ສະຫະພາບຢຸໂຮບ - ອິນເດັຽ

ຊຸມສຸດຍອດ ທີ່ເມືອງ ມາຣ໌ໄຊ

ໂດຍ ໄຊຊະນະ ທານາດາບຸຕຣ໌

ບົດຄວາມນີ້ເຜີຍແຜ່ເມື່ອວັນທີ 29/09/2008 ແກ້ໄຂໃຫມ່ຫລ້າສຸດເມື່ອວັນທີ 07/10/2008 08:36 TU

ຈາກຊ້າຍໄປຂວາ: ທ່ານ ຢັງໂກລດ ໂກແດັງ ຜູ້ຄອງກຳແພງນະຄອນເມືອງ "ມາຣ໌ໄຊ", ທ່ານຊາ ເວັຽ ໂຊໂລນາ ຜູ້ຕາງໜ້າສູງສຸດຂອງສະພາບຢຸໂຣບຝ່າຍຕ່າງປະເທດ, ທ່ານປະທານາທິບໍດີຝຣັ່ງ ເສດ ທ່ານນິໂກລາສ໌ ຊາຣ໌ໂກຊີ, ນາຍົກ ຣມຕ ອິນເດັຽ ທ່ານມານໂມຮານ ຊິງຫ໌, ທ່ານມານູແອລ ບາໂຣໂຊ ປະທານຄນະກັມມາທິການຢຸໂຣບ ແລະ ທ່ານແບຣ໌ນາຣດ໌ ກຸສແນຣ໌ ຣມຕ ຕ່າງປະເທດ ຝຣັ່ງເສດ (ພາບ: Reuters)

ກອງປະຊຸມສຸດຍອດ "ສະຫະພາບຢຸໂຣບ-ອິນເດັຽ" ເປີດຂຶ້ນໃນມື້ນີ້ທີ່ເມືອງ
Marseille ພາກໃຕ້ຂອງປະເທດຝຣັ່ງເສດ ຮ່ວມໃນກອງປະຊຸມສຸດຍອດ
ຄັ້ງນີ້ ຝ່າຍສະຫະພາບຢຸໂຣບ ກໍມີ ທ່ານປະທານາທິບໍດີຝຣັ່ງເສດ ນິໂກລາສ໌
ຊາຣ໌ໂກຊີ ໃນນາມປະທານວຽນສະຫະພາບ, ທ່ານໂຢເຊ ມານູລແອລ ບາ
ໂຣໂຊ ປະທານຄນະກັມມາທິການຢຸໂຣບ ແລະ ທ່ານຊາເວັຽຣ໌ ໂຊໂລນາ ຜູ້
ຕາງໜ້າສູງສຸດສະຫະພາບຢຸໂຣບດ້ານຕ່າງປະເທດ ແລະ ຝ່າຍອິນເດັຽ
ນຳໂດຍ ນາຍົກ ຣມຕ ມານໂມຮານ ຊິງຫ໌

ຫົວຂໍ້ໃຫຍ່ທີ່ຢູ່ໃນຣາຍການປະຊຸມກໍມີ ການຄ້າເສຣີຣະຫວ່າງສອງຝ່າຍ ປັນຫາອຸນຫະພູມ
ຜິວໂລກ ປັນຫາຄວາມປອດໄພທາງດ້ານອາຫານ ຕລອດຈົນຮອດປັນຫາວິກິຕການ
ເງິນໂລກທີ່ກຳລັງລະບາດໄປທົ່ວໃນເວລາປັດຈຸບັນ ໃນຂນະທີ່ປັນຫາສົງຄາມໃນອັຟກາ
ນິສຖານ ສຖານະການໃນປະເທດປາກີສຖານ ກໍບັນຈຸໃນຣາຍການປະຊຸມເຊັ່ນດຽວກັນ

ໃນມື້ອື່ນ (ອັງຄານ 30 ກັນຍາ) ນາຍົກ ຣມຕ ອິນເດັຽ ກໍມີກຳໜົດພົບປະຫາລືກັບປະທາ
ນາທິບໍດີຊາຣ໌ໂກຊີ ແລະ ນາຍົກ ຣມຕ ຟຣັງຊົວສ໌ ຟີຢົງ ທີ່ນະຄອນຫລວງປາຣີສ ກ່ອນທີ່
ຈະມີການລົງນາມວ່າດ້ວຍການຮ່ວມືດ້ານນິວເຄລັຽພົລເຮືອນຣະຫວ່າງຝຣັ່ງເສດແລະ
ອິນເດັຽ

ສະຫະພາບຢຸໂຣບ ເປັນຄູ່ຄ້າອັນດັບທີໜຶ່ງຂອງອິນເດັຽ ນຳໜ້າ ສປ ຈີນ ທີ່ເປັນທີສອງ
ເມື່ອປີ 2007 ທີ່ຜ່ານມາ ມີການແລກປ່ຽນຄ້າຂາຍສອງຝ່າຍເປັນມູນຄ່າເຖິງ 60 ພັນ
ລ້ານດອລລາຣ໌