງແນໃສ່ການ
ຊອກຫາມາຕຣາການຮ່ວມກັນຂອງສະຫະພາບຢຸໂຣບອີກດ້ວຍ ແທນທີ່ແຕ່ລະປະເທດຈະ
ວາງມາຕຣາການຂອງໃຜຂອງມັນອອກຢ່າງທີ່ເປັນໃນປັດຈຸບັນ ອັນຈະເປັນການເຮັດໃຫ້
ເກີດຄວາມບໍ່ສົມດຸລທາງດ້ານເສຖກິດແລະການເງິນຂອງສະຫະພາບທັງມວນ

ຕົວຢ່າງ: ສາທາຣະນະຣັດໄອຣ໌ແລນດ໌ ມີນະໂຍບາຍໃຫ້ຫລັກປະກັນຢ່າງບໍ່ມີຈຳກັດຕໍ່ເງິນ
ຝາກໃນທະນາຄານໃນປະເທດຂອງຕົນຈຳນວນ 6 ທະນາຄານ ໂດຍບໍ່ມີການຕົກລົງຮ່ວມ
ກັນໃນສະຫະພາບມາກ່ອນ ອັນເປັນການຂັດແຍ່ງຕໍ່ຫລັກການການແຂ່ງຂັນຢ່າງເສຣີຂອງ
ສະຫະພາບ

ຖ້າກອງປະຊຸມ "G-4" ຫາກປະສົບຜົນສຳເຣັດ ກໍອາດເປັນແນວທາງສເນີໃຫ້ເປັນກົດເກນ
ໃໝ່ ສຳລັບຄວບຄຸມການເຄື່ອນໄຫວຂອງວົງການຕລາດການເງິນຂອງໂລກໃນຂັ້ນຕໍ່ໄປ
ທັງນີ້ເພື່ອຫລີກເວັ້ນການເກີດວິກິຕການອີກຄັ້ງໃໝ່ໃນອະນາຄົດ

ແນວຄິດຊາຣ໌ໂກຊີ
ກ່ອນໜ້ານີ້ ທ່ານປະທານາທິບໍດີຝຣັ່ງເສດໄດ້ກ່າວສເນີແນວຄິດນີ້ມາກ່ອນແລ້ວຕໍ່ໜ້າກອງ
ປະຊຸມສະມັດຊາໃຫຍ່ອົງການສະຫະປະຊາຊາດ ໂດຍສແດງຄວາມປາຖນາຢາກໃຫ້ມີ
ການຈັດກອງປະຊຸມໃນລັກສນະ "Bretten Woods 2" ຂຶ້ນ ໂດຍເຊື້ອເຊີນບັນດາປະ
ເທດທີ່ກ່ຽວຂ້ອງຫລາຍທີ່ສຸດກັບວິກິຕການທີ່ເກີດຂຶ້ນຄັ້ງນີ້ ມາຮ່ວມປະຊຸມ ຊຶ່ງໃນນັ້ນກໍມີ
"ກຸ່ມ G-8" ຕລອດຈົນບັນດາປະເທດທີ່ກຳລັງກ້າວສູ່ຍຸກອຸດສາຫະກັມ ເຊັ່ນ ສປ ຈີນ
ແລະ ອິນເດັຽ ເປັນຕົ້ນ

ດັ່ງນັ້ນກອງປະຊຸມສຸດຍອດຍ່ອຍແບບ "G-4" ໃນເທື່ອນີ້ ຈຶ່ງແມ່ນເປັນກອງປະຊຸມ ກະກຽມ
ປູທາງສູ່ກອງປະຊຸມສຸດຍອດຂນາດໃຫຍ່ໃນຂັ້ນຕໍ່ໄປ

ແຕ່ຈະໄປເຖິງຂັ້ນນັ້ນໄດ້ຫລືບໍ່ ເປັນເຣື່ອງທີ່ຈະຕ້ອງຄອຍຕິດຕາມກັນຕໍ່ໄປ ທັງນີ້ອັນເນື່ອງ
ມາຈາກການເວົ້າແລະການປະ ຕິບັດຕົວຈິ່ງ ມີຄວາມງ່າຍແລະຄວາມຍາກແຕກຕ່າງກັນ
ອີກປະການໜຶ່ງກໍມີການຂັດແຍ່ງກັນກ່ອນແລ້ວກ່ຽວກັບການຈັດຕັ້ງກອງເງິນທຶນຢຸໂຣບ
ແບບດຽວກັບ "ແຜນກອບກູ້ Paulson" ໃນສະຫະຣັດອະເມຣິກາ

ປະຊຸມໃນຖ້າມກາງຄວາມຂັດແຍ່ງ
ເປັນທີ່ໜ້າສັງເກດວ່າ ກອງປະຊຸມສຸດຍອດຂນາດຍ່ອຍ "G-4" ທີ່ນະຄອນຫລວງປາຣີສ໌
ໃນມື້ນີ້ ມີຂຶ້ນ ຫລັງຈາກທີ່ປະເທດເຍີຣະມັນແລະສະຫະຣາຊອານາຈັກໄດ້ປະຕິເສດຢ່າງ
ເຍືອກເຢັນທີ່ສຸດຕໍ່ຂໍ້ສເນີຂອງປະທານາທິບໍດີຝຣັ່ງເສດ ທີ່ໄດ້ຮັບການສນັບສນຸນໂດຍຣັຖ
ບານເນເທີແລນດ໌ ແລະ ຜູ້ອຳນວຍການກອງເງິນທຶນສາກົນ "IMF" ຊາວຝຣັ່ງເສດ
ທ່ານໂດມີນິກ ສໂຕຣສການຫ໌  ໃຫ້ຈັດຕັ້ງ "ກອງເງິນທຶນຢຸໂຣບ 300 ຕື້ຢູໂຣ"  (416
ຕື້ດອລລາຣ໌) ກະກຽມໄວ້ສຳລັບກອບກູ້ຖານະການເງິນຂອງບັນດາທະນາຄານໃນສະຫະ
ພາບ ທີ່ອາດປະສົບກັບປັນຫາການຂາດເງິນສົດ ເປັນແຜນທີ່ຄ້າຍຄືກັນກັບ "ແຜນກອບກູ້
Paulson" ຂອງສະຫະຣັດອະເມຣິກາ ທີ່ຫາກໍໄດ້ຮັບການປະກາດໃຊ້ເປັນກົດໝາຍ ຫລັງ
ຈາກທີ່ໄດ້ຮັບການອະນຸມັດຈາກຣັຖສະພາ

"ໃຫ້ພວກປະທານຜູ້ອຳນວຍການຂອງບັນດາທະນາຄານທັງຫລາຍ ທີມີຣາຍໄດ້ສູງໆ
ນັ້ນລະພາກັນຂາຍເຮືອນຂາຍຊານແລະຊັບສົມບັດຂອງຕົນເອງ ເພື່ອນຳເງິນມາແກ້ປັນ
ຫາ ຢ່າໃຫ້ພວກເຂົາເຈົ້າມາຫວັງເອົານຳຣັຖບານເລີຍ" ທ່ານໄມເຄີລ ໂກລສ ຣມຕ
ການເງິນເຍີຣະມັນ ໄດ້ກ່າວກ່ອນການເປີດກອງປະຊຸມສຸດຍອດ "G-4" ທີ່ປາຣີສ໌