ວີກິດຕະການ ການເງີນໂລກ

ຢູ່ປາຣີ, ສະຫະພາບເອີຣົບ ຊອກຂື້ນແຜນເພີ້ມ

ໂດຍ  ຄ.ພິວິໄລ

ບົດຄວາມນີ້ເຜີຍແຜ່ເມື່ອວັນທີ 12/10/2008 ແກ້ໄຂໃຫມ່ຫລ້າສຸດເມື່ອວັນທີ 12/10/2008 14:41 TU

ທາງເອີຣົບ ຈະຂື້ນແຜນ ຄ້ຳຕໍ່ຕື່ມອີກ ຫລັງຈາກ ເສັດສີ້ນ ປະຊຸມ ກຸ່ມG7 ຢູ່ ນະຄອນວໍຊິງຕັນ. ໑໕ ປະເທດ ກຸ່ມສະກຸນເງີນເອີໂຣ ເຂົ້າລວມກັນ ຢູ່ວັງ ເອລີເຊ-ປາຣີ ເພື່ອຮັບຮອງເອົາ ມາດຕະການ ເອກພາບ ຮັບປະກັນ ຄວາມທຸນທ່ຽງ ຂອງ ຕລາດການເງີນ ສະກຸນເງີນເອີໂຣ.

ຢູ່ປາຣີ, ສະຫະພາບເອີຣົບ ຊອກຂື້ນແຜນເພີ້ມ

ກອງປະຊຸມສາກົນ ສືບຕໍ່ ຢ່າງເນື່ອງນິດ ລຽນຕິດ ຮີບຟ້າວ ແກ້ໄຂ ສະພາບການ ຂອງຄວາມບໍ່ທຸນທ່ຽງ ຂອງ ຕລາດການເງີນ ໂດຍທີ່ ທາງເອີຣົບ ຈະຂື້ນແຜນ ຄ້ຳຕໍ່ຕື່ມອີກ ຫລັງຈາກ ເສັດສີ້ນ ປະຊຸມ ກຸ່ມG7 ຢູ່ ນະຄອນວໍຊິງຕັນ ປະຕິບັດ ແຜນການ ຫ້າຂໍ້,
ຕໍ່ມາ ແມ່ນ ກອງປະຊຸມ G20 ທີ່ໂຮມດ້ວຍ ບັນດາປະເທດ ທີ່ຮັ່ງມີ ແລະ ປະເທດທີ່ກຳລັງພຸ່ງເດັ່ນ,

ນັກຊື້ຂາຍ ຕລາດຫູ້ນສ່ວນ ເງີນລົງທືນ ທາງເຂດ ອາຊີ ກຳລັງເຈັບຫົວ (Reuters)

ມື້ວັນອາທິດ ໑໒ ຕຸລາ ແມ່ນ ຜຽນຂອງ ໑໕ ປະເທດ ກຸ່ມສະກຸນເງີນເອີໂຣ ເຂົ້າລວມກັນ ຢູ່ວັງ ເອລີເຊ-ປາຣີ ເພື່ອຮັບຮອງເອົາ ມາດຕະການ ເອກພາບ ຮັບປະກັນ ຄວາມທຸນທ່ຽງ ຂອງ ຕລາດການເງີນ ສະກຸນເງີນເອີໂຣ.
ເວົ້າສະເພາະ ຣັຖບານຝຣັ່ງ ມື້ວັນຈັນ ໑໓ ຕຸລາ, ດ່ວນສຸດຂີດ ເພາະວ່າ ຕາມທັມມະດາ ກອງປະຊຸມ ຄນະຣັຖບານຝຣັ່ງ ແມ່ນມື້ວັນພຸດ, ແຕ່ ກໍ່ຈະຈັດ ກອງປະຊຸມ ພິເສດ ຄນະຣັຖບານຝຣັ່ງ ເພື່ອຮັບຮອງເອົາ ຢ່າງຮີບດ່ວນ ມາດຕະການ ແລະ ຮ່າງກົດໝາຍເພີ້ມເຕີມ ແກ້ໄຂ ບັນຫາ ທະນາຄານ ສເນີຕໍ່ ສະພາແຫ່ງຊາດ ລົງມະຕິ ຮັບຮອງເອົາ.

ນັກຊື້ຂາຍ ຕລາດຫູ້ນສ່ວນ ເງີນລົງທືນ ທາງເຂດ ອາຊີ ກຳລັງເຈັບຫົວ (Reuters)

ສ່ວນ ປະເທດອັງກິດ ເຖີງແມ່ນວ່າ ບໍ່ໄດ້ຮ່ວມ ຊົມໄຊ້ ສະກຸນເງີນເອີໂຣ ກໍຕາມ ແຕ່ທ່ານ ນາຍົກອັງກິດ ກໍ່ໄດ້ ຖືກເຊີນ ໃຫ້ມາ ປາຣີ ມື້ວັນອາທິດ ໑໒ ຕຸລານີ້ ພົບພໍ້ ສົນທະນາກ່ອນ ແບບ ສອງຕໍ່ສອງ ກັບ ທ່ານນິໂກລາ ຊາກໂກຊີ, ປະທານນາທິບໍດີຝຣັ່ງ, ກ່ອນ ເປີດກອງປະຊຸມ ຂອງກຸ່ມ ໑໕ ປະເທດສະກຸນເງີນເອີໂຣ ທີ່ ຂື້ນແຜນ ໃຫ້ ມີກາດຕະການ ເປັນເອກພາບ ຮ່ວມກັບ ທະນາຄານ ສູນກາງ ຂອງສະຫະພາບເອີຣົບ

ລູກຄ້າ ທະນາຄານຕ່າງໆ ກຳລັງເຈັບຫົວ ຕໍ່ໜ້າ ຄວາມບໍ່ທຸ່ນທ່ຽງ ຂອງຕລາດການເງີນ (Reuters)