ປາກກິ່ງ - ສຸດຢອດ ກຸ່ມອາເຊມ ASEM

ວ່າ ສປຈີນ ຄວນປະກອບສ່ວນ ສຳຄັນ ແກ້ໄຂ ບັນຫາ ການເງີນໂລກ

ໂດຍ ຄ.ພິວິໄລ

ບົດຄວາມນີ້ເຜີຍແຜ່ເມື່ອວັນທີ 23/10/2008 ແກ້ໄຂໃຫມ່ຫລ້າສຸດເມື່ອວັນທີ 23/10/2008 13:21 TU

ທ່ານ ບາໂຣດໂຊ, ປະທານກັມມາທິການເອີຣົບ

"ບໍ່ມີ ປະເທດໃດ ບໍ່ວ່າ ຈະຢູ່ ເອີຣົບ ຫລື ອາຊີ ກໍ່ຕາມ ຈະກ້າເວົ້າໄດ້ວ່າ ສາມາດ ໂດຍລຳພັງ ປະເທດດຽວ ສາມາດ ແກ້ໄຂ ບັນຫາ ທາງດ້ານ ການເງີນນີ້ ໄດ້ໂດຍ ລຳພັງຕົວເອງແລ້ວ.

ພິມບົດຄວາມນີ້

ສົ່ງບົດຄວາມນີ້

ສແດງຄວາມຄິດເຫັນຕໍ່ບົດຄວາມນີ້

ປາກກິ່ງ - ສຸດຢອດ ກຸ່ມອາເຊມ

ວ່າ ສປຈີນ ຄວນປະກອບສ່ວນ ສຳຄັນ ແກ້ໄຂ ບັນຫາ ການເງີນໂລກ

ກອງປະຊຸມ ກຸ່ມ ອາເຊມ ASEM ທີ່ຈະຈັດຂື້ນ ສອງວັນ ເລີ້ມມື້ ວັນທີ່ ໒໔ ຕຸລາ ຢູ່ນະຄອນຫລວງ ປາກກິ່ງ
ແມ່ນ ປະກອບມີ ໒໗ ປະເທດ ຈາກ ສະຫະພາບເອີຣົບ ບວກກັບ ສີບປະເທດ ກຸ່ມອາຊຽນ ແລະ ຍັງມີອີກ ໖ ປະເທດ ສຳຄັນ ເຊັ່ນ ສປ.ຈີນ, ອິນເດັຍ ແລະ ຍິ່ປຸ່ນ ເປັນຕົ້ນ ຮ່ວມ ເຂົ້າລວມ ສົນທະນາ ສເນີ ຂໍ້ຄວາມເຫັນ ນຳກັນ ດ້ານນະໂຍບາຍ ເສຖກິດ - ການຄ້າ ແລະ ການເງີນ.
ປະຊຸມ ອາເຊມ ASEM ຖືກສ້າງຕັ້ງຂື້ນມາ ເມື່ອປີ 1996 ເວລານັ້ນ ໂດຍ ການສເນີ ສ້າງຕັ້ງ ຮ່ວມກັນ ໂດຍ ທ່ານ ຊີຣັກ, ປະທານປະເທດ ຝຣັ່ງ, ແລະ ທ່ານ ລີກວນຢູ, ນາຍົກຣັຖມົນຕຣີ ຂອງ ປະເທດ ສີງກະໂປ ໃນເວລານັ້ນ.
ທຳອິດ ພື້ນຖານ ແມ່ນແນໃສ່ ເສີມຂຍາຍ ການພົວພັນ ຮອບດ້ານ ລະຫວ່າງ ລະຫວ່າງ ເອີຣົບ ແລະ ອາຊີ ເພື່ອຫລີກເວັ້ນ ບໍ່ຢາກໃຫ້ ສະຫະຣັດ ອະເມຣິກາ ເປັນໂທນ ເປັນເອກ ດຳເນີນ ນະໂຍບາຍ ແບບອ້າຍດຽວ ຢູ່ໃນເຂດອາຊີ.
ເລີ້ມຈາກ 25 ປະເທດ ດຽວນີ້ ກາຍມາເປັນ ມີ 45 ປະເທດ ສະມາຊິກ ແລ້ວ ທີ່ ຈະຮ່ວມປະຊຸມກັນ ສຸດຢອດ ຢູ່ ນະຄອນຫລວງ ປາກກິ່ງ
ກອງປະຊຸມເທື່ອນີ້ ພໍດີ ແມ່ນຢາມ ຫຍຸ້ງຢາກ ທາງດ້ານ ລະບົບການເງີນ ຂອງໂລກ
ຈັ່ງຊັ້ນບໍ່ ທ່ານ ບາໂຣດໂຊ Barroso, ປະທານ ກັມມາທິການເອີຣົບ, ຈຶ່ງໄດ້ ສເນີ, ນອກຈາກ ຍິ່ປຸນ ແລ້ວ, ໃຫ້ ສປ.ຈີນ ຈົ່ງມີ ຖານະ ບົດບາດ ຮ່ວມຢ່າງ ແຂງຂັນ ຢູ່ດ່ານໜ້າ ໃນການ ປະກອບສ່ວນຮ່ວມ ດ້ານການເງີນ ແກ້ໄຂ ວິກິດຕະການ ການເງີນໂລກ.
ທ່ານ ຍັງໄດ້ເວົ້າ ແບບ ເປັນ ປຣິດສະໜາ ວ່າ: "ພວກເຮົາ ຕົກນ້ຳ ນຳກັນແລ້ວ, ພວກເຮົາ ຕ້ອງຮ່ວມມືກັນ ຫລືວ່າ ຈະດຶກນ້ຳ ຕາຍນຳກັນບໍ່"
ທ່ານຍັງວ່າ "ບໍ່ມີ ປະເທດໃດ ບໍ່ວ່າ ຈະຢູ່ ເອີຣົບ ຫລື ອາຊີ ກໍ່ຕາມ ຈະກ້າເວົ້າໄດ້ວ່າ ສາມາດ ໂດຍລຳພັງ ປະເທດດຽວດຽວ ສາມາດ ແກ້ໄຂ ບັນຫາ ທາງດ້ານ ການເງີນນີ້ ໄດ້ໂດຍ ລຳພັງຕົວເອງແລ້ວ. ອີກດ້ານນຶ່ງ ທາງດ້ານ ປະຕິບັດ ສິດທິມະນຸດ ທ່ານກໍ່ໄດ້ ເວົ້າຢ້ຳເຕີ່ມວ່າ ຈະຕ້ອງ ຍົກບັນຫາ ທີ່ມີຢູ່ ທັງໝົດ ຂື້ນມາເວົ້າ ເຖີງແມ່ນວ່າ ຈະເປັນບັນຫາ ທີ່ຍັງ ຂັດແຍ້ງ ກັນກໍ່ຕາມ.