ວິກິດຕະການ ດ້ານການເງີນ

໒໗ ປະເທດ ສະຫະພາບ ເອີຣົບ ວ່າ ຮັບປະກັນ ໑໐໐.໐໐໐ € ຕໍ່ບຸກຄົນ ອອມສິນ

ໂດຍ  ຄ.ພິວິໄລ

ບົດຄວາມນີ້ເຜີຍແຜ່ເມື່ອວັນທີ 07/10/2008 ແກ້ໄຂໃຫມ່ຫລ້າສຸດເມື່ອວັນທີ 07/10/2008 12:18 TU

ທ່ານ ຕຣິເຊ, ປະທານ ທະນາຄານ ສູນກາງເອີຣົບ (ຊ້າຍ), ກຳລັງ ສົນທະນາ ກັບທ່ານໂຊນແບສ, ຣັຖມົນຕຣີ ເສຖກິດ ການເງີນ ຂອງ ປະເທດ ສະເປນ ຢູ່ ເມືອງ ລັກຊຳບວກ (Reuters)

ໃນຂນະ ທີ່ ຢູ່ໃນ ປະເທດຝຣັ່ງ ຣັຖບານ ຮັບປະກັນ ໗໐.໐໐໐ € ໃຫ້ ຜູ່ມີເງີນຝາກ ອອມສິນ ໃນແຕ່ລະ ທະນາຄານ.

ຣັຖມົນຕຣີ ກະຊວງການເງີນ 27 ປະເທດ ສະຫະພາບເອີຣົບ ເຂົ້າລວມ ຕໍ່ ຢູ່ເມືອງ ລັກຊຳບວກ ພິຈາຣະນາ ໃຫ້ ເປັນເອກກະພາບ ນຳກັນ ຮັບປະກັນ ຈຳນວນເງີນ ຂອງ ລູກຄ້າ ທີ່ ນຳຝາກໃນທະນາຄານ ໃນ ທົ່ວເອີຣົບ ໃຫ້ ກ້ຳເກີ່ງກັນ ແ
ລະ ອາດຈະ ຕົກລົງ ໃນໄວໆ ຮັບປະກັນ ຢ່າງນ້ອຍ 1໐໐.໐໐໐ € ຕໍ່ບຸກຄົນ ໃນຂນະ ທີ່ ຢູ່ໃນ ປະເທດຝຣັ່ງ ຣັຖບານ ຮັບປະກັນ 7໐.໐໐໐ € ໃຫ້ ຜູ່ມີເງີນຝາກ ອອມສິນ ໃນແຕ່ລະ ທະນາຄານ.
ສ່ວນ ຣັຖບານ ເຍີຣະມັນ ຊ້ຳເວົ້າຮອດວ່າ ຮັບປະກັນ ທຸກກິບ ທຸກອັດ ເງີນທີ່ໄປ ນຳຝາກ ຢູ່ໃນທະນາຄານ ຂອງເຍີຣະມັນ. ປະຊຸມ ກັນຢູ່ ເມືອງ ລັກຊຳບວກ ເລີ້ມແຕ່ ວັນທີ່ ໖ ຕຸລາ ແມ່ນ ແນໃສ່ ສ້າງ ຄວາມໄວ້ວາງໃຈ ບໍ່ໃຫ້ ລູກຄ້າ ທີ່ ມີເງີນຝາກທະນາຄານ ແຕກຕື່ນ ແລ້ວ ໄປຂໍຖອນ ເອົາເງີນສົດອອກມາ.
ທາງ ສະຫະພາບ ເອີຣົບ ຕ້ອງການ ຈັດ ເປັນ ລະບົບລວມ ເອກກະພາບ ນຳກັນ ຮັບປະກັນນຳກັນ ຢ່າງເປັນຂະບວນ.