ຕະເວນອອກກາງ

ປະຊຸມ ສຸດຍອດ ຫວັງໃຫ້ ມີການຢຸດຍີງ ອັນຢືນນານ ທີ່ ກ່າຊ່າ

ໂດຍ  ສິຣິ

ບົດຄວາມນີ້ເຜີຍແຜ່ເມື່ອວັນທີ 18/01/2009 ແກ້ໄຂໃຫມ່ຫລ້າສຸດເມື່ອວັນທີ 18/01/2009 12:41 TU

ການປະຊຸມສຸດຍອດ ທີ່ Charm-el -cheikhປະເທດ ອີ່ຊີ໊ບ ມື້ນີ້ ຮູບ / RFI.ຣຕ

ເປັນການປະຊຸມສຸດຍອດພາຍໃຕ້ການ ເປັນປະທານຮ່ວມກັນ ຂອງຜູ່ນຳອີ່ຊີ໊ບ ທ່ານ ມູ໊ບາຣັ໋ກ ແລະ ຜູ່ນຳຝຣັ່ງທ່ານ ຊ໊າກໂກ໊ຊີ ໃນຕອນບ່າຍ ມື້ນີ້ອັນເຫັນ ວ່າການປືກສາຫາຣືກັນຄັ້ງນີ້ ກໍບໍ່ໄດ້ມີ ການເຜີຍໃຫ້ຮູ້ດ້ວຍຊ້ຳ ວ່າຫົວຂໍ້ຂອງ ການປະຊຸມສຸດຍອດທີ່ ຊ໊າກແອລເຊກ ບ່າຍນີ້ຈະມີການສົນທະນາກັນຫົວຂໍ້ໃດ

ຫລາຍປະເທດ ທີ່ໄດ້ມາເຂົ້າ ຮ່ວມກອງປະຊຸມນຳນັ້ນ ກໍແມ່ນ ມີຜູ່ນຳຣັຖບານ
ຈາກ ແອສປ໋າຍ ຝຣັ່ງ ອັງກິດ ອີຕາລີ່ ຕຸກກີ່ ຊ໊ອກດ່ານີ່  ຮວມ ດ້ວຍ ທ່ານ ບັນ
ຄີ ມູນ ເລຂາທິການໃຫຍ່ຂອງອົງການສະຫະປະຊາຊາດ

ອັນທີ່ຈີງແລ້ວ ຝ່າຍອີສຣາແອລກໍໄດ້ທຳການຢຸດຍີງເອງຝ່າຍດຽວ ໃນການ
ບຸກ ໂຈມຕີ ກຸ່ມຮາມາສ ທີ່ເຂດ ປ໊າແລສຕີ່ນ ໃນຕອນເຊົ້າມື້ນີ້ ຕາມເວລາທ້ອງ
ຖີ່ນ 02.00 ຈາກຜົນຕໍ່ເນື່ອງມາ ກໍແມ່ນນາຍົກ ອີສຣາແອລ ເອຮຸດ ໂອລແມຣ໌
ທີ່ ໄດ້ສັ່ງໃຫ້ມີການຢຸດການປະຕິບັດການທາງທະຫານ ຫລັງຈາກ ທີ່ໄດ້ມີການ
ປະຊຸມ ຂອງຄນະ ຣມຕ ດ້ານຄວາມໝັ້ນຄົງຂອງ ອີສຣາແອລແລ້ວ

ເຖີງວ່າຈະໄດ້ ມີການຢຸດຍີງຝ່າຍດຽວ ກໍຕາມ ກອງທັບ ອີສຣາແອລ ກໍຖລົ່ມ ທາງອາກາດໃນເຊົ້າມື້ນີ້ ທີ່ກ່າຊ່າ ໂດຍການໂຈມຕີ ຂອງອີສຣາແອລນີ້ ແມ່ນ
ແນໃສ່ ຈຸດຍີງຈຣວດ  ຂອງຮ່າມາສ ທີ່ Sdérot ແລະ ໃນເຂດໃຕ້ ກໍມີຄົນປ໊າ
ແລສ ຕີ່ນ ນື່ງຄົນຖືກຍີງ ຈາກທະຫານອີສຣາແອລ

ສ່ວນ ທ່ານ ເອຮຸດ ບ່າຣັກ ຣມຕ ປ້ອງກັນປະເທດ ອີສຣາແອລນັ້ນ ກໍແມ່ນຍ້ຳ
ອີກວ່າ ບໍ່ມີສີ່ງໃດຮັບປະກັນໄດ້ອີກວ່າ ພວກຮ່າມາສຈະຢຸດຍີງຈຣວດໄປໃສ່
ຟາກ ອີສຣາແອລ ແລະກອງທັບ ຊ໋າຮາລ ກໍແມ່ນຈະໂຕ້ຕອບຢ່າງຮຸນແຮງ
ເຊັ່ນກັນ

ເຖີງວ່າຈະໄດ້ ມີການຢຸດຍີງຝ່າຍດຽວກໍຕາມ ນັບແຕ່ ໄດ້ມີການບຸກໂຈມຕີ
ກັນ ມາຕັ້ງແຕ່ ວັນ ທີ່ 27 ທັນວານັ້ນ ການປະຕິບັດງານ ແບບແຂງກ້າວຂອງ
ອີສຣາແອລ ໄດ້ມີຄົນເສັຍຊີວິດໄປ 1.245 ຄົນ ແລະ ບາດເຈັບ ກວ່າ 5 ພັນຄົນ